رواية حب غير معلن الفصل الخامس 5 - بقلم هبة نبيل

المشهد 1 -داخل قاعة تدريب السيرك (يقف فاخر في منتصف القاعة، يمارس حركات سحرية بسيطة أمام مجموعة من الأطفال الذين يشاهدونه بانبهار. يبتسم بسعادة، لكن فجأة، يظهر حمودة البلياتشو ويصفق بسخرية.) حمودة: هو إنت لسه مصدق إنك ساحر بجد يا فاخر؟ فاخر (يضحك بخفة) : طبعًا… السحر في الدم يا حمودة، وأنت مش هتفهم ده أبدًا! (يقترب منه حمودة، يميل نحوه هامسًا.) حمودة (بجدية مفاجئة)

: على سيرة السحر… عرفت إن في حد كان بيدور في الأرشيفات القديمة؟ (يبتلع فاخر ريقه، ينظر حوله بتوتر، ثم يحاول التصرف بطبيعية.) فاخر: وأنا مالي؟ أنا شغال بالسحر مش بالتاريخ! حمودة: آه بس التاريخ ساعات بيكشف حاجات… ناس كتير مش عايزة حد يعرفها. (ينظر فاخر إليه بحذر، بينما يبتسم حمودة ابتسامة غامضة، قبل أن يصفق له ويعود للتمثيل أمام الأطفال، لكن كلماته تظل عالقة في ذهن فاخر.) المشهد 2 -منزل جليله -عمة عز الدين

(جليله تجلس في غرفة المعيشة، أمامها ألبوم صور قديم. تتنهد وهي تمرر أصابعها على صورة تجمعها مع عز الدين بأخيها الراحل. فجأة، يُفتح الباب ويدخل عزت، زوجها، بملامح مريحة.) عزت: عز اتصل بيكي؟ جليله (ترفع نظرها إليه) : لا… ليه؟ عزت (يجلس بجانبها، مترددًا) : الولد رجع بدأ يدور في القديم. جليله (بقلق) : تقصد إيه؟ عزت (بنبرة منخفضة) : بدأ يسأل عن حادثة منال.

(تشحب ملامح جليله وفجأة يظهر عليها علامات الحزن، تغلق الألبوم وهي تقول) جليله (بصوت حزين) : يا حبيبي يا عز اتيتم يا قلبي وهو طفل كان ذنبه إيه يتحرم من منال أطيب إنسانة في الدنيا منه لله اللي كان السبب. عزت (ينظر إليها بجدية) : لو فضل مكمل هيبقي في خطر عليه. (يصمتان للحظة، لكن من تعبيراتهما، واضحة تمامًا كلاهما يخشى أن يحدث لعز أي ضرر.) المشهد 3 -شوارع القاهرة -سيارة تتحرك بسرعة

(داخل سيارة فخمة، يجلس نفس الشخص الغامض يرتدي معطفًا داكنًا. يخرج هاتفه ويتصل بأحدهم.) الرجل الغامض: الو… بلغ مدام نجوى إن في حد من جوه السيرك بيحاول يساعد عز في فتح أوراق قديمة… لو الموضوع خرج عن السيطرة، عارفين لازم نتصرف إزاي. (يغلق الهاتف، يبتسم لنفسه، بينما السيارة تواصل سيرها في شوارع المدينة المضاءة بأنوار الليل.)