رواية حب غير مشروط الفصل الثاني عشر 12 - بقلم روان فايز

في المستشفى.. عامر يجرى ويمسك لياقة الدكتور: رهف فين؟! الدكتور: عامر بيه... رهف محتاجة نقل دم بأقصى سرعة! عامر: طب ما تخلص! الدكتور: فصيلة دمها نادرة و... للأسف مش موجودة! عامر بضيق: فصيلتها إيه؟! الدكتور: **** عامر: دي... دي نفس فصيلة دمي! بس أنا دمي ملوث... أنا سكير! عامر كأن حد دلّق عليه جردل تلج، خبط رجله في الجدار بغضب، حط إيده

ورا راسه وطلع تليفونه: انتي يا حيوانة حالا تكوني موجودة في مستشفى *** ويكون معاكي أكياس من عينة الدم ***. عامر جرى على أوضتها وبص عليها من الشباك. عامر: ارجوكِ متموتيش دلوقتي! رجاء حطت إيدها على كتفه بمواساة. عامر بعدها بسرعة. عامر باتهام: انتي عملتي لها إيه؟! إيه عصابة القمر الأحمر اشتروكي! رجاء اترعبت، ولكنها بصتله ونزلت على وشه بقلم حامي: انت السبب لو جرى حاجة للبنت دي... انت السبب من الألف للياء. عامر

بص لها بعيون حمراء دم: لو جرالها حاجة أنا هروح في داهية! أنا هضطر أقتل ريناد الحقيقية... أنا انتهيت! خرج من المستشفى وركب تاكسي. عامر: للمقابر من فضلك. السواق: دلوقتي يا بيه؟! عامر مردش عليه واكتفى بنظرة من الشباك لرجاء اللي جريت وراه بحزن. وصلوا ونزل باستسلام من التاكسي، رايح لمقبرة غطتها الأعشاب، مقبرة محدش بيزورها... مشافهاش بقاله 10 سنين. عامر: بجد، أنا مكنتش هاجي هنا تاني طول حياتي، صدقيني!

مش انتي اللي طلبتي مني أعمل كده؟ مكنتيش عايزة تشوفي وشي لما عرفتي إزاي بصرف على علاجك؟ فلوس حرام آه... فلوس جاية من سرقة الناس آه، بس انتي محطتيش نفسك مكاني... انتي مفهمتيش! أنا... أنا مكنتش عايز أخسرك... مكنتش عايز أبقى يتيم. سبتيني وإنتي مش راضية عني... كرهتيني واختارتي تموتي وتسيبيني حتى بعد ما كملت فلوس العملية! لغاية دلوقتي بقول إن الفلوس مكملتش وإنك متي لأنك معملتيش العملية... ببقى محرج أقول الحقيقة!

برافو عليكي يا أمي... برافو إنسانة صالحة بجد! بيسقف لها بجنون وبيكمل: بس فيه مشكلة صغيرة... بيطبق صوابعه... صغيرة قد كده! ليه تسيبيني هنا لوحدي؟ عاجبك اللي مرمية في المستشفى دي؟ مرمية بسببك! اعرفي إنك لما مشيتي معدش فارق لي... أعيش لمين أو أعيش إزاي؟ مهتمتيش بيا ولا صلحتي حالي حتى بعد ما عرفتي شغلي... لا سبتيني لوحدي وخلتيني أعاني لوحدي! ... أنا تايه! أنا معنتش عارف أعمل إيه!

بيرفع إيديه ووشه للسما: يا رب علشان خاطر أمي... علشان خاطرها بس، الست الصالحة اللي ماتت لأنها رفضت الفلوس الحرام... أرجوك ساعد رهف... أرجوك متخدش الأمانة دلوقتي، أرجوك! في المستشفى.. الدكتور: الدم اللي جبتيه ده لسه طازة... هو دم حضرتك؟! البنت باستفزاز: مش شغلك... ها حالتها بقت إيه؟! الدكتور: أكيد يعني مش هتخف ساعتها... وبعدين انتي واقفة هنا بتعملي إيه، بره لو سمحتي.

البنت بمصمصة شفايف: الدار دار أبونا والغرب عايزين يطردونا! وهي ماشية... بتسمع صوت شهقات وصريخ خفيف. عامر بيعيط ونزل بجسمه على القبر. تليفونه بيرن. بيفتح برعب: .....