رواية حب في جزيرة مجهولة الفصل الثاني 2 - بقلم ايات عبدالرحمن

الدنيا بقيت ليل وإحنا ماشيين في وسط الجزيرة المجهولة مع الركاب اللي نجوا من الطيارة. وفجأة سمعنا صوت. وقفنا كلنا مكاننا ثابتين مرة واحدة. التفتنا ومن المنظر اتجمدنا مكاننا. صوت مخيف جدا بيصدر من المحيط. وفجأة السما بقى فيها زي دائرة كده كبيرة واتحولت من الأسود للأزرق. وبقي ينزل منها أشياء غريبة قوي. وعشان هما بعيد عننا كان حجمهم صغير، كانوا بينزلوا بسرعة رهيبة جدا.

استمر الوضع ده في حدود عشر دقائق كده. الأصوات الغريبة دي والأشياء اللي بتنزل من السما. بصيت له وأنا فاتحة عيوني على آخرهم، وأبص له شوية وللي بيحصل قدامنا شوية. كل حاجة انتهت واحنا فضلنا واقفين مكاننا مش قادرين نتحرك من اللي شفناه. "يا جماعة لازم نتحرك من هنا بسرعة. ممكن يكون في خطر علينا كلنا. لازم نبعد عن هنا بأسرع وقت." بعد ما كل حاجة رجعت لطبيعتها، الصوت رجع تاني بس أعلى وبييقرب علينا. "يلا بسرعة اجروا."

فضلنا نجري والخوف متمكننا لحد ما وقعت ورجلي اتجرحت جرح قوي. مبقتش قادرة أقف ولا أمشي. الكل وقف معايا لكن ما كانش فيه وقت. وشالني وجرى. بعد ما اعتذر جرينا شوية. الصوت اختفى وظهر صوت فحيح ثعبان بس كان ظاهر قوي وكأنه واقف معانا في نفس المكان. وقفنا شوية ولما الصوت ظهر قوي جرينا. وإذا بحية كبيرة تنزل من على شجرة من الجزيرة. خلاص انتهينا. شكل الثعبان وهو واقف قدامنا لوحده كفيل يوقف القلب.

"بااااس. ماتتحركوش خالص ولا حد يتكلم." "لو اتحركتوا هتصطادنا كلنا ومفيش حد فينا هينجا المرة دي. واللي ماحصلش لينا في الطيارة هيحصل هنا." وخلع التيشيرت بهدوء وحذفه عليها. لكن جه بعيد عنها. بدأت تتحرك وتتجه علينا. جرينا كلنا لكن أنا ما قدرتش بسبب الجرح اللي في رجلي. فوقعت. كانت قريبة مني جدا. حذف عليها كمان تيشيرت بس المرة دي جه على راسها. مسك حجر ونزل بكل قوته ضرب على راسها لحد ما كسرها خالص.

"اسمعوا دي أنثى يعني أكيد معاها زوجها. لو فضلنا هنا هيهاجم علينا واحنا مانعرفش حجمه كبير ولا إيه. يلا بسرعة." وشالني ومشينا مسافة طويلة. كان بيمر قدامنا ثعابين صغيرة وحشرات شكلها غريب. لكن ما وقفناش. وكملنا لحد ما ظهر قدامنا زي قرية صغيرة. وفي ناس قدامنا بتشتغل. منهم الأسود والأبيض. بشر مختلفين في الألوان كأنهم مش أهل.

كان فيه فاصل بينا وبينهم زي بحر صغيرة كده. وفيه كوبري مرينا من عليه. وأول ما شافونا وقفوا وفضلوا يبصوا لبعض. مش مصدقين إننا نجينا من منطقة الأفاعي. روحنا عليهم. لغتهم كانت مختلفة شوية. عربي مكسر ومصري عادي. قعدنا معاهم ورحبوا بينا وبدأوا يسألوا إزاي نجينا من منطقة الأفاعي. حكى لهم كل اللي حصل واللي مرينا بيه. وهنا بيصدر الحكم.

كبيرهم قال عشان نفضل معاهم. في شروط لازم كل ولد وبنت يتزوجوا من بعض. عشان ما ينفعش يعيش معاهم حد من غير زواج.