رواية حب في ورطة الفصل الأول 1 - بقلم ريهام

واخيرا ي حبيبي بقينا لبعض انا حاسس اني بحلم غمضت عيني ودموعي بتنزل: طلقني ي زين ابتسامته اختفت وعقد حواجبه: نعم انتي شاربه حاجة ي ندى لا انا مش شاربه حاجة انا عارفة انا بقول أي كويس عطيته ضهري وانا بتنفض من العياط قرب مني وحط أيده ع كتفي: مالك ي حبيبي انا زعلتك ف حاجة؟ انتي خايفة مني؟ بعدت أيده بضيق اتعصب: اي ي ندى للدرجة دي مش طيقاني دا احنا مستنين اليوم دا من عشر سنين

التفت: قول الكلام دا لنفسك ي استاذ ي محترم قولي عملتلك اي عشان تخوني مع نهلة وتقولها انك هتتجوزها حط أيده ع وشه بتعب: الموضوع مش زي ما انتي فاهمه ي ندى طب فهمني قولي ايه دا مسكت فوني وفتحتله الصور والفيديوهات اللي كانت بينه وبين نهلة ف كافيه وقاعد مع نهلة وماسك أيدها وبيقولها مش هسيبك وبيمسح دموعها بايده كل حركة ف الفيديو وكل صورة كانت بتفتفت قلبي مقدرتش اتفرج اكتر من كدا ورميت الفون من ايدي

أيده ع كتفي وبصلي بحنية: كل اللي عايزك تتاكدي منه اني اقسم بالله عمري ماخونتك ولا فكرت حتي حسيت بالصدق ف عنيه فعيطت زيادة: طب فهمني مش دي نهلة اللي كانت عايزة تتجوزك وبتحبك من زمان سكت وبص ف الأرض ليه ي زين ليه تجرحني كدا كنت بخبطه ف كتفه وبعيط وهو واقف بيبصلي وساكت قعدت ع الارض وانا بعيط وصوت عياطي كان عالي حاسة الحب اللي فضلت سنين ابني فيه بيتهد ادام عيني طوبة طوبة وانا مش عارفه اعمل اي

نزل لمستوياورفع وشي ليه: ممكن تثقي فيا وانا ف اقرب فرصة هوضحلك كل حاجة انا مش عارف مين اللي بعتلك الفيديو دا ولا اي مصلحته بس اتاكدي أن الحقيقة مش زي مانتي شايفه ي ندى غصب عني حركت راسي باإيماء قلبي رافض يكدبه وعقلي بيجبلي مليون سيناريو كلهم اسوء من بعض سيبته ودخلت اوضتي وحاولت اغير الفستان بس معرفتش بس برضه مش هناديله قعدت ع السرير بتعب ومن كتر العياط وتعب اليوم نمت حسيت بحد جمبي ف اتعدلت بسرعه لقيته زين قاعد بيبصلي

انت اي جابك هنا؟ انتي اي اللي نيمك بالفستان ملكش دعوه قولي انت هنا من أمتي رفع حاجبه: هو انتي لقيتي حرامي نايم جمبك دانا جوزك وبطمن عليكي بس واطمنت! اتفضل برا طب هنام فين مفيش غير اوضة نوم واحدة اتفضل نام ع الركنة أو ف الأرض مش مشكلتي نعم! دا بقالي شهرين ببص ع السرير وبحلم اني نايم عليه خلاص يبقي اقوم أنا انام برا رمي المخده عليا وقام: وع اي خليكي انا اللي قايم هي جوازه منظورة والله انا عارف

خرج من الاوضه فنمت تاني بس هو جه تاني طب مش محتاجه مساعده خبطته بالمخده: اطلع برا ي زين وملكش دعوه بيا خالص ف الصاله عند زين زين: مش عارف ليه الظروف ضدى كدا يوم ماامسك بايدي اغلي حلم حلمته ابقي متهدد ببُعده ف اي لحظة يارب حلها من عندك افتكرت اللي حصل قبل فرحي بشهر كنت ف البيت ونهلة بنت عمي جت عندنا بحزن: مبروك ي زين عرفت انك حددت فرحك خلاص ابتسمت: الله يبارك فيكي ي لولو عقبال ماافرح بيكي واوصلك لعريسك بنفسي

بصت ف الأرض: أن شاء الله دخلت اوضتي وكلمت ندى وفضلنا نرغي كتير ع ترتيبات الفرح وحاجات كتير وقغلنا كنت واقف مبسوط ف البلكونه وبغني :::ي آيه من الجمال جمبك لقيت القلب قال كل الكلام اللي مداريه:::: وقتها رنا اختي دخلت الاوضه عليا بغيظ: انت اي ي اخي مش عارف تمسك نفسك شوية راعي شعورها شوية ضيقت بين حواجبي: في اي بتتكلمي عن مين؟ 'استهبل بقا متعرفش أن نهلة بتحبك رايح تكلم خطيبتك وتضحك وتهزر معاها وهي موجوده

رفعت اكتافي بلامبالاه: والله بقا انا كنت ف اوضتي وثانيا انا كتبت كتابي ع ندى يعني بقت مراتي واحنا احرار خرجت ورزعت الباب وراها وهي بتبرطم: عديم الاحساس صحيح مهتمتش وكملت غُني وانا بحلم باليوم اللي هكون فيه مع ندى ف بيت واحد بعدها باسبوع الساعة 2صباحا كنت نايم وصحيت ع رنة فوني برقم غريب فتحت الخط سمعت صوتها بتعيط: ال.. الحقني ي زين انا .. انتفضت من ع السرير: نهلة! في اي مالك بتتكلمي من فون مين؟ انتي فين

"انا ف الشارع ارجوك تعالي خدني انا ف.. قومت بسرعه ولبست جاكت ع هدومي وخرجت روحت العنوان اللي ادتهولي اتفاجئت باللي شوفته وشها متبهدل من العياط والميكب وشعرها متلغبط وهدومها قصيره اي اللي عمل فيكي كدا؟