رواية حب في عمليات خاصه الفصل الثاني عشر 12 - بقلم ملك ايمن

فيروز: أيوه، الموضوع وصلني. يونس: طب، وإيه العمل؟ فيروز: العمل ده عليا أنا. السؤال هنا، إنت وصلت بمنسبتك إيه؟ يونس: بارتباك... أنا... تنهد. يونس: أنا بحب مريم، وكل حاجة عندها. أنا مراقبها وعارف إنها بتكلم واحد، لكن ما كنتش أعرف حكاية العرفي ده. فيروز: اممم، وبعدين؟ يونس: أنا لسه بحبها ومستعد أتجوزها. فيروز: تتجوز واحدة كانت متجوزة عرفي؟ يونس: أنا راضي والله، بس هي توافق. فيروز: المهم دلوقتي محمد. يونس: جوز أختك؟

فيروز: أها. النهارده بالليل يكون عندي. يونس: ماشي. إيه ده؟ جرحك اتفتح تاني؟ فيروز: لا، مفيش حاجة. أنا ماشية، سلام. أخذت شنطتها وراحت. عند أسر، كان نايم والفون رن. أسر بنوم: الو. مجهول: أسر باشا. أسر بانتباه: مين؟ مجهول: أنا عملك الأسود، فاكرني؟ أسر: إنت عاوز إيه؟ مجهول: عرفت إن في سنيورة جديدة صح؟ اسمها ف... ي... ر... و... أسر: لو قربت منها، هتكون نهايتك على إيدي. إنت فاهم؟

مجهول: تؤ تؤ تؤ. في حد يكون معاه البطل ده وخايف عليها؟ أسر: عاوز إيه؟ مجهول: هحرق قلبك زي ما حرقت قلبي. أسر: أنا مقربتلهاش، هي اللي موتت نفسها. مجهول: بسببك. أنا هدوقك من نفس الكاس يا سعادة الظابط. سلام. قام أسر، أخذ دش ولبس ومشى بسرعة. عند فيروز، دخلت البيت. ندي: فيروز، محمد جاي النهارده هو وأهله عشان ياخدوا العيال. أنا أنا خايفة. بلاش ياخد عيالي. فيروز: هش، محدش هياخد عيالك. همم.

أميرة: خلاص ياحبيبتي، اهدي بقا. فزعتي العيال. فيروز: مين اللي قالكم إنه جاي؟ دي بتبكي: كلمني الصبح وهددني ياخدهم. فيروز: اممم. القرد أبو سديري بقى له صوت. المهم، متقلقيش. محدش هيطلعهم من هنا إلا على جثتي. أميرة: اا فيروز. فيروز: نعم يا أمي. أميرة: اا مريم. فيروز: أه، مريم. ليها مفاجأة عندي النهارده. قولي لها تجهز نفسها. قالت كده وطلعت. أميرة: أنا مش مرتاحة. ندي: مش هتأذيها؟ أميرة: يلا عشان نعمل الغدا. ندي: هوا...

احم. عدي مش هيجي تاني؟ أميرة: عدي مين؟ ندي: ابن أستاذ جمال. أميرة: اممم. يلا يلا على الغدا. عند مريم، قاعدة والباب خبط. مريم فتحت الباب ودخلت فيروز. فيروز: جهزي نفسك. بليل عاوزاكي على سنجه عشرة. مريم بخوف: ف... فيروز، فيه دم على هدومك. كانت هتمسك دراعها، لكن فيروز شدته. فيروز: مش ده الجرح اللي هتداويه يابنت أمي وأبوي؟ مريم بندم: أنا عارفة إني غلطت، بس بلاش تحاسبيني. أرجوكي. فيروز: جهزي نفسك.

وخرجت وقفلت الباب ودخلت أوضتها. دخلت، قلت الجاكت. الفون رن. فيروز: الو. أسر: إنتي فين؟ فيروز: في البيت. أسر: تمام. أنا جايلك. متخرجيش. فيروز: وحياة أنعام، في إيه؟ أسر: لما أجي هقولك كل حاجة. فيروز: تمام. ودخلت تاخد دش. في بيت أسر. جمال: احم. أنا بفكر يعني. أنعام: في إيه يا حبيبي؟ جمال: احم. بفكر أتجوّز. ياسر: يحيا الجواز يا أخويا. أنعام: ألف مبروك يا حبيبي. مين هي؟ نعرفها؟ جمال: أه، هي ندي أخت فيروز.

عدي: أه أه، نودي حلوة. هتبقى ماما؟ جمال: إنت موافق يا حبيبي؟ عدي: أه. أنعام: على خير الله. هكلم أميرة، تجس النبض. وإن شاء الله خير. جمال: إن شاء الله.