رواية حب حياتي الفصل السابع 7 - بقلم شروق عبد النعيم

كريم بصدمة ووجع: حامل! مني بفرح: اه حامل، مليون مبروك. عن اذنكم. فاتن من بعيد بغيظ: لطمت بصدمة. نعم يا نهار اسود ومنيل، حامل. الخطه خربت. جد: اذنك معاكي يا بتي. بص لكريم بعصبية: واكمل. جدع يا كريم، جدع يا واد ولدي. حد يجولك كلمتين علي مرتك تصدجهم وتيجي تمد يدك عليها وتتهينها وتتحايل عليك تشرحلك موقفها وانت لا. ازاي؟ ازاي؟

كريم: اتواضع واسمع حد حلو اكده اللي هببته ده. بعد ما سامحتك انت اهو بتبعدها. والمرة دي انا بريئ منك. اخص عليك. نفين بعياط: كلنا مصدجناش يا كريم وهي مفرقش ليها. احنا هنشوفها كيف وفضلت تحاول تبررلك يا ولدي. حرام عليك. فرح بعياط: المرة دي يا اخوي مش هعرف اتكلم. كريم بصدمة وعياط: يا جماعه. غصب عني. انا راجل شوفت مراتي في حضن واحد وفي دولابها حبوب منع حمل. عايزني افكر ازاي؟ وهنا جيه هدفهد: في ايه يا كريم؟

كريم: مفيش يا فهد. مريم: في ايه يا فرح؟ فرح بعياط: قصت عليهم كل شئ بلتفصيل من الاول. حتي حمل نيره. فهد بعصبية: انت اتجننت يا كريم؟ ازاي تشك في مرتك؟ هي دي التربيه اللي جدك ربهالنا؟ انت فعلا متستاهلش حب نيره ودفعها عنك من وراك. كريم بوجع: قصدك ايه؟ فهد بعصبية: قصدي اني فكرت غلط. لما كنت هاجي احكيلك تجبلها حقها من احمد. كريم بعصبية: عملها ايه الزفت ده؟ انطق واخلص يا فهد.

فهد بغضب من اخوه: هسمعك بس علشان ضميرك يوجعك اكتر. وفتح فهد المسجل وسمع كريم كل كلمة فيه. كريم بوجع: والله ماكنت اعرف او اتخيل كل ده يحصل. مريم باستغراب: ثانيه بس. احمد مستحيل يعمل كل ده لوحده. في حد قريب منكم بيساعده؟ كريم بوجع: انا بردو شايف كده. لان الرساله اتقالي فيها ان نيره صممت تروح المستشفي برغم تعبها. وده محدش سمعه غير اللي في البيت. وبص لفاتن اللي واقفه في زاوية. فاتن بخوف: ايه؟ انا مالي انا.

كريم بعصبية: راح مسكها من شعرها. اقسم بالله يا فاتن لو طلعتي انتي هتشوفي هعمل فيكي ايه. وانتي عرفاني. سعاد بعصبية: روح شوف مرتك مين عمل فيها اكده. ملكش دعوه بيها. فاتن بوجع: انا مليش صالح. كريم زق فاتن بعصبية: طب هيبان. ولو ليكي يد هتشوفي هعمل فيكي ايه. نفين بعياط: يعيني يا بتي علي كسرة نفسها لما تعرف انها حامل. وانت عاملتها اكده. نيره ابتدت تفوق و بتهلوس باسم كريم. نيره

بدموع وهي نايمة وبهمس: كريم. انا بحبك انت والله. كريم بوجع: لعن نفسه الف مرة. فهو سبب في حالتها. كريم راح ناحيتها: نيره حبيبتي قومي. نيره بتعب: اااه اااه. كريم مسك ايدها: قومي يا حبيبتي. وقومها. نيره بتعب: اه. انا مالي. كريم بعياط: انا اسف يا نيره. نيره بوجع: انا مش هسامحك يا كريم. كريم وطي ووقف عند مستوي بطنها وباسها واكمل بدموع: طب سامحيني علشان خاطر ده. نيره بعدم فهم ودموع: تقصد ايه؟

كريم بدموع: قام حضنها. اقصد انك حققتي امنيتي دلوقتي يا نيره. نيره بوجع وصدمة: انا حامل. كريم بحب: مسك وشها بين ايده. اه يا حبيبتي. وابني جيه دلوقتي علشان يعرفني قد ايه انا حيوان وظلمت امه. نيره زقته واكملت بعصبية: وانا مش عايزاك يا كريم. مش انت قولتلي كده. واكملت بعياط: وصدقت اني احب غيرك وابقي مش عايزه احمل منك. خلاص بقي ملكش دعوه بيا وسيبني انا وابني في حالي. كريم بعصبية: مش بمزاجك. اللي في بطنك يخصني زي ماهو يخصك.

نيره بجمود: خلاص انزله. كريم بعصبية: انتي اتجننتي صح؟ فوقي لنفسك كده. انا لو ابني حصله حاجه بسببك هتشوفي مني وش مش هيعجبك. نفين: اهدي بابتي. الجد: تعالي يا نيره. نيره بدموع: نعم يا جدي. الجد: انا طلبت منك انك تشكيلي. وجت ما كريم يزعلك. ولو غلطان انا اللي هجفله. ودلوجتي بطلب منك تتطلبي اللي عايزاه. طبعا الا ان...

نيره بدموع: الا اني اسيب بيتي. وانا مش هعمل كده يا جدي. ومش عايزه حاجه خالص. هو مالوش دعوه بيا. وطلعت علي اوضتها وقفلت الباب. –في اوضة نيره. نيره بانهيار حاطه ايدها علي بطنها وبتعيط. اه يا حبيبي انت عارف انا بحبك اوي. كان نفسي ابوك يصدقني وميظلمنيش. ماما تعبت اوي يا حبيبي واتوجعت من ابوك كتير اوي. بس والله مفيش حاجه مصبراني غير انك هتيجي تحلي دنيتي. وحاوطت بطنها. تعالي بسرعه بجد نفسي اشوفك. وبعد شويه نيره نزلت.

نيره: جدي. الجد: نعم يابتي. نيره بحزن: انا قولتلك اني مش هسيب بيتي. بس معلش ينفع اروح يومين لماما وارجعلك. قاطعها كريم بعصبية: ده علي اساس ايه ان ملكيش حمار تاخدي رايه؟ نيره تجاهلته: ها يا جدي. علشان خاطرك. كريم بعصبية: مسك ايدها. مفيش طلوع من البيت لو وقفتي علي شعر راسك. الجد: بصي يابتي. طلوع من البيت لا. خدي الاوضه دي. وشاور علي اوضه معينة. وريحي اعصابك بعيد عنهم. نيره بدموع: تمام.

كريم بعصبية: هنشتغل شغل استعباط. قال تروح لماما قال. ولكن نيره لم تهتم لحديثه وراحت الاوضه ونامت وهي بتعيط. كريم: عن اذنكم. الجد: خد يا كريم. كريم: خير يا جدي. الجد: انا مش محتاج اقولك ان اللي هببته غلط. لان انت عارف. بس استحمل بقي قرارها والموقف ده يعلمك لقدام. كريم بحزن: تمام. عن اذنك يا جدي. وطلع كريم اوضته.

كريم لنفسه بدموع: حقك عليا صدقيني. من حبي ليكي وغيرتي عليكي حصل كده. انا اسف يا نور عيني. كان نفسي اخدك في حضني فرحا بالخبر ده اوي يا نيره. تاني يوم علي الفطار. الجد: فين نيره؟ كريم: هي منزلتش. نفين: لافرح هروح اشوفها. كريم: خليكي. رايح انا. وقام واتجه لغرفتها ودخل. لقي نيره نايمة وباين في عينها الدموع ولابسه شورت وكات وسايبه شعرها مفرود. كريم بحزن قرب منها وباسها وهمس: حبيبتي قومي علشان تفطري.

نيره صحيت بخضه: انت ايه دخلك هنا؟ كريم: في ايه يا نيره؟ مش معني انك مش في اوضتي تبقي مش مراتي. ادخل واطلع براحتي. مالك. نيره بعصبية: لا متدخلش. كريم بعصبية اكبر: صوتك ميعلااااش تاااني. ويلا علشان تفطري. نيره بعناد: مش هفطر. كريم: ده مش علشانك. وحط ايده علي بطنها. ده علشان ابننا. نيره زقت ايده. اكملت: ملكش دعوه بيا ولا بيه. وقامت دخلت الحمام.

كريم بصوت مسموع: طب ابقي متنزليش يا نيره. انا بقي عايز كلمتي تتكسر. شوفي هعمل فيكي ايه. واتنهد بحزن ونزل. وبعد شويه نيره جهزت ونزلت. وقعدوا يفطرو. نيره وهي قايمه: مريم اسنديني. مش قادره. كريم بخوف: مالك فيكي ايه؟ نيره بجمود: بخير. شكرا. ودخلت رجعت كتير. كريم بخوف: انتي كويسه؟ نيره: قولت اه. فرح ومريم سندوها وطلعوها اوضتها. زين بحزن: معلش. سامحها يا كريم. هي من حقها. انت شكيت فيها ومش سهل تسامحك.

كريم بتنهيدة: عارف يا زين. وانا استاهل. بعد 3 ايام. كريم: جدي. انا عايز اصالحها بجد. مبقتش قادر. واحشتني اوي والله. اتربيت بما فيه الكفايه. الجد بضحك: تستاهل. كريم: يا جدي. علشان خاطري. مش وقته هزار. صالحنا. الجد بحب: اطلع يا ولدي. ولو مرضيتش ناديهالي. عند نيره في الاوضه. نيره بحزن قاعده بتتفرج علي صورها هي وكريم. نيره بدموع: مكنش نفسي تعمل كده فيا يا كريم. كريم من وراها. بعياط: انا اسف يا قلب كريم.

نيره بعياط: لفتله. انت ايه دخلك هناك؟ كريم بدموع: علشان خاطري كفايه. انا تعبت. نيره بدموع: انت عارف انا لما بكون مقهوره من الدنيا بستخبي فين. واكملت بعياط: في حضنك يا كريم. بس لما تكون انت اللي قاهرني وواجعني. كريم بعصبية وعياط: يارتني كنت موت يانيره قبل ما اضايقك كده او امد ايدي عليكي. الموت اهونلي من اني اوجعك. نيره بعياط: بعد الشر عليك يا كريم. انت مهما تعمل فانت حبيبي وابو ابني. بس وجعي منك انت بتزوده.

كريم فتح ايده واكمل بدموع: تعالي مكانك يا نيره. حتي لو انا سبب. نيره بانهيار جريت حضنته وحاوطها بايده كويس وفضلت تعيط وهو بيمسح علي شعرها. كريم: وغلاوتك يا نيره. لاهندم اللي عملوا فينا كده وكانوا سبب في دموعك وبعدك 3 ايام عن حضني. واكمل بضحك: اتربيت بجد وعرفت قيمتك. نيره بعياط: انا برغم كده فرحانه اوي يا كريم. اوي بجد. كريم بدموع: اشمعنا؟

نيره بدموع: علشان انا اخيرا شيلت جوايا حته منك. بس كان نفسي استقبالك لابنك يكون مش بلشكل ده. كريم باسها. وهمس: حقك عليا. ونزل باس بطنها. وحقك عليا يا حبيب بابي. نيره بابتسامه وجع: والله. كريم بحب: جاب الحجاب ولفه علي شعرها. اه والله. هعتذرلك قدام كل الناس كمان. وشاله. نيره بكسوف: كريم عيييب. نزلني. كريم بصلها بطرف عينه: بس يابت. ونزل. ولما شافته فاتن اتصدمت وكانت هتولع من الغيظ هي وامه. نيره: كريم بجد نزلني.

كريم بحب: اهو ياست البنات. واكمل بصوت مسموع: انا جبتك هنا علشان اعتذرلك قدامهم. انا اسف يا نيره. اسف اوي اوي بجد. وقابل بأي عقاب تقوليه. نيره بابتسامه: اي عقاب. كريم: اه. اي عقاب. نيره جريت حضنته واتعلقت في رقبته وقالت: متخرجنيش من حضنك ومتصدقش حاجه غير لما تكلمني بهدوء. كريم بحب وفرح: دي كده مكافاه مش عقاب. حضنك ده لما بكون فيه بحس نفس في الجنة مش في الدنيا يا نيره. سليم بضحك: ياسيدي يا سيدي.

فرح بضحك: اخص عليك يا سليم. قطعت اللحظه. فهد بضحك: طب كفياكم احضان. كبيركم موجود. الجد بضحك: براحتك يا ولدي. حلالك. كريم بضحك: شدد من حضنها. انتوا ايه غايزكم انتوا. سليم: وانا هتغاز ليه؟ 6 شهور واحضن انا كمان. فهد بضحك: وانا معاك. قال نتغاز قال. مريم: فهد. فهد: عيون مريم. مريم: اتلم. ها. انت بتتكلم عليا؟ فهد بحب: اومال احضن مين طيب. مريم بكسوف: متحضنش خالص.

وقعد كريم وهو واخد نيره في حضنه وفضل يطبطب عليها لحد ما نامت. الجد بضحك: دي نامت. كريم بحب: اه. هي علطول بتنام في حضني. ماصدقت بقي بقالها 3 ايام. الجد: ربنا يخليكم لبعض يا ولدي. والف مليون مبروك. 9 شهور ويجي ولي العهد. كريم بفرح: ربنا يجريهم يارب. فاتن بغيظ: عن اذنكم. وطلعت اوضتها. في اوضة فاتن. فاتن حكت كل حاجه لاحمد. احمد بصدمة: انتي بتخرفي. بتقولي ايه؟ نيره حامل.

فاتن بعصبية: اه حامل. حامل يا بيه. وحامل من كام يوم بس. مكنتش عارفه اوصلك احكيلك. احمد بعصبية: ازاي ده يحصل؟ فاتن بعصبية: انت محسسني كان كل واحد في اوضه. ماهما متجوزين وبيتنيلوا بيحبوا بعض. احمد بعصبية: انا هنزله يعني هنزله. فاتن بشر: انا فكرت و قولت هدلق زيت وتقع تسقط. احمد بشر: اه. اعملي كده. ولو منفعش انا ليا طريقه. فاتن: ايه هي؟ احمد بخبث: هتعرفي بعدين. –في اوضة كريم بعد ما حط نيره في السرير وغطاها دخل يتكلم.

الو. ايه يا مني. ها. ايه اخبار نتيجه التحليل؟ كريم بحزن: يعني هتعوز ادويه كتير. طيب يا مني. شكرا. حاضر هخلي بالي منها. كريم باسها وخدها في حضنه ونام جنبها. —تاني يوم الصبح. تليفون نيره بيرن. كريم بنوم: الو. سميه بفرح: مبروك يابني. مبروك يا حبيبي. لسه عارفه دلوقت. كريم بحب: الله يبارك فيكي يا امي. سميه: هات نيره اباركلها. كريم بهمس: نيرو. انتي. نيره: اممم. كريم: قومي. امك عايزاكي فون. نيره: قولها نايمه.

كريم همس: لو مقومتيش هبوسك وانت حران. نيره قامت بسرعه: هات ماما هاتها. واحشاني. كريم بضحك: ايوه كده. نيره: الو يا ماما. سميه بفرح: مبروك يا قلب ماما. عقبال ما تقومى بالف خير. نيره بحب: الله يبارك فيكي يا روحى. روزي: مبروك يا نيروووو. لوووووولي. اخيرا هبقي خاله. نيره بفرح: حبيبه قلبي. عقبالك انتي وسولى. روزي: بحب يا رب. نيره: مستستعجليش يا اختي. روزي: علي رايك. خدي ماما. نيره: ايه يا ماما. وكريم كان حاضنها وبيبوسها.

سميه: خلي بالك من نفسك يا نيره. نيره بهمس: بس يا كريم. اسكتاه. سميه: قولي يا ماما. سميه: يابنتي بقولك خلي بالك من نفسك. وكريم برضو بيبوسها. نيره بصوت مسموع: كريم عيب كده. سميه بضحك: كريم عيب كده. شكلي جيت في وقت غلط. نيره باحراج: طيب هقفل معاكي ياحبيبتي وابقي طمنيني عليكي. سميه: ماشي يا قلب ماما. سلام. نيره: يعني ينفع كده؟ كريم بحب: اه ينفع. مراتي فكل حاجه تنفع. وبعدين بقالي 3 ايام بعيد عنك. وغمز. فواحشتيني بقين.

نيره بضحك: لالا. انسي. مش كل حاجه. كريم بيقرب منها: ازاي يعني. نيره بضحك: تؤ تؤ. بتكلم جد. المره دي مينفعش يا حبيبي. انت فاهم. كريم وقد تذكر: اه. تصدقي صح. واكمل بضحك: يعني جات علي دماغي دلوقتي. نيره بضحك: مش انت عايز تبقي بابا؟ استحمل بقي. كريم باس بطنها: نستحمل علشان الباشا الصغير. نيره: انت حاسس انه ولد؟ كريم بضحك: لا. هو اي حمل بيعتبروا في الكلام ولد. بس انا نفسي في تؤام ولد وبنت. نيره: يااه ياريت.

كريم باسها: لو مجتش المره دي تؤام. تيجي المره الجايه. نيره: ليه ارنبه؟ هخلف كتير. كريم بضحك: لا طبعا. بس انا لو عليا عايز عيال كتير. وغمز. انتي بس اللي بتهبطي ومش بتستحملي. نيره: تصدق انك قليل الادب. واكملت وهي قاصده تضايقه. نيره بدلع: حطت ايدها علي رقبته وقالت بصوت رقيق: مين قالك اني بهبط ولا الكلام ده يا كيمو. كريم بضحك: يابت بلاش السهوكه دي. متنفعش دلوقتي. وبعدين بترجعي تندمي.

نيره بدلع: وانا ايه اللي يندمني وانت معايا يا عمري. كريم: حبيبتي. اهدي علي نفسك. انا مش قادر لوحدي. اقولك انا هقوم احسن. نيره بدلع: اهون عليك تقوم من حضني يا كريم. كريم بضحك: علشان اكتر من كده خطر يا قلب كريم. نيره بضحك: خلاص روح. ده انت بارد. كريم بضحك: يلا قومي غيري علشان ننزل. بس غيري مع نفسك. انا علي اخري. برا كانت فاتن بتتسحب ودلقت الزيت علي السلم. فاتن: يخش تجعي رجبتك تتكسر يا حربايه.

وبعد شويه نيره طلعت في الاوضه. كريم: الو. ايه يا ام محمد. بتتكلمي من هنا ليه؟ ماكنتي تتطلعي. ام محمد الخادمه: يا بيه. انا براقب الست فاتن زي ما قولتي في البيت. وهي خدت ازازه زيت. ودلقت علي السلم. معرفش ليه. بس يمكن جاصده توجع الهانم. كريم بصدمة: ايه. وقلبه وجعه وجري بسرعه وقال بكل صوته: نيييرررره. نيره وهي بتحط رجلها علي السلم: ايه يا حبيبي. وبلفعل حطت رجلها علي الزيت وخلاص هتقع.