رواية حب في الخفاء الفصل الخامس 5 - بقلم دنيا ثروت

هي مراتك متديكش حقك ولا أي.. هههه. سيف ضربها بالقلم بقوة: انتي إزاي تتجرأي تتكلمي عليها كده. نرمين بتقف قدامه بتحدي: انت بتترجاني عشان واحدة باعت شرفها بالرخيص. سيف مسكها من دراعها: أياكي تتكلمي حرف عليها، أياكي. نرمين: ههههه ضحكتني.. لما أنا تعرف تسكتني، أومال العيلة كلها هتسكتها إزاي. سيف ساب إيديها: انتي بتقولي إيه. نرمين: بقول إن جدي في الطريق، وأظن هيعرف يتعامل معاك إزاي. يلا يا ماما..

أخدت سهيلة وكاظم وراحوا البيت. سيف قرب عليها وكانت منكمشة وبترتعش. ربت على كتفها: اهدي. قمر: لي.. سيف: لي إيه. قمر: لي عملت كدا ودفعت عني.. كانت قدامك الس.. الساحة فاضية عشان تاخدي حقك. سيف: شرفك من شرفي، وأظن محبش كلمة تيجي على شرفي.. لكن بيني وبينك انتي أوخس إنسانة أشوفها أصلاً. وشدها من إيديها وصلوا بيت باين إنه منعزل عن العالم. مدخلها فيه. سيف بجبروت: أكلك وشربك وكل حاجة هتجيلك هنا.. خدامة فتحية.. فتحية.

فتحيية جت من المطبخ: نعم يا بيه. سيف: عايزك تخدميها عقبال ما أجي.. خدي بالك لأنها عامية، عارف صعب عليكي، بس يومين وأمشي، تكون حفظت البيت، مش ناقصها.. واتجه للقصر. أول ما دخل لقى راجل كبير باين عليه إنه كبير في العمر، يبلغ 70 سنة. سيف جاي يبوس إيديه.. شد إيده فوراً. وقام بكل عصبية رزع العصاية على الأرض: انت إزاي مدخلتش على مراتك يا ابن بدران. سيف وهو موطي راسه: مش مرات اللي أغصبها عليا يا جدي.

جدي ضربه بالقلم بقوة: وهي لما تكشف نفسها قدام الغريب تبقى أنت راجل. سيف لف راسه وحاول يتمالك غضبه: عامية وتلاقي حد ضحك عليها. جدي: بكرة من النجمة تطلقها وترميها في الشارع.. ونرمين اللي هتتجوزها، فااااهم.. ومشي دخل المكتب. في الصباح. تخبيط على باب البيت. قمر قعدت تلمس لحد ما فتحت الباب وكانت ماسكة كوباية ميه: حاضر جاية. فتحيية كانت نايمة في الوقت ده. فتحت الباب. الدكتورة: أستاذة قمر فين. قمر: أنا هي.

الدكتورة: تمام، أستاذ سيف جابني عشان أكشف، انتي بنت بنوت لسه ولا لأ. وقعت منها الكوباية وووووو.