رواية حب غير معلن الفصل العشرون 20 - بقلم هبة نبيل

المشهد 1 –موعد على العشاء (داخل السيرك، الطاولة مضاءة بأنوار خافتة، المكان يلفه صمت مخيف. عز يجلس أمام نجوى، عيناه تراقبها بابتسامة مخيفة، بينما هي تحاول الحفاظ على هدوئها.) (بهدوء) : "فاكرة المكان ده؟ كان آخر مكان شفت فيه أمي وهي بتتنفس." نجوى (تحاول التماسك) : "الذكريات أحيانًا بتكون مؤلمة، لكن الماضي فات، ليه تفتحه تاني؟ (يرمي صورة منال أمامها) : "اللي فات؟! ليه هو اتقفل عشان يتفتح، مش لما اللي قتلها يتحاسب؟

(نجوى تنظر للصورة للحظات، ثم ترفع عينيها لتواجه نظرة عز الحادة.) نجوى (بهدوء شديد) : "لو كان عندك دليل... كنت واجهتني بيه زمان." (بابتسامة ماكرة) : "ومين قالك إني ما عنديش دليل؟ (يُظلم المشهد على تعابير وجه نجوى التي بدأت تفقد ثباتها.) المشهد 2 –الصندوق المفاجئ (داخل مكتب عز في السيرك، كان الثلاثة مجتمعون ينظرون إلى الصندوق الذي وُجد مع التهديد، بحذر وريبة.) مليكة (بقلق) : "هنفتحه؟ ممكن يكون فيه خطر." محمود (بجدية)

: "ما فيش حل تاني، لازم نعرف اللي جواه." (يفتح غرام الصندوق بحذر، ليجد بداخله فستان طفلة صغيرة... مُغطى ببقع دم قديمة.) مليكة (تصيح) : "دي... دي حاجة تخص منال؟! غرام (بدهشة) : "ده فستاني؟ مليكة: "فستانك؟ غرام: "أيوه ده فستاني وأنا عندي سنتين وكان ضايع وأكن حد كان خفيه بتعمد عشان ما يبقاش دليل." (يتبادلان النظرات في رعب.) محمود: "إحنا لازم نبلغ عز." مليكة: "أنا هبعتله رسالة يجي."

غرام: "أيوه لأن أنا حصل معايا برضه حاجة غريبة ولازم يعرفها." مليكة (بفضول) : "حاجة إيه؟ غرام: "هتعرفوا لما عز يجي." المشهد 3 –فخ الانتقام (عودة إلى العشاء في السيرك، عز ينظر إلى ساعته، ثم ينهض ببطء.) (بهدوء قاتل) : "هسيبك تفكري للحظات... قبل ما نكمل كلامنا." (يغادر عز، تاركًا نجوى وحدها. فجأة، الأضواء تضعف، وصوت وقع أقدام في المكان يدخل شخص مجهول.)

(فجأة ترجع الإضاءة كما كانت وتستقر على ملامح الشخص ليتضح أنه فاخر. نجوى تنتفض عند رؤية فاخر يقف بابتسامة شريرة.) فاخر: "شكلك مش مبسوطة بالمفاجأة يا نجوى." نجوى (بغضب) : "إيه اللي جابك؟ عز هيكون هنا في أي لحظة! فاخر (ساخرًا) : "ومين قالك إني جاي أهرب؟ أنا جاي آخذ حقي." نجوى (بخوف) : "حق إيه؟ فاخر اعقل إحنا مصلحتنا واحدة."

(يُغلق الباب خلفه، تاركًا نجوى في مواجهة مباشرة مع ماضيها المظلم. يأتيه إشعار برسالة على هاتفه عندما يقرأها يذهب مباشرة إلى مكتبه.) المشهد 5 –داخل مكتب عز في السيرك (دخل عز إلى مكتبه ليراه غرام ومليكة ومحمود في انتظاره فقال عز بنوع من المرح) : "في إيه يا جماعة مالكم متجمعين عند النبي إيه بتعملوا خطة حرب ولا إيه؟ غرام (بلهجة ساخرة) : "ما كنتش أعرف إن دمك خفيف." (يبتسم ثم يردها لها في نفس اللحظة)

: "ولسه ما تعرفيش عني حاجات كتير لسه صغنونة برضه." (تنظر له غرام بغيظ بينما بجانبها محمود ومليكة يتبادلان النظرات بضحك مكتوم.) عز: "مليكة لقيتك بعتالي رسالة غريبة فيه إيه؟ محمود (بحذر) : "تعالى بص كده! (خطا عز عدة خطوات ونظر بداخل الصندوق.) مليكة: "لقينا ده بس جواه والغريبة إن غرام بتقول إنه فستانها." (بابتسامة هادئة ولكنها تحمل الكثير...

التقط الفستان من الصندوق وعندما كان على وشك الخروج أتاه صوت غرام ليوقفه عدة لحظات.) غرام: "عز في حاجة غريبة حصلت عايزة أقولك عليها! (بتساؤل) : "حاجة إيه؟ غرام: "أنا جالي هدية غالية وفخمة قوي مع ورقة مش مكتوب عليها اسم بس كان ده اللي مكتوب... عشان تفضلي دايمًا قريبة من عز دي حاجة بسيطة." عز: "وفين الهدية دي؟ غرام: "أهي." (تمد يدها بالعلبة التي يوجد بها الهدية.)

(يلتقطها عز ويفتحها ويندهش من فخامتها ويبدأ في تفحصها ثم يقول) : "العقد ده في إيه؟ (ويقترب من أذن غرام ويهمس بحذر) : "العقد ده فيه مايك؟! (تشهق غرام ولكن سرعان ما يضع عز يداه على فمها ويشير لها بأن تصمت.) غرام (بهمس هي أيضًا) : "يعني تقصد إني أسربه ما ألبسوش تاني؟ (بهمس وباستفزاز مرح وسخرية) : "أسربه؟ في بنت تقول أسربه؟

أنتي هجامة يا غرام اسمها أبعده عني يا ماما بس أوعي تعملي كده زي ما بيلعبونا إحنا كمان هنلعبهم بذكاء وهنسمعهم كل الكلام اللي هما عايزينه بس على مزاجنا إحنا." "أنا همشي دلوقتي عشان ورايا حاجة كده بعملها وهرجعلكم تاني... المشهد 6 –المواجهة المزدوجة (عز يعود ليجد فاخر أمام نجوى، فيبتسم بمكر.) عز: "كنت هتبدأ من غيري؟ ده برضه ينفع ده حتى مش عدل يا راجل."

(فاخر يضحك بخبث لكنه يشعر بالقلق، بينما نجوى تحاول السيطرة على ارتجافها.) نجوى: "أنت فاهم غلط يا عز." (يقاطعها بحدة) : "لا، أنا فاهم صح جدًا. الليلة دي... هتنتهي بطريقتي." نجوى (برعب وهي تمسك ساعدي الكرسي الذي تجلس عليه ويدها ترتعش والعرق يتصبب من جبهتها) : "ت... تقصد إيه يا عز هتموتني؟ عز: "لا لا لا هو أنا زيكم؟

أنا ما ألوّثش أيدي بدمكم وبعدين موتكم مش هيفيدني أكتر من إنكم تبقوا قدامي كده طول الوقت وأتسلى عليكم كل شوية عذابكم ونظرة الرعب اللي هتطلع من عنيكم دي عندي أحسن من أي حاجة تانية. أنتوا هتطلعوا من هنا بس بمزاجي وهتعملوا كل اللي أنا هطلبه منكم، ديل؟ (نجوى وفاخر يتبادلان النظرات بريبة ثم يتحدثان سويًا بكلمة واحدة وهي الموافقة.) عز: "حلو شطار اسمعوا بقى اللي هقولكم عليه ويتنفذ بالحرف... المشهد 7 –تهديد جديد

(في سيارة مظللة، يجلس شخص يراقب عز وغرام من بعيد، يمسك هاتفه ويتحدث.) الشخص المجهول: "هو بدأ يحس بالحقيقة... لازم نتحرك قبل ما يفهم كل حاجة." (تُغلق المكالمة، والعيون تراقب عز وغرام.) المشهد 8 –سر جديد (في المخزن القديم بالسيرك) (كان حمودة يذهب للمخزن القديم ليبحث عن ورق يريده وعندما كان يبحث رأى ورقًا هامًا يدين فاخر ومعه صورة من محضر قديم ينظر لهم بابتسامة خبيثة ثم يقرر بأن يأخذهم ويخرج ولكن كانت تتبعه عيون أخرى.)

المشهد 9 –الصفحة الأخيرة؟ (عز يدخل إلى غرفته في السيرك، يفتح ملفًا على مكتبه يحمل عنوان "الحقيقة الكاملة"، ينظر إلى صورة منال، ثم إلى صورة نجوى، قبل أن يكتب كلمة واحدة: "العدالة؟ (المشهد يُظلم على وجهه الحاسم، بينما الرياح تعصف خارج السيرك... إيذانًا بعاصفة لا مفر منها.)