رواية حب غير معلن الفصل الثلاثون بقلم هبة نبيل

حب غير معلن _بارت 30 والأخير بعنوان / انتصار الخير -**المشهد 1 _تجهيزات مشددة (السيرك –لحظة استعداد ما قبل المسابقة) الجميع يجهز للمسابقة الكبرى، الأضواء تتثبت، الأزياء تتصمم، الموسيقى التجريبية تعمل في الخلفية. مليكة (وهي بتتمرن) "أنا مرعوبة... بس متحمسة! محمود (بضحكة) "كده كده هنكسب. إحنا فرقة واحدة، وعيلة واحدة." غرام (وهي تراجع فقرات العرض) "المرادي مش بس فن، المرادي عرض حياة... وكلنا نجوم لازم نلمع."

(يمسك إيدها) "وإنتي أحلى نجمة فينا." تبتسم غرام وتذهب بخفة لتكمل تدريباتها -**المشهد 3 _اعتراف وحقيقة** سهى تقف أمام محمود الذي لم يريد النظر إليها، مترددة، وعيونها تملأها الدموع والندم من المواجهة التي حدثت أمام الجميع. سهى: "مكنتش بكره غرام... كنت بس غيرانة منها، كانت دايما بتحقق كل اللي أنا بحلم بيه." كانت دايما سبقاني بخطوة بس أنا بحبها. محمود (نظرة حاسمة)

"اللي بيحب حد بجد ما بيدمروش، أنتي حبيتي عز، بس أنا للأسف اللي كنت بحبك بصدق، بس أنتي دورتي ع العز والغنى مش على الحب، أنتي حتى محبتيش عز أنتي طمعتي فيه واستكترتيه على غرام، الحقد والغل ملوا قلبك، عملتلك إيه عشان تعملي فيها كده؟ لو كانت لا قدر الله حصلها حاجة، كان هيبقي وضعك إيه دلوقتي؟ وتفتكري كان عز هيسيبك؟ سهى تحني رأسها لأسفل، فضلت الصمت لأن ما ستقوله له لا يفيد.

محمود يتركها ويرحل في هدوء، وهي تقف وحيدة في الممر. -**المشهد 4 _جلسة تأمل رومانسية (عز وغرام جالسين على العشب في حديقة السيرك) (عز وجه لوجه مع غرام، يتذكرون لقائهم الأول) عز: "كنتي شايفاني وقتها بعبع جاي أهد كل اللي بنتوه... بس أنا كنت شايفك أقوى مني." غرام (تبتسم) "دلوقتي أنا شايفة فيك بيت...

وسعادة أستاهل أعيشها. بعد كل حاجة وحشة شوفتها في حياتي، أنت تعويض ليا من ربنا بعد سنين حرمان، حتى لما عرفت إن أبويا سلماوي ملحقتش أفرح، بعد عني أي نعم غصب عنه، بس برضو كان نفسي أقضي معاه أكبر وقت ممكن، بس خلاص هانت ووقتها مش هسيبه أبدًا لا هو ولا أنت." يتعانقان في صمت، والدنيا من حولهم تعج بالاستعداد.

(مليكة وهي تتجول في الساحة الخارجية للسيرك لتدون آخر ملاحظتها على الاستعدادات لهذا الحدث الكبير، تلمحهم وتذهب إليهم والابتسامة تملأ وجهها وتقول بنبرة مرحة ولكنها حازمة في الوقت ذاته) "بعد إذن الحب يا شباب بس إحنا عندنا شغل أنا آسفة يعني لو هقطع اللحظة الجميلة دي..! (ينظر لها بغيظ ثم يرحل) (تضحك مليكة وتكمل سيرها) -**المشهد 5 _العرض الكبير (سحر المسرح)

تفتح الستارة موسيقى حماسية خاصة بالسيرك في الخلفية، المسرح يضيء، والجمهور يهتف. السيرك يقدم عروضه الأقوى على الإطلاق، الكل يشارك. مليكة تبدأ بألعابها السحرية وخفة اليد ويليها محمود يقدم فقرة خطرة من الجمباز وهو يقفز من حلقات النار، وعز يقدم فقرة مشتركة مع غرام في العقلات الهوائية –عرض حب متكامل، إبداع بصري وحسي. ومن بعدهم جميع أعضاء الفرقة جديد وقديم يقدمون عروضهم بكل تفانٍ وحماس.

المشهد ينتهي بتصفيق حار ومدوي، ووقوف الجمهور احترامًا لهم بما فيهم لجنة التحكيم. -**المشهد 6: لحظة إعلان الفوز** مقدم الحفل (بحماس) "بعد التجول في أنحاء العالم ومشاهدتنا لعروض كثيرة، جئنا إلى هنا إلى أم الدنيا مصر لنشاهد عروض محلية جعلتنا ننُبهر بشدة، جاء وقت إعلان النتيجة النهائية... "والفائز بجائزة أفضل سيرك وطني لعام 2025 هو... سيرك (يصمت قليلاً وهو ينظر إليهم بترقب ثم يقول بصوتٍ عالٍ)

هو سيرك الساحر الكبير أكرم نصار." الساحة تنفجر تصفيقًا، والألعاب النارية تنطلق في الهواء، جميع الفرقة يهنئون أنفسهم، وعز يستلم درع التكريم ويرفعه عاليًا. غرام تبكي فرحًا، وتحتضن مليكة وداليا التي تعرفت عليها مؤخرًا من الفتيات الجدد. (في المايك) "تسمحولي أقول كلمة بالمناسبة السعيدة دي..... "كل الحب اللي ما اتقالش بصوت... اتقال بفن وإتقان وحب شديد للمهنة. وكل ألم مرينا بيه هو اللي وصلنا للحظة دي."...

أنا بشكر الكل من قلبي وأحب أقولكم أنتو فعلاً تستاهلوا اللقب شكرًا.... -**المشهد 7 _سهرة العيلة (بعد مرور 5 سنوات) في ساحة السيرك الجميع يرقص، يأكل، يضحك. سلماوي جالس في زاوية منعزلة قليلاً بعد خروجه من السجن بعد أن أنهى عقوبته بسلام، يضحك من قلبه وهو يرى غرام وسط الفريق تضحك وتمزح. سلماوي (لنفسه) "اللي ضاع مني زمان... رجعلي في ضحكتك النهاردة يا بنتي." نجوى

(التي خرجت أيضًا من السجن تقترب من طاولته وتجلس بجانبه وتقول بنبرة حكيمة ولكنها مرحة) "غرام بنت نجلاء... بس فيها ملامحك. ملامح حد اتغير بجد يا راجل يا عجوز." (يبتسم سلماوي ويهز رأسه بتسليم) سلماوي: "عندك حق يا نجوى، غرام هي المستقبل الجميل وحتة من روح نجلاء اللي محوطاني." نجوى (بابتسامة صادقة لأول مرة) "ربنا يبارك لك فيها ويفرحنا بيها هي وعز." سلماوي: "يارب ويفرحك بمحمود ومليكة." -**المشهد 8: عز وغرام

–على ضوء القمر** على طرف السيرك، بعيد عن الزحام، عز وغرام واقفين بجانب بعضهما في صمت. غرام: "كان ممكن الحب يضيع في النص... بس إحنا صبرنا." (ينحني على ركبة واحدة ويطلع من جيبه علبة بها خاتم) "غرام، تتجوزيني؟ غرام (تدمع عيناها وبكسوف ومرح تقول) "هو أنت مش قولتها لبابا من 5 سنين وقالك خلي بالك منها وحطاها في عنيك يعني أهو الراجل موافق... (بضحك) "أيوه." غرام (برخامة) "أومال عايز إيه بقي... عز:

"بطلي رخامة متفصليش اللحظة عايز أسمعها منك." غرام (بفرحة شديدة) "آه... ومليون مرة آه طبعًا فكرني هرفض مثلًا أنت عبيط." (وهو يرفع إحدى حاجبيه) "عبيط... ماهو لسانك ده لو اتقص هنرتاح كلنا." غرام (بغيظ) "بعد الشر عليا." (برومانسية) "طبعًا... ده هو لسانك ده اللي وقعني فيكي." تبتسم غرام وهي تميل برأسها على كتفه وتنظر للسماء. -**المشهد 9 (عرض بعنوان "حب غير معلن")

(في عرض خاص بالسيرك بعد مرور شهور، الجمهور يحتفل بأول عرض مسرحي في السيرك... عرض من تأليف مليكة وإخراج محمود وتمثيل إحدى أعضاء الفرقة وإنتاج عزيز يفاجئون به عز وغرام بعنوان: "حب غير معلن") العرض بيجمع بين الرومانسية، الأكشن، الكوميديا، وبيروي القصة كاملة بشكل ممتع ومرح وكان الجمهور مستمتع بشدة. في الكواليس: مليكة (لمحمود) "أنت حقيقي بقيت مخرج جامد." محمود (بضحك) "وأنتي بقيتي مؤلفة إمتى معرفش..؟

بس الحقيقة إنك بقيتي نجمة من غير واسطة! مليكة: "حبيبي يا حودة، أنا فرحانة أوي إنه عجبهم." محمود: "وأنا فرحان إن أنتي مبسوطة." -**المشهد 10: النهاية –سيلفي عائلي.... (بعد 3 سنوات)

سيلفي جماعي أمام بوابة السيرك بكادر يظهر فيه أيضًا اليافطة التي تم تجديدها هي والسيرك بأكمله بواسطة عزيز. عز في المنتصف، غرام ممسكة يداه بقوة وبيدها الأخرى تمسك نجلاء ابنتهم التي لا تتعدى السنة بتحكم، سلماوي ونجوى بجانبهم داليا ومحمود وأمامهم ابنهم الصغير سليم على يمينهم، مليكة وخطيبها إسلام على الجانب الآخر وهم يضحكون وعزيز كان يقف بجانبهم وهو مبتسم. (سهى تنظر لهم من بعيد بجانب شجرة في حديقة السيرك بندم وحزن شديد)

الكاميرا تلتقط الصورة، ويظهر المشهد الأخير على الشاشة في جملة تقول.... "الحب الحقيقي مش لازم يتقال... بس لما يظهر، بيغير العالم بأكمله." النهاية.....