رواية حب في عمليات خاصه الفصل الحادي عشر 11 - بقلم ملك ايمن

مريم: عماد... مين؟ فيروز: اللي بتكلميه؟ ولا انتي فاكراني نايمة على وداني؟ مريم: وإنتي إيه دخلك؟ فيروز: مريم، متطلعيش أسوأ ما فيا. أنا ماسكة نفسي بالعافية. وعماد ده ليا تصرف معاه. مريم بغل: إنتي ليه دايماً كده؟ مش عاوزة ليا الخير أبداً. فيروز: محدش في الدنيا دي كلها يخاف عليكي ويحبلك الخير دي يا مريم.

مريم: لا، إنتي السبب في بعدي عن ماما. حتى ندى بقت قريبة منك أكتر مني. بس أحب أقولك حاجة، إنتي فعلاً نايمة على ودانك، لأني متجوزة عماد عرفي. اللكمة نزلت على وشها. مدى قوتها وقعها على الأرض. قربت منها فيروز وقعدت على ركبتها. مسكت شعرها. فيروز بغضب: عارفة ده عشان إنتي وسخة. إنتي... مريم ببكاء: ابعدي عني. كفاية بقى. دي وأميرة جم على صوتها ودخلوا. أميرة: يالهوي! إيه ده؟ وجرت على مريم، وكذلك ندى. فضلت تطبطب عليها.

فيروز بجمود: متخرجش من أوضتها. لا جامعة ولا خروجات. لو شفت رجليها بره الأوضة هقطعلهالها. ندى: فيه إيه بس؟ هي عملت إيه؟ فيروز: اسأليها. اسألي ال... أميرة: فيه إيه يا مريم؟ اتكلمي. مريم: ... فيروز: هقولك أنا. الهانم ماشية مع واحد ومتجوزاه عرفي. أميرة لطمت: يالهوي! ليه كده يا بنتي؟ ليه توطي راسنا؟ فيروز: لمسك؟ مريم: ... فيروز: مش هعيد سؤالي. مريم ببكاء: لا. فيروز كانت هتتكلم، قاطع كلامها صوت رسالة. كانت

من رقم مجهول وكان نصها: "أختك مراتي عرفي وبتبعتلي صورها." وكان فيه صور لمريم بالبيجامات. فيروز: يابن الكلب. ندى: فيه إيه؟ فيروز حكتلهم على اللي اتبعتلها. مريم: لا مش ممكن. مستحيل. فيروز: إيه؟ مستنية يحميكي؟ أميرة: فيروز، جرحك اتفتح. فيروز: محدش له دخل. اتفضلوا على أوضتكم. ووجهت كلامها لمريم: وإنتي متخرجيش أبداً. إنتي فاهمة؟ خرجوا وهي قاعدة. عقمت جرحها ونامت. مش كتر التفكير. في أوضة أسر وجاسر. وجمال كان قاعد معاهم.

جاسر: احم احم. فيه ناس سرحانة هنا يا... جمال: هو ماله مبلم كده؟ جاسر: تلاقيه سرحان في المزز. أسر: بس يلااا منك ليه. جمال: إيه يا بيضة؟ بتتكسفي؟ جاسر: يا خلاثي ياناسووووو. أسر مسك المخدات حدفها عليهم. أسر: تؤ. بس بقى. الله. جمال: مالك متضايق لي؟ أسر: البت غشيمة أوي. جاسر: أحسن. خليها تشربك من تحت رجلك. جمال: استنى يا جاسر. بس أسر، إنت حبيتها بجد؟

أسر بتوهان: مش عارف. بس ببقى عاوزها معايا. سمعت عنها كتير قبل ما أشوفها. بحب شدتها في الكلام. قوية جداً. لكن فرفوشة. يعني ممكن أقول أنثى متكاملة. جاسر: اااااه. يبقى وقعت يا عنيا. جمال: ولو بردو اتأكد من مشاعرك. ممكن تكون بس منبهر بيها. أسر: إن شاء الله خير. في صباح يوم جديد وتحديداً غرفة فيروز. فونها رن. فيروز بنوم: الو. يونس: فيروز. ركزي معايا. فيه مصيبة. فيروز: فيه إيه يا عم؟ هي الساعة كام؟

يونس: احم. الساعة ٥ الفجر. فيروز: نهار أبوك طين. دنا لو ورايا مهمة بصحى الساعة ستة. فيه إيه يا جلاب المصايب؟ يونس: تعالي صالة الملاكمة نتكلم هناك. فيروز: طيب. طيب. قامت فيروز. لبست بنطلون أبيض وتيشرت جملي وهاف بوت جملي. وعملت شعرها ديل حصان. ونزلت. وصلت المكان ودخلت. كان بيتضرب مع المدرب. دخلت غرفة اللبس. بدون كلام. غيرت. لبست استريتش أسود وتيشرت كت أسود. وخرجت. مشي المدرب. يونس: إيه ده؟ إنتي رايحة فين؟

فيروز: دوري. ودخلت معاه في مبارزة حادة. خلصت بفوز فيروز. وقعدوا بينهجوا. فيروز: كنت عاوزني ليه؟ يونس: بصراحة. الموضوع بخصوص مريم. فيروز بمكر: ليه؟ كل معلومات مريم إنت اللي بتجيبها؟ مش غريبة ها؟ عملت إيه؟ يونس بارتباك: احم... ااا اتبعتتلي صورها. فيروز.......