رواية حب في جزيرة مجهولة الفصل التاسع 9 - بقلم ايات عبدالرحمن

قامت حور بعد محادثة طويلة مع يزن وهي ماشية فجأة أغمي عليها. يزن قام بسرعة وكل اللي في الكافيه جرى بسرعة عليها. بدأ يزن يفوق فيها لكن مش بتفوق. بيشيلها وبيحطها في العربية وبيطلع على المستشفى وبيتصل على أهلها. "خير يا دكتور، حور حصل لها إيه؟ "خير إن شاء الله، اهدوا بس كده وتعالوا معايا على المكتب." "خير يا دكتور، قلقتنا، هي حور فيها إيه؟ بدأ يزن يحكي لهم اللي حصل بينهم ولما حور قررت تمشي أغمي عليها.

"لا حول ولا قوة إلا بالله العلي العظيم، طب وهي تعبانة أوي ولا إيه؟ "حصل معاها مضاعفات وربنا يستر، لأن هي هي هي... "هي إيه يا دكتور؟ "هي دخلت في غيبوبة ومش قادرين نحدد هي هتفوق منها إمتى." "يعني إيه مش قادرين تحددوا هتفوق إمتى، أومال دكاترة إزاي؟ "اهدأ بس يا أستاذ، وإن شاء الله هتفوق في أسرع وقت." نسبق بالأحداث شوية. مر سبع شهور على غيبوبتها وبدأت تفوق. لكن من وقت ما فاقت وهي قررت تعيش وونيسها الصمت.

فضلت كمان شهرين مش بتتكلم مع حد. مفيش أي حاجة بتخليها تتكلم ولا أي حاجة نافعة معاها. "أرجوك يا دكتور، بنتي هتروح مني، اتجوزها بس لو شهر واحد وسيبها. حور مريضة قلب، إحنا ما صدقنا ربنا نجاها وعدى الشهر اللي كنت بتقول هيكون أخطر شهر في حياتها." "بلاش عشان خاطر ربنا تسيبها تضيع مننا تاني." ومن هنا بيقرر دكتور يزن يزورها ويعرض عليها الزواج. لكنها برضه مش بتخرج عن صمتها.

بيدخل مستمر في زيارتها لحد ما بيطلبها من والدها وبيخطبها. وبتبدأ تستعيد وعيها وترجع لطبيعتها. كل يوم خروج وسهر وضحك. لحد ما عرفها على حقيقتها إنها مش زي بنات كتير تافهين. حس إن دي مختلفة عن كتير أوي. قرر هيتخطبوا ومش هيتزوجوا غير بعد ما تخلص تعليمها. وفي الفترة دي يكون اتعرف عليها أكتر. انتهت فترة الدراسة. ومع الوقت اتحسنت علاقتهم وبقى يزن مش قادر يستغنى عنها. وطول الوقت خايف يخسرها.

فكان دايماً حريص جداً وبيحاول يعمل أي حاجة تفرحها. وبعد ما انتهت رحلتها الدراسية اتزوجها. لكن قرروا إن مفيش أطفال غير بعد خمس سنين تكون اتحسنت أكتر وتقدر تتحمل. لكن هي خالفت الكلام وقررت تكون أم بعد سنتين. في الأول حصلت بينهم مشاكل. لكن ماكنش بإيده حاجة يعملها غير إنه يسلم أمره لله. بييجي يوم ولادتها. أصعب يوم في حياتها. بتتم عملية الولادة بدون بنج لأن البنج خطر جداً عليها. فتتعذب شوية لحد ما بتشرف بنتهم جنه.

وبتكون حياتهم زي أي حياة عادية. بس الزايد فيها إنها عاهدت ربنا إن مهما حصل بينهم هتفضل محافظة عليه وهتحاول على قد ما تقدر تسعده. وبتنفيذ وعدها.