رواية حب في عمليات خاصه الفصل السادس عشر 16 - بقلم ملك ايمن

أسَر وقف ونزلها ومسكه من ياقة القميص. أسَر بغضب: بتقول إيه يا روح أمك. سائر وهو بينزل: إيه يا سائر، مالك يا نجم؟ من أول القعدة وإنت مش طايق نفسك ولا طايق حد. أسَر: الصراحة مش طايقك إنت. إسلام: إيه يا رجالة، استهدوا بالله. ماتتكلم يا جمال. جمال بصوت واطي: والله ما أنا قايم يستاهل عشان يبقى يقول نودي تاني. ندي: يا جماعة... جمال: هششش، ما أسمعش نفس. ندي: طيب. وقعدت. يونس: مالك يا أسر، في إيه؟

أسَر: مفيش، بس مينفعش يشيلها كده ويقوم. سائر: وهي كانت تخصك؟ اشمعنى إنت اللي اتكلمت يعني؟ إنت الذكر اللي فيهم. فيروز: سائر، خلصنا بقى لو سمحت. اقعدوا وإنت تعالالي. وشدت أسر ودخلت جوه. وسائر قعد. إسلام: إيه يا باشا، متهدي كده. سائر بابتسامة: بيحبها. الكل: نعِم. سائر: يلا تصبحوا على خير. ودخل. الكل ضحك عليه وهو طلع أوضته المخصصة له. جمال: الواد ده مسخرة وربنا. يونس: سائر ده قنبلة هزار متنقلة.

إسلام: آه، بس لما يقلب بيبقى أعوذ بالله. مريم وهي بتتاوب: أنا عاوزة أنام. يونس: فيروز قايلة هتباتوا معاها. مريم بتردد: أكيد مش قصدها عليا. ندي بابتسامة: لا عليكي يا قلبي. يونس: تعالي أوصلك أوضتكم. مريم: حاضر. وقامت معاه. إسلام: وأنا ألحق أروح. يلا مشوفش وشكم تاني إن شاء الله. سلام. ومشوا. ندي: طيبين جداً. جمال: والله ما في أطيب مني. ندي بخجل: أحم، وإنت مش هتروح؟ جمال: تؤ، مستني أسر. تفتكري قتلوا بعض. ندي: يا سلام!

وليه ميبقاش أخوك اللي قتل أختي؟ جمال بغزل: اللي الجميل عاوزه هيكون. ندي بخجل: أحم، أنا هطلع أنام. مسك إيديها. قعدت. جمال: ليه بتهربي مني كده؟ ندي: خايفة. جمال: منين؟ ندي: منك، ومن التجربة. خايفة أفشل، وخايفة من رد فعل عيالي، وخايفة محمد ياخدهم مني. جمال: أوعدك هكون أب ليهم زيهم زي عدي. ولو على خوفك مني، فـ أنا مفيش أكتر مني هيخاف عليكي. ولو على التجربة، وعد مني ليكي قدام ربنا إني هنسيكي أي حاجة حصلت معاكي.

ندي: الرد هيوصلك بكرة مع ماما. جمال: طب ليه أمي وأمك؟ ما أنا أهو، الجثة كلها أهي. ندي ضحكت. جمال: ضحكت يبقى قلبها مال. ندي: كنت بتحب مراتك؟ جمال والحزن خيم عليه: غرام كانت ونعمة الزوجة. غرام حب الطفولة والشباب. كنا متربيين مع بعض، وطلعنا دراسة سوا، وجامعة سوا. اتجوزنا، خلفت عدي، وتوفت. ندي وظاهر عليها الحزن والغيرة: أنا... أنا هطلع أنام. تصبح على خير.

جمال: ندي، أرجوكي. أنا حبيت أبدأ معاكي على صفحة بيضا. آه، لحد دلوقتي بحبها، لكن دي ست متوفية. عايزك تعرفي إني قلبي مدقش غير ليكي إنتِ بس، وإلا ما كنتش اتقدمت لك. ندي، أنا بجد بحبك. ندي بدموع: وأنا... جمال: وإنتي... إيه؟ ندي: وأنا كمان بـ... بحبك. جمال بفرحة: حيث كده، تعالي لما أقولك سر. عند أسر وفيروز. أسَر: عايز إيه؟ فيروز: ممكن أفهم إيه اللي حضرتك بتعمله ده؟ أسَر بعصبية: هو إزاي يشيلك كده؟ ولا أساسًا إزاي يلمسك؟

أنا شوية وكنت هفصل راسه عن جسمه. بني آدم حيوان، وواخد عليكي زيادة عن اللزوم. فيروز: خلصت. سائر أخويا في الرضاعة. أسَر بصدمة: نعم! آه، ده أنا آسف، مكنتش أعرف. بس برضه، ما يلمسكيش. فيروز: إنت عايز إيه بالظبط؟ أسَر: عاوزك، عاوز قلبك، عاوز أقول للدنيا كلها إنك ملكي أنا. فيروز: وأنا موافقة. أسَر: نعم؟ فيروز: بقولك موافقة. جري فتح الشباك وقال بصوت عالي: يا جماااال! قالتلي موافقة. ودخلها. أسَر: ما تيجي مكتب الكتاب دلوقتي.

فيروز: بس يامجنوون أنت، وبعدين لما تكلم ماما الأول. أسَر وهو بيقرب: طب تصبيرة طيب. فيروز بتحذير: وربنا أندمك على ماضيك ومستقبلك، وأخليك زي زيك دلوقتي. أسَر: أحم، أنا رجعت في كلامي. مش عاوز أتجوّزك. فيروز: هههه. أسَر: عيونه، قلبه، حياته، عمره. فيروز: يا ابني، إنت متهد بقى. أسَر: أتهد؟ هي شكلها علاقة مقرفة. فيروز: على إيه يا عنيا؟ امشي اطلع بره. أسَر: تؤ تؤ، أنا خلاص مضيت إقامة هنا. ضحكت فيروز على كلامه.

أسَر: اعملي حسابك، كتب كتابنا بكرة، والفرح بعدين. فيروز: ليه السرعة دي؟ أسَر: وليه منتسرعش يعني؟ عشان أبقى بحريتي معاكي. فيروز: اممم. حاضر. أسَر: يلهوي على حبيبي وهو بيقول حاضر. يا ناس. فيروز: ملزق أوي يعني. أسَر: بس بحبك. فيروز: اممم. أسَر: لا، اممم إيه؟ انطقي. فيروز: و... وأنا كمان بـ... أسَر: هتفضلي تبح بحي كتير؟ هاجي الرزق بو*سة تتكلمي على طول. فيروز: سرسجي أوي يا ضنا. أسَر: يلا انطقيها بقاف.

فيروز: أحم، في موضوع الأول. أسَر: في إيه؟ تعالي. أخدها، قعدها على الكنبة، وقعد جنبها بيستمع لها بكل تركيز. فيروز بتردد: شوف، أنا دايماً مطلوب مني الانضباط، يعني مش هقدر ألبس فساتين ولا أحط ميكب. يعني واحدة بعض الشيء، يعني هتلاقي صعوبة في التعامل معايا. أسَر: هششش، وأنا مش طالب منك أي حاجة من دول. أنا حبيت فيروز اللي شايفها دي، وبمشاكسة، بس ميمنعش من شوية دلع هنا في الأوضة. ههه. وغمز لها.

فيروز وشها أحمر: إنت قليل الأدب. أسَر: يلهوي عليا. ما تيجي يابنتي نكتب دلوقتي أحسن. فيروز: بس بقى الله. يلا امشي، عاوزة أنام. أسَر: طيب، طيب. بس تعرفي شكلك حلو وإنتي مكسوفة. وقام باس جبينها وخرج. فيروز: قليل الأدب أوي. واترمت على السرير وهي بتدندن: ياما عيون شغلوني، لكن ولا شغلوني. إلا عيونك إنت دول بس اللي خدوني. وبحبك أمروني، أمروني أحب. لقيتني بحب وادوب في الحب. وتنهدت وقالت: بحبك يا ابن أنعام، والله. ونامت بعمق.

ندي طلعت، وجمال أخد أسر وركبوا العربية. وأسر شغل الكاسيت على أغنية الست: "يا حبيبي يا حبيبي. الليل وسماه ونجومه وقمره. قمرو وسهره وإنت وأنا. يا حبيبي أنا، يا حبيبي أنا. يا حياتي أنا. كلنا كلنا في الحب سوا. والهوى آه منه الهوى. آه سهران الهوى. يسقينا الهنا ويقول بالهنا. يا حبيبي يلا نعيش في عيون الليل. ونقول للشمس تعالي تعالي بعد سنة مش قبل سنة. في ليلة حب حلوة بألف ليلة وليلة." "الله عليكي يا ست."

"وهو الحب إيه غير ليلة؟ سؤال للكل كده، ويا ريت تروضو عليا. إيه هو مضمون الحب."