رواية حب في جزيرة مجهولة الفصل الأول 1 - بقلم ايات عبدالرحمن

ااااه أنا فين حمدا لله يا آنسة علي سلامتك الله يسلمك أنا فين إحنا الطيارة وقعت بينا في جزيرة مجهولة إيه! طب حد حصله حاجة أيوه في 7 اتوفوا و 15 جريح والباقي زي ما أنتِ شايفة كده قمت وأنا مش قادرة أقف، كنت دايخة أوي، كنت هقع لقيت حد ساندني وقال: اقعدي يا آنسة، راسك مجروحة ماينفعش تتحركي كان شاب في أوائل الثلاثينات كده وكان ملفوف على رأسه شاش، تقريباً هو كمان مصاب شكلي إحنا وصلنا هنا إزاي

لقيت الركاب اللي كانوا معانا اتجمعوا ووقفوا قدامنا رد بكل احترام: إحنا الطيارة وقعت بينا في نص البحر في جزيرة قريبة من مثلث برمودا اتصدمت لما سمعت كلمة مثلث برمودا، يعني خلاص أضمن مليون في المية إن مش هرجع بيتي تاني، خلاص هنموت اتكلمت وأنا صوتي مهزوز وقولت: ليه يعني خلاص إحنا توهنا، مفيش حد هيلاقينا ضحك وقال: لا إن شاء الله هيلاقونا، بس قولي يارب يارب، هو إحنا في منطقة برمودا فعلاً

ضحك بخفة وقال: ههههههه، منطقة برمودا إيه، اسمها مثلث برمودا يعني إحنا فيه دلوقتي مش بالظبط، إحنا بالقرب منه طب وانت عرفت إزاي أنا كنت بعمل أبحاث عنه هو حقيقي اللي بيروح هناك مش بيطلع منه بصي، أنا تقريباً كده لسه بادئ أعمل أبحاث عنه فما عندييش المعلومات الكافية يعني اومال إزاي بتعمل أبحاث في حاجة ما تعرفهاش هههههه، بقولك لسه مبتدئ آه، طب هو فعلاً اللي بيروح عنده بيتحول لمومياء مين قالك كده أنا سمعت الناس بتقول كده

طب ما تسمعيش لحد تاني

هو لحد دلوقتي مفيش حد عارف يوصل للغز مثلث برمودا، في اللي قالوا إن اللي بيروح هناك بيختفي وبعد 30 سنة بيخرج هيكله، واللي قال إن ده فوقه عرش الشيطان، وطبعاً مفيش حاجة موجودة اسمها عرش الشيطان، وفي اللي قال إن في مجموعة من الفضاء الخارجي عايشة فيه وعشان كده أي حد بيقرب منه بياخدوه، واللي قال إن في حيوانات تحت الميه شكلها مخييييف جدا هي اللي بتعمل كده وبتسحب السفن والطائرات، وفي اللي قال إن في جزيرة بالقرب من المثلث ساكن فيها ناس أول ما الليل بيدخل بيسمعوا أصوات غريبة جداً خارجة من المحيط، وتقريباً الجزيرة دي اللي إحنا فيها حالياً، بس مش عارف إذا كان فيها ناس فعلاً ولا إيه، وكتييير أوي كمان

لكن الحقيقة لسه مجهولة، عشان كده بدأت أعمل أبحاث عنه ياااه، ده أنا ما أعرفش عنه حاجة خالص ههههههه، وليا أنا هههههه ضحكنا إحنا والكل وبدأ الليل يدخل، المكان بقى شكله مخيف أوي، اتحركنا وكان معانا ناس كبيرة في السن وأجانب وهنود ومن الصين تقريباً كده من كل البلاد، ناس مختلفة في اللهجة والشكل واللون في كل حاجة، مفيش غيره هو اللي قدامي بيتكلم مصري، كنت ماشية معاه وأنا متطمنة

ملحوظة: هي ماشية معاه مش عشان هيكون البطل والكلام ده وفتى أحلامها وكده، هي ماشية معاه عشان مش عارفة تتكلم مع حد في الموجودين لسه، تمام فضلنا ماشيين لحد ما حسيت بتعب صدااااع قوي، لكن كملت مشي، وكل اللي نجوا من الركاب كانوا ماشيين معانا، وفجأة سمعنا صوت، وقفنا كلنا ثابتين بدون حركة مكاننا