رواية حب حياتي الفصل السادس 6 - بقلم شروق عبد النعيم

سعاد يبقي تختار يا سليم، يا أنا يا البت جليلة. سليم (يحاول يتكلم) الجد (يقاطعه بغضب) إيه! مرت ولدي ماتت أنا عشان إنتوا تجروا تعملوا كده؟ سعاد لأ يا عمي، بس أنا مش هسمح إن ولدي يتجوز البت دي. انت قلت كريم يتجوز أختها، انتوا أحرار، إنما ولدي لأ. الجد (بغضب) طب هيتجوزها، وإنتي حرة بقى عايزة تفضلي ولا تمشي، بلاش كلام فاضي. سعاد (بغضب) يعني دي آخر كلامك يا عمي؟ الجد (بجمود) أيوة، ومعنديش غيره. سعاد (بغضب) ماشي، هنشوف.

(ومشت، طلعت أوضتها) سليم (بحزن) شايف يا جدي؟ الجد بس يا واد، اجعد ساكت. أنا هجوزهالكم. سليم (بحب) ربنا يخليك ليا يا جدي. *** بعد مرور أسبوع. نيرة وكريم، كان عشقهم لبعض بيزيد يوم عن يوم. وأحمد وفاتن بيتفقوا إزاي يخربوا حياتهم. ورودي وسليم اتخطبوا، وزيهم فهد ومريم، لحد ما الـ 6 شهور يعدوا ويتجوزوا. والجد حالته بقت كويسة جدًا. فاتن (بشر) يعني النهاردة... أحمد (بشر) أه، سكتنا كتير، نفذي النهاردة، وأنا هروح أقابلها. فاتن

تمام. *** في أوضة نيرة وكريم. نيرة (وهي بتنام) هي الساعة كام يا حبيبي؟ كريم 9 ونص يا حبيبتي. نيرة (بخضة) يالهوي يا كريم، كل ده سايبني نايمة؟ كريم خليكي النهاردة يا نيرة، إنتي تعبانة. نيرة يا حبيبي، لأ، هو حبة إرهاق بس. (وأكملت بوجع) بطني بتتقطع يا كريم. كريم (بخوف) مالك، مالك؟ طب نروح للدكتور. نيرة (بوجع) لأ، عادي، بيروح وييجي. كريم طب هو وجع ليه سبب ولا لسه مش المعاد؟ نيرة (بإحراج) كريم اتلم بس، لأ مش هي.

(وتذكرت نيرة أن عادتها تأخرت) قطع تفكيرها كريم. كريم (بضحك) بت، أنا جوزك، إنتي هبلة؟ نيرة (بغضب طفولي) بردو، احترم نفسك. كريم (يقرب منها) احترم نفسي إزاي؟ نيرة (بضحك) لأ، ده أنا متأخرة أوي، مش وقتك. (وقامت من السرير) شد ايدها، قعدت على رجله. نيرة (بضحك) يعني هو ينفع كده؟ كريم (بحب) مش مراتى؟ نيرة (بحب) للأسف. كريم (بحب) باست خده، حبيبي، دلوقتي هتأخر، لما أرجع نشوف الموضوع ده. كريم

تمام، بس هتفطري الأول، متنزليش من غير فطار، وشك بقى أصفر. نيرة كريم، هتأخرك. كريم خلاص، مفيش نزول. نيرة (بضحك) لأ خلاص، خلاص، هاكل. *** بعد شوية، طلعت نيرة وكريم من أوضتهم بعد ما جهزوا ونزلوا. وفي الوقت ده، دخلت فاتن، خبت حاجة في دولاب نيرة وطلعت، وعلى وشها ابتسامة خبيثة. فاتن (بشر) نهايتك قربت يا نيرة. تحت في القصر. الجد صباح الخير يا ولاد، اقعدوا كلوا. نيرة (بحب) صباح النور يا جدي. كريم صباح الفل يا جدي.

(وقعدوا جنب بعض وابتدوا ياكلوا) بعد شوية. نيرة (بقرف) كريم، هي ريحة البيض دي وحشة ليه؟ كريم (شم البيض) لأ، ريحته كويسة، كلي كده. (وأكله) نيرة (بقرف) لأ، وحش. (وقامت تجري، فضلت ترجع كتير) كريم (اتخض عليها) راح وراها. كريم (بخوف) مالك بجد يا حبيبتي؟ فيكي إيه؟ لازم نكشف. نيرة (بتعب) أنا مش عارفة مالي، بس هبقى كويسة، تلاقيني خدت برد في المعدة. كريم (بخوف) لأ، نكشف. نيرة يا حبيبي، لو تعبت تاني، هكشف. (وطلعوا) الجد

مالك يا بتي؟ فيكي إيه؟ ألفين سلامة عليكي يا بتي. نيرة (بحب) تسلمولي يا حبايبي، أنا بخير، شوية برد في المعدة بس. سعاد (بشك) ألف سلامة يا نيرة. نيرة الله يسلمك، ويلا يا كريم. كريم (بحب) يلا يا حبيبي. (ومشوا) *** بعد شوة، في المستشفى. نيرة كانت بتكلم فهد في التليفون وبتسأله على مريم. منار دكتورة نيرة؟ نيرة نعم يا منار؟ منار في واحد بيقول عايز حضرتك برة. نيرة طيب، هطلع. (وطلعت) نيرة فين يا منار؟ منار

عند الباب برا، في الشارع كده. نيرة (باستغراب) ارحمنا يا رب، مين ده؟ فهد (في التليفون) فيه إيه؟ نيرة مش عارفة، بس حد عايزني. فهد هيكون مين يعني؟ نيرة الله أعلم، يلا بايو. (وحطت الفون في جيبها) فهد لأ، مش هقفل، استنى أشوف مين. (وفضل على الخط) طلعت لقيت أحمد. نيرة خير يا أحمد، عايز إيه؟ أحمد (بتمثيل الحزن) اخص عليكي، أنا جاي أسأل، لما لقيتك مبتسأليش. نيرة (بحدة) وتسأل ليه؟

أنا لما كنت عازبة قطعت علاقتي بيك كصديق، مبالك بقى بإنّي بقيت واحدة متجوزة وليا راجل أحترمه في غيابه قبل وجوده. أحمد طب وأنا... نيرة (بعصبية) إنت إيه؟ إنت عبيط؟ أنا بحب ومحبتش غير كريم، وإن شاء الله قريب أوي ربنا هيفرحنا ويفرحوا ويكرمنا بطفل. أحمد (بعصبية) ده أنا أموتهولك لو فكرتي تخلفي منه. نيرة (بعصبية) اخرس يا حيوان! قطع لسانك، متقدرش أصلاً تقرب من جوزي. وبكرة نشوف لما أخلف. (وأكملت بسخرية) هتموته إزاي؟

(و رايحة تمشي، شدها لحضنه جامد) وهنا فاتن صورت. وفي نفس اللحظة، نيرة بعدت عنه وضربته بالقلم. نيرة (بعصبية) إنت إنسان حيوان! إنت إيه القرف اللي عملته ده؟ أحمد (بعصبية) بعرفك إنك ملكي، وقريب أوي كمان هتعرفي إن كريم ده ميستاهلش حبك وثقتك دي كلها. نيرة (بعصبية) زقته في صدره، خليك في حالك يا حيوان، ومش عايزة أشوف وشك تاني. فهد (لمريم) يالهوي، كويس إني سجلت للكلب ده، لازم أعرف كريم. مريم طب اقفل الخط بقى. فهد قفلت. ***

بعد شوة، نيرة. نيرة (بتعب) الو يا كريم. كريم (بخوف) مالك؟ فيكي إيه؟ نيرة (بدموع) لأ، تعبت، تعالي روحني خلاص، مش قادرة. كريم (بخوف) منا قولتلك يا نيرة. نيرة (بتعب) طب تعالي بقى، وقدملي على إجازة. كريم (بخوف) حاضر يا حبيبتي، و 5 دقايق واكون عندك. *** بعد شوة، في العربية. نيرة دخلت وحضنت كريم. كريم (باس راسها) وحشتيني يا ست البنات، إيه ريحة البرفيوم دي؟ نيرة (بتوتر) ها، لأ، معرفش. (واكملت بحب) إنت أكتر. كريم

طب يلا بينا نروح. *** في القصر. الجد رجعتوا بدري؟ كريم نيرة تعبت، فرجعنا. الجد فين مالك يا بتي؟ كل شوية تتعبي. نيرة إجهاد يا ماما، بس. الجد (بضحك) ألف سلامة عليكي يا بتي. كريم (باس راسها) طب هطلع أغير وأنزلكم. مفرح أيوه، يلا، الفيلم هيبدأ أهو. كريم تمام. *** في الأوضة. تليفون كريم جاله رسائل. كريم (فتح الرسائل واتصدم من اللي شافه)

الرسالة: شايف مراتك يا كريم بيه بتتحضن في الشارع ومن حبيبها، وكانت بتحكيله قد إيه هي بتكرهك ومش عايزة تخلف منك، وإنهاردة صممت إنها تروح وهي تعبانة عشان تشوفه، لأن ده المكان الوحيد اللي بتعرف تشوفه فيه. ولما شافته طلبت تروح، ولو مش مصدق، قرب منها هتشم ريحة برفانه. الصورة مش مفبركة. ونفس البرفيوم بتشيله في دولابها. (وكريم افتكر لما شم ريحة برفيوم لما دخلت العربية)

و أه، جنب البرفيوم في الدولاب حبوب منع الحمل. سلام يا باشا. كريم (بصدمة وغضب) إيه؟ أكيد الكلام ده غلط. (أكمل بعصبية) مستحيييييل. (وكسر التسريحة اللي كانت قدامه، وراح فتح الدولاب ودور لحد ما فعلاً لقى البرفيوم والحبوب) كريم (بصدمة ودموع) أنا يا نيرة؟ تعملي فيا كده؟ (وأكمل بعصبية كبيرة) أناااااا للدرجة دي بتكرهيني؟ *** في القصر تحت. فين (بضحك) عسل يا بت يا نيرة. مفرح (بضحك)

ماهي دي نيرة أصلاً، فهد لو كان هنا هو ومريم، سمعوها كان نفخوها من التنريقة دي كلها. الجد (بضحك) ربنا يديم الفرح. فاتن (بحقد) مش هتدوم. (وبصت لأمها بابتسامة شر) كريم (بعصبية وبصوت هز البيت كله) نازل متعصب، نييييييييررررررره! نيرة (بخضة) في إيه يا حبيبي؟ حصل إيه؟ كريم (بعصبية) ضربها بالقلم، وقعت على الأرض. وفاتن واقفة بتضحك بشر. نيرة (بعياط) في إيه يا كريم؟ بتمد إيدك عليا ليه؟ إنت عمرك ما عملتها. كريم (بعصبية أكبر)

لسه، إنتي شوفتي مني حاجة؟ (ومسك دراعها وهي بتعيط) وأكمل بعصبية، أنا مش عايزة تخلفي مني يا نيرة، أناااا! تعملي فيا كده وتروحي تقابلي وتحضني في أحمد من ورا الحمار اللي متجوزاه عشان واثق فيكي. نيرة (بعياط) إيه الكلام ده؟ كريم، افهمني، والله ما حصل، أحمد أه جه بس... كريم (بعصبية) مش عايز أسمع منك حاجة خالص. (وطلع الصورة) كريم (بعصبية) إيه ده؟ ها؟ قولي إن مش إنتي. يلا اكدبي زي ما كدبتي عليا. نيرة (بعياط)

كريم، والله إنت ظالمني. كريم (بعصبية) هش! مش عايز أسمع منك حاجة خالص. (وحدف في وشها الحبوب) وأكمل، مش هتحتاجي تاخدي حبوب يا نيرة، أنا مش هقربلك تاني ولا عايزك. نيرة (بصدمة وعياط) كريم، إنت بتقول إيه؟ إنت بتهزر صح؟ وحياتك عندي، دول مش بتوعي. كريم (بعصبية) حدف البارفان، كسره على الأرض، ولا دي بتاعتك؟ أنا اللي متربتش وظالم، مش كده؟ نيرة (بعياط) والله ما حصل. كريم (مسك دراعها بعصبية)

خلاص، مش عايز أسمع صوتك تاني. آخر حاجة كنت أتوقعها إنّي أتصدّم في حبك إنتي ليا، ومش هنسى إنك حضنتي أحمد، ولا هنسى إنك مش عايزة تحملي مني، ولا هنسى كدبك عليا يا نيرة. مش هنسى. (وساب دراعها) نيرة (بعياط) بتقرب منه، وحياتك عندي ما حصل، وأحمد سوء تفاهم، واسمعني طيب، وأنا عمري ما خدت حبوب، أنا بحلم باليوم اللي هشيل فيه حتة منك يا كريم. (وانهارت أكتر) إنت الحقيقة الوحيدة اللي في حياتي يا كريم، صدقني. كريم

(تذكر كلامها حين قالت لمريم وفرح، وأنها تحلم بأن تشيل طفلة، ولكن سرعان ما تذكر اللي شافه) وأكمل بوجع، مش كل حاجة بنسمعها بتكون صح يا نيرة، والفعل أهم، وأنا شفت بعيني، وحبي ليكي بيعميني عن إني أشوف غلطاتك. نيرة (بوجع وعياط) والحب فيه ثقة يا كريم. كريم (بعصبية) الثقة دي إنتي كسرتيها. فرح (بعياط) كريم، أكيد إنت فاهم غلط. الجد يابني، سبتك تتكلم، بس نيرة متعملش كده يا كريم، اخص عليك. فين (حضنت نيرة)

بس يا بتي، اهدي. عجبك كده؟ كريم (بعصبية) مع احترامي ليك يا جدي، محدش يدخل بيني وبين مراتي. وهنا نيرة وقعت على الأرض مغمى عليها. كريم (بخوف) نيرة! نيرة! (وشالها، حطها على الكنبة) الدكتورة مني جات وكشفت. كريم (بخوف) طمنيني يا دكتورة. مني (بفرح) عادي يا كريم، يحصل كده. الجد في الوقت ده؟ كيف يا بتي؟ مني ألف مليون مبروك، مدام نيرة حامل. كريم (بصدمة ووجع) حاااامل!!!!!