رواية حب غير مشروط الفصل الثاني 2 - بقلم روان فايز

رميت الكتب عالسرير وبعدها نزلت عليا بحملي كله. وقعدت أعايط لحد ما أختي الكبيرة دخلت وقالت لي: "رهف، مستر كمال طالب إيدي! "مستر كمال مين؟ "مدرس الفيزيا بتاعك." "جاي وطلب إيدي النهاردة! "لا لا، يمكن مستر كمال اللي أنا بروح له الطويل.. انتي عارفاه صح؟ استنى أوريكي." أوريكي صورته. شافت الصورة وخدودها احمرت بخجل، بعدها سألتني: "آه إيه رأيك فيه بقى؟ "انتي أكيد بتهزري يا أمل! انتي مش ممكن متعرفيش." "أعرف إيه ومالك يا رهف؟

اهه." حطت إيديها على كتفي وبصت في عيوني. كنت بحاول أمنعها تدمع مرة تانية، بضغط على كفي بضوافري لدرجة نقطت دم على السجادة. وقالت بشفقة مفرطة: "أنا عارفة يا رهف، ومتفهمة وضعك كويس. بس ما باليد حيلة وكل حاجة في إيد ربنا.. مش كده؟ "أنا.. انتي يعني انتي عارفة.. وإزاي قبلتي بكده؟ الخطوبة يوم الخميس الجاي كمان!

"عارفة إنه قبل امتحاناتك بمفيش، وأكيد انتي متوترة وخايفة بسبب التجهيزات، بس من الناحية دي عايزاكي تطمني خالص. هو وعد إنه مش هيقصر معاكي. وماما وعدت انتي ملكيش مكان غير أوضتك تذاكري فيها ومتحطيش إيدك في أي حاجة." "ها إيه رأيك بقى؟ عايزة أكون فرحانة، انتي هتبقي أخت العروسة بعد كل شيء!

وسابتني بعد ما بابا نادى عليها على استعجال. أنا قعدت على ركبي بندب حظي ومش عارفة أنا هيحصلي إيه. لو حد يعرف أسهل وسيلة للانتحار يا ريت يتواصل معايا. عدى يومين وجه معاد درسه. كنت مرعوبة، حاسة إن شعري كان واقف تحت الطرحة. رحت عشان ميشتكيش لأهلي، وزي ما توقعت بقى مركز معايا أكتر في الحصة وعينينا جت كتير في بعض. يا ربي هو إيه اللي بيحصل؟ ذنب إيه ده؟ وطبعاً مسلمتش من زميلاتي اللي بقوا يسألوني: "هو صحيح اختك هي العروسة؟

كنت ساعات بحب أنفجر وأقول: "لا أنا، أنا اللي المفروض أكون العروسة! لحد ما جه قبل الخطوبة بيومين. مكنتش مركزة في دروسي، فقولتلهم إني نازلة أجيب الشبكة معاهم، وكانت والدته موجودة معانا. وصلنا عند الصايغ. هو وأمل فضلوا واقفين بينقوا بفرحة. أنا ليه جوايا شعور الحقد ده؟ نفسي الحتة تولع في الدبل، تنصهر، ولا الصايغ تحصل له مشكلة ويدخل الحمام ميخرجش منه النهاردة. استغفرك ربي. لحد ما جيت قدام الطربيزة، وقلت بأنفة:

"لا لا يا أمل، ده مش حلو خالص. بصي الخاتم ده جميل إزاي! أمل بزهق: "آه بس هو صغير عليا، مش جاي على مقاسي." قلت بسرحان: "وليه يجي على مقاسك انتي؟ والدته بصتلي و...