رواية حب خارج سيطرتي الفصل السادس والثلاثون 36 - بقلم فاطمة أشرف

عدي 6 شهور على موت فتحية ونغم حزينة زي ما هي، وكل يوم تروح لقبر أمها تتكلم معاها وتمشي. عايشة على المهدئات ومراد على طول جنبها مش بيسيبها. مراد بيطبطب عليها: هتفضلي كدا كتير؟ نغم بملامح باهتة: لو زهقت مني سيبني، أنا مش محتاجة حد يكون جنبي غصب عنه. مراد بغضب: وأنا عمري ما هزهق منك يا نغم مهما حصل ومش هسيبك أبداً. نغم ابتسمت بكسرة: مش مهم وجودك، مهي اللي أغلى منك راحت، مش فارق بقى مين يقعد ومين يمشي.

مراد غمض عيونه بحزن عليها: طب قومي طيب، محضرلك مفاجأة. نغم: مفاجأة إيه؟ مراد جاب لها علبة كبيرة. نغم بإستغراب: إيه ده؟ مراد ابتسم: افتحيه وانتِ تعرفي، يلا مستنيكي تحت. مراد خرج وسابها. ونغم اتنهدت وفتحت العلبة، لقت فستان أحمر سك لحد الركبة وكت من فوق وعليه جزمه حمرا والميكب وكل حاجته معاه.

نغم اتنهدت ومكنش ليها نفس لحاجة، بس مش عايزة تزعل مراد. لبست وعملت شعرها وحطت ميكب وحست قد إيه وشها باهت وسواد تحت عينيها. ابتسمت بحزن وبعدين خلصت ونزلت على سلالم الفيلا. كانت الدنيا كلها ضلمة بس مليانة شموع وزينة وبلالين حمرا. كانت بتدور على مراد بس ملقتهوش. خرجت الجنينة وسمعت صوت عزف على الكمان، وكل حتة في الجنينة فيها شموع وبلالين.

بتبص حواليها لقت مراد ظهر وهو لابس بدلة سودة مخلياه وسيم جداً، وكان في إيده بوكيه ورد وقرب على نغم اللي مش مصدقة عيونها. مراد بإبتسامة: تقبلي مني الورد ده؟ نغم ابتسمت بخجل واخدته منه: احممم، انت عامل كل ده ليه؟ مراد ابتسم لها ومسك إيديها: تقبلي ترقصي معايا الأول؟ نغم ابتسمت وحطت الورد على الترابيزة: أكيد بقبل. مراد ابتسم وضمها ليه ولف إيده حوالين وسطها وبقت في حضنه، ونغم لفت إيديها حوالين رقبته وباصة لعيونه.

مراد قرب من ودنها وهما بيرقصوا وهمس: تتجوزيني؟ نغم بصتله وهي مصدومة: انت قلت إيه؟ مراد بإبتسامة: تتجوزيني؟ نغم عيونها دمعت: مراد انت بتتكلم بجد ولا ده عشان أنا مليش حد؟ مراد: هشش، إياكي تقولي مليش حد تاني. نغم بدموع: طب أمال ليه بتقول تتجوزيني؟ مراد بحب ظاهر ومسح دموعها: نغم أنا بحبك. نغم مكنتش مصدقة ودنها: قولها تاني كدا. مراد: هههه، أنا بعشقك يا نغمي.

نغم الدموع خانتها: وأنا بموت فيك يا مراد، أخيراً حسيت بيا، أخيراً! مراد مسحلها دموعها: أسف والله، بس حسيت فعلاً الفترة اللي فاتت إنه قد إيه أنا بعشقك، مش بحبك وبس، وإني مش مجرد بحبك حب أخوي أو تعود، لا حب أكبر من كدا بكتير. نغم كانت بصاله بكل حب ظاهر في عيونها ومراد قرب عليها وطبع قبلة رقيقة على شفايفها ونغم دابت معاه. مراد بعد عنها وحط جبينه على جبينها: موافقة تكملي بقية حياتك معايا يا نغمي؟

نغم بدموع فرحة: موافقة طبعاً. مراد شدها ودخلوا الفيلا من تاني، وكان أهل نغم موجودين، أعمامها وخيلانها والمأذون. نغم ابتسمت لمراد. عم نغم: مع إنك ضحكت علينا، بس مش هلاقي حد أنسب منك لبنت أخويا. مراد: أسف طبعاً إني كدبت عليكم، بس هي مكنتش هتستحمل حاجة زي دي، وأهو صدقت كلامي وهتجوزها في وجودكم، اكتب يا شيخنا. ومراد حط إيده في إيد عم نغم وبدأت مراسم كتب الكتاب. الشيخ: بارك الله لكما وبارك عليكم وجمع بينكم في خير.

نغم مخلتش حد يزغرط عشان مامتها. كان نفسها أمها تكون معاها في يوم زي ده، كان نفسها تشوف الفرحة في عينيها. ابتسمت بحزن وكله كان حواليها بيبارك لها، وكله مشى وفضلش غيرها هي ومراد. مراد مسك إيديها وباسها: مبروك يا قلبي. نغم ابتسمت: الله يبارك فيك، كان نفسي ماما تكون معايا أوي اليوم ده. مراد: معلش يا نغمي، هي أكيد مبسوطة عشانك، مهي بتحس بيكي برضه، ربنا يرحمها يارب، هي في مكان أحسن. دلوقتي.

نغم بحزن: يارب يرحمها ويدخلها فسيح جناته. مراد: اللهم آمين. سكتوا شوية. مراد قطع الصمت: طب إيه؟ نغم بإرتباك: إيه؟ في إيه؟ بقولك إيه ابعد عني. مراد ضحك وشالها على إيده قبل ما تهرب منه: مالك يا قلبي خايفة كدا ليه؟ نغم بتتصنع الشجاعة: وأنا هخاف من إيه يعني، وبعدين نزلني. مراد بقى يطلع بيها السلم: تؤتؤ، وحش الكون مبينزلش. نغم: ههههههه، نزلني بقولك. مراد: هو انتي بعد الضحكة دي عايزاني أنزلك؟

نغم خبت نفسها في حضنه وهو دخل الأوضة ونزلها. ونغم كانت بتتفرج على الأوضة، كان مراد مزينها بالشموع والورد، وكان كل السقف نازل ببلالين، وفي كل بلونة صورة ليهم هما الاتنين. نغم كانت فرحانة جداً وهي بتتفرج على الصور. نغم بصت لمراد: أنا حاسة إني بحلم. مراد قرب منها: لا مبتحلميش، انتي معايا وبقيت مراتي وحبيبتي واختي وصحبتي وكل حاجة ليا، بعشقك يا نغمي. نغم بحب: وأنا بموت فيك.

مراد قربها منه أكتر وطبع قبلة قوية على شفتيها بحب ظاهر وواضح عليهم هما الاتنين، وذهبوا إلى عالمهم الخاص الذي لا يعلمه أحد غيرهم. بعد مرور خمس سنين. نغم بصراخ: يا بنتي حرام عليكي! تعالي هنا! البنت كانت بتجري منها بضحك وجرت على مراد: بابي! مراد حضنها وشالها في حضنه: فطوم قلبي بابي انتي. نغم بغضب: دلعها يا أخويا دلعها، أدي آخرة اللي كنت بعمله في أمي وأنا صغيرة، بيطلع عليا دلوقتي.

مراد بص لبنته: إيه يا بطتي مزعلة مامي ليه؟ فاطمة بطفولة: معملتلاهش حاجة والله يا بابي، هي كدا متنرفزة دايماً. نغم بغضب: أه يابنت الجزمة بقا كدا، وحياة أمك ماشي هربيكي. فاطمة طلعتلاها لسانها بطفولة. مراد: ههههه، بنتي أوي. ونزلها على الأرض: يلا روحي يا بطتي العبي. وجربت تلعب. نغم: والله انت اللي مدلعها. مراد: متسيبيها تتدلع يا ستي، وغمزلها: ما انتي ياما ادلعتي برضه، ولا نسيتي؟

نغم بغضب: منا خلاص راحت عليا، بقيت بنت البطة السودة، الدلع كله لحبيبتك فاطمة، لاكن أنا أولع عادي. مراد قرب عليها ومسكها من وسطها: طب ومين اللي جابلي فاطمة؟ مش انتي يا أم فاطمة. نغم بطفولة: كلي بعقلي حلاوة، مشغول عني طول الفترة دي يا مراد. مراد غمزلها وشالها: منا هعوضهالك، مش ناوية تجبلنا عبدالغفور ويبقى جبنا فاطمة وعبدالغفور ههههه. نغم: هههههه، رايق انت أوي. وبعدين نزلني، البت تشوفنا عيب.

فاطمة بطفولة: بابي نزل مامي وشيلني أنا. نغم بغيظ: بقا كدا! مراد: ههههه، البت بتغير منك عليا. معلش يا بطتي روحي العبي، عقبال ما أقول لماما حاجة وهنزل ونلعب قد كدا. فاطمة بطفولة وربعت إيديها: لا يابابي، كل مرة تقول كدا وتتأخر، مش عارفة أنا يعني بتقولها إيه كل ده. نغم كتمت ضحكتها. مراد بصوت واطي لنغم: هو أنا بتأخر أوي كدا؟ نغم: هههه، اسأل نفسك. فاطمة بطفولة: انتوا بتقولوا إيه؟

مراد: مش عارفة، أنا جايبة البت الحشرية دي لمين. نغم: بتلمح ولا إيه؟ مراد: لا العفو يا روحي، هو أنا أقدر؟ بطتي هطلع أغير هدومي وهننزل نلعب قد كدا، اوكي. فاطمة: أوعى تتأخر يا بابي. مراد: لا متخافيش يا قلب بابي. ومراد طلع هو ونغم. مراد بهمس: وحشتيني. نغم بنفس الهمس: وانت كمان، مكنتش اتخيل إنه يعدي 5 سنين وإحنا مع بعض. مراد: ولا أنا مكنتش متخيل إني هعيش الحياة البسيطة الجميلة دي معاكي، كانت أحلى 5 سنين.

نغم بحب: بحبك يا أول حب وآخر حب يعدي عليا. مراد بحب: بعشقك يا نغمي. وأخذ شفتيها بقبلة يعلن فيها عن مدى حبه لها، ومن هنا تنتهي قصة مراد ونغم، ولكن لم ينتهي حبهما أبداً.