رواية حب غير معلن الفصل الحادي والعشرون 21 - بقلم هبة نبيل

المشهد 1 –غيرة مكتومة غرام (تضحك وهي تمسك بالحبل وتتأرجح) : إنت متأكد إني مش هقع؟! المدرب (مبتسمًا) : طبعًا! إنتي موهوبة، وأهم حاجة تركزي. (عز يضيق عينيه وهو يراها تضحك مع المدرب، ثم يتجه نحوهم.) (ببرود مصطنع) : إيه الجو اللطيف ده؟! أنا قولت دي حفلة ضحك، مش تدريب. غرام (مستفزة) : إنت غيران؟! (ساخرًا) : أنا؟! أغير إنتِ بتحلمي؟! بس ياريت نكمل تدريب بالتزام شوية. (غرام تبتسم بانتصار، بينما عز يكتم غيظه.) المشهد 2

–مفاجأة السيرك المذيع: والآن، موعدنا مع مفاجأة الليلة! (يظهر عز مرتديًا زي لاعب الأكروبات، والجمهور يندهش.) غرام (بصدمة) : إنت هتعمل إيه؟! (بثقة) : هتشوفي بنفسك! (يؤدي عز فقرة بهلوانية بسيطة، لكنه يختتمها بقفزة مفاجئة نحو غرام، مما يجعلها تصرخ.) غرام (تضربه على كتفه) : إنت مجنون!! (يضحك) : كويس إنك عارفة. المشهد 3 –الخطر يقترب الشخص المجهول (يتمتم لشخص آخر عبر الهاتف) : لازم تتحركي يا أفندم قبل ما يفهم عز كل حاجة.

المشهد 4 –غيرة غير معلنة غرام (بمرح) : ياااه، صدفة جميلة! (ببرود) : صدفة؟ ولا متفقين؟ المدرب: أنا جيت بالصدفة فعلًا، بس لو هضايقكم ممكن أمشي. (بسرعة) : لا، طبعًا، إنت ضيفنا! (يبتسم ابتسامة زائفة، بينما غرام تلاحظ ضيقه وتحاول كتم ضحكتها.) المشهد 5 –رسالة غامضة (بصوت منخفض) : مين اللي بيلعب معايا اللعبة دي؟! المشهد 6 –مواجهة غير متوقعة مليكة: لسه برضه معترفش؟ غرام (بابتسامة انتصار ومرح) : معترفش بس غيرته تتحدث عنه.

مليكة: بس ما تقليش العيار، لأن عز لو اتعصب ممكن يقلب السيرك ده كله فوق دماغك، عز عصبي جدًا، ما يغركيش الهدوء اللي هو فيه ده، بس عشان هو فيه اللي مكفيه باللي بيحصل ده كله. غرام: ما تقلقيش، أنا بس بسويه على نار هادية. المشهد 7 –لحظة اعتراف (في منزل فاخر، كان جالسًا ويدخن سيجاره وهو يتحدث مع أحدهم عبر الهاتف ويقول له: "إزاي سمحناله يلعب بينا كده؟ " صوت الشخص الآخر يأتيه بوضوح: "ومين قالك إنه هيلعب بينا؟

وحياة كل لحظة ذل حطني فيها لتتقلب عليه بالخراب، وبكره تشوف! " في هذه الأثناء، دق جرس منزل فاخر، فأنهى اتصاله على عجلة من أمره وذهب ليفتح ليتفاجأ بوالدة غرام هي من على الباب، باندهاش صادم قال.) فاخر: سمية، إيه اللي فكرك بيا بعد السنين دي؟ إزاي اجترأتِ تيجي هنا؟ مش خايفة؟ مش قولتلك لو شوفتك في يوم قدامي هقتلك؟ سمية: مش هتعمل كده يا فاخر وأنا متأكدة؟ فاخر (يرفع حاجبه ويعقد ذراعيه وهو يقول) : وإيه الثقة دي؟

جاية ليه يا سمية؟ سمية (بصوت مرتعش) : فاخر... إنت لازم تعرف الحقيقة... فاخر: حقيقة إيه؟ انطقي واخلصي؟ سمية (تبتلع ريقها بخوف وبنوع من التردد تقول) : اللي بتحاربهُم دول في واحدة منهم من دمك. فاخر: مش فاهم، تعالي دوغري، تقصدي إيه؟ سمية: غرام يا فاخر، غرام تبقي بنتك. (فاخر ينظر لها بصدمة، بينما يتلاشى المشهد على وجهه المتجمد.) المشهد 8 –الصفحة الأخيرة؟ (داخل غرفة عز، ينظر للصورة مجددًا، ثم يكتب كلمة واحدة: "الحقيقة.")

(تنخفض الأضواء من على وجه عز مع صوت الرياح التي تعصف خارج السيرك.)