رواية حب خاطئ الفصل التاسع عشر 19 - بقلم شهد سيد

أنا عقي*ماسمهان بدموع:وتح*رم الناس زيك ليه!!؟ محمد بوجع:عشان مش هستحمل مش هستحمل يبقا كلهم عندهم أطفال وأنا لا. دا غير ياسمين اللي ممكن تسيبني، أنا مقدرش أعيش من غيرها. اسمهان: أنت باللي بتعمله ده هتخلي ياسمين تسيبك فعلاً. ياسمين بتحبك وكانت هتديلك فرصة تتعالج، مش تحرمها وتحرم أي حد هيخلف قدامك.. على كده بقى لو أختك جميلة اتجوزت وخلفت هتس*قطها؟ محمد بجبروت: آه. اقتربت منه اسمهان وضرب*ته

بالقلم وقالت: والله يا محمد لو هوبّت ناحية حد تاني هقولهم كل حاجة وكلهم هيسيبوك وهتعيش وتم*وت وحيد. محمد: طب.. طب أنتِ مش هتقولي لياسمين صح؟ اسمهان: أنا قرف*انة منك، ابعد عني. محمد: أنتِ أمي، مفروض تساعديني. اسمهان باستغراب: أساعدك في إيه؟ محمد: اتجوز ياسمين وتفضل مقتنعة إن هي اللي مش بتخلف، ولما شهد تخلف البنت أو الولد اللي هييجي ناخده منها ونربيه أنا وياسمين. بصت اسمهان بصدمة وبرقت بعينيها وقالت: أنت أكيد مش طبيعي؟

يخر*بيتك! إيه اللي أنت فيه ده؟ معقولة أنت ابني محمد؟ قرب لها محمد وباس إيدها وقال: يرضيكي ابني يفضل كده من غير عيال؟ أكيد مش هيرضيكي، صح؟ ساعديني. اسمهان: ما تروح تتعالج. محمد: حاولت كتير، مفيش فايدة ومفيش أمل ولو بعد حين. اسمهان: مش هشاركك في حاجة زي دي. مشيت اسمهان وطلعت أوضتها. قعد محمد وحاطط إيده على دماغه وبيفكر كتير. *** جميلة: يلا أنا همشي بقى، أشوفك قريب إن شاء الله. ابتسم يوسف وقال: لسه زعلانة مني؟

جميلة قلبها دق وابتسمت: لا خالص. ومدت إيدها عشان تسلم عليه، فأخذها بالحضن. جميلة: آآ.. يوسف في إيه؟ يوسف بتعب: محتاج حضن، معلش. خليكي شوية. جميلة فضل قلبها يدق بسبب قربه منها وغمضت عينيها بارتياح. وبعد دقائق: يوسف: ابعد، أنا لازم أمشي، اتأخرت. بعد يوسف وقال: لما توصلي طمنيني. جميلة: حاضر. *** إحنا عاوزين البيت قريب من البحر والفيو يبقى حلو وقدام البيت زرع جميل وأشجار كده. تمام؟ أجي أقابل حضرتك امتى؟

الساعة 8، بالدقيقة هكون عندك. مع السلامة. جات شهد بابتسامة وحضنته وقالت: هتجيب البيت؟ إسلام: آه يا حبيبي، هنروح نتفرج عليه بكرة الساعة 8 الصبح كده. شهد بفرحة: بحبك أوي. إسلام: وأنا بحبك.. إيه ده؟ شهد: إيه؟ إسلام: مال مناخيرك كبرت كده؟ شهد بدموع: لا بقى، ده أنا حتى مصغراها بالميكب. إسلام بضحك: هههه والله حتى لو كبيرة، أنتِ زي القمر. كفاية عليا عيون القهوة دول، بدوخ منهم. شهد بدلع: يولاا. إسلام: يا قلبي. وابتسمت شهد،

فكمل إسلام: هاا، نويتي تسمي البنوتة إيه؟ شهد: لما نتأكد هي بنت ولا ولد الأول.. لسه بعد شهرين كده أكون حامل في الخامس. إسلام: بس هي بنت. شهد: وأنت عرفت منين؟ إسلام: إحساسي بيقولي إنها بنتنا. شهد بتفكير: اممم، هسميها لميس. داعب إسلام مناخير شهد وقال: ممم، حلو. شهد: حلو بجد. إسلام: طبعاً. وياترى بقى هتاخد إيه منك صفات؟ شهد: مم، مثلاً. إسلام: مثلاً. شهد: عيوني. إسلام: دا ياريت. شهد: وتاخد منك غمازتك. إسلام: الله.

شهد: وشعرك الجميل و… قاطعها إسلام وقال: وشفا*يفك. ضحكت شهد وقالت: مالهم؟ إسلام بحب: يتأكلوا. هاتي بوسة. شهد بضحك: هروح أجيب الأكل. مسكها إسلام من إيدها وقال: مش هيطير الأكل. شهد: يعني شفا*يفي هتطير؟ إسلام: منا مش بشبع منهم. شهد: يعني. إسلام: بو*سة. شهد: يا اس.. مسكها إسلام من وشها وباس*ها بكل حب. ولما حس إنها مش عارفة تتنفس بعد وسند جبينه على جبينها وقال بهمس: أنتِ عملتي فيا إيه؟

شهد بهمس: العشق اللي عمل فينا كده.. مش هو اللي بيختارنا. إسلام: أنتِ العشق.. لأنك من بين كل الناس اخترتي قلبي وشديتيه ليكي ومن غير أي مجهود.. أنا محبتش حد غيرك يا شهد، ولا هحب. وإن شاء الله أول ما تولدي هناخد البيبي ونرجع بلدنا.. وكمان جامعتك أنتِ لسه مخلصتيش وشكلك هتعيدي السنة دي. شهد بضحك: ده أنا نسيتها. إسلام: إيه ريحة الشياط دي؟ جريت شهد وقالت: يلهوي! الأكل. المساء…..

(السما مليانة نجوم بتلمع بس لمعان خفيف، أما اللي واضح وظاهر وبيلمع أكتر القمر زي ما يكون قدامك رسمة جديدة وسط رسومات قديمة من زمان منطفية وباهتة، ف طبيعي عينك تيجي على اللي بتلمع، على الجديدة الظاهرة الباهية. هو الحب كده يكون قدامك ملايين الناس بس قلبك وعينك مبيختاروش غير شخص واحد، الشخص الوحيد اللي عينك بتلمع لما تشوفه، مبتبقاش عارف إشمعنى الشخص ده، بس قلبك بيقولك أنا عايزه وخلاص ومش هعوز غيره، وعينك بتقولك أنا مكتفية بيه ومش هشوف غيره.)

قفلت ياسمين النوت بتاعتها بعد ما كتبت اللي جواها وتنهدت. حطت النوت على جنب ومسكت فنجان القهوة ولسة هتشرب، قاطعها رنة الفون. مسكت و ردت. الدكتورة: الو، مساء الخير. ياسمين: مساء النور. الدكتورة: حبيبتي، أنتِ كويسة؟ ياسمين: الحمد لله. الدكتورة: طيب، أنا كنت عايزة، ياسمين: هنحدد ميعاد العم*لية؟!! الدكتورة: لا، إن شاء الله مفيش عم*لية. وقفت ياسمين وتر*عشت وقالت: يعني إيه يا دكتورة؟

الدكتورة: أنا عرضت تحاليلك على دكتور صديق ليا من برا وقال إن في أمل ميت*شالش الرح*م. ياسمين بفرحة: إزاي يا دكتورة؟ فهميني. الدكتورة: أنا فرحتك أهو. يا ريت تجيلي بكرة وهفهمك كل حاجة. ياسمين: شكراً أوي لحضرتك، أنا مش عارفة أقول إيه. بكرة هاجيلك من النجمة.. تصبحي على خير. قفلت ياسمين الفون وفضلت تتنطط وتضحك وتقول: الحمد لله يارب! أنا لازم أقول لمحمد. وجرت على أوضة محمد وخبطت.

فتح محمد باب الأوضة ولقى ياسمين قدامه ومبتسمة. محمد: في إيه؟ جريت عليه ياسمين وحضنته جامد. وطبعاً محمد فهم إن الدكتورة كلمتها وقالت لها إن الرح*م مش هيتش*ال. حضنها محمد جامد وفرح من جواه إن ياسمين لأول مرة هي اللي تحضنه. وبعد دقايق.. ياسمين بفرحة: الدكتورة كلمتني وقالت إنوا مش هيت*شال، في أمل يا محمد! أنا بكرة هروحلها وتفهمني كل حاجة. محمد بابتسامة: الحمد لله. ياسمين: هو.. هو أنت متغير ليه؟ هو أنت مش عايزني؟ محمد حط

إيده على بقها وقال بهمس: أنا مش عايز غيرك. ياسمين بضحك: يعني هنتجوز؟ محمد: هنتجوز. ياسمين بفرح: وأخيراً! أح**ضنها محمد وطبطب على راسها وقال: متزعليش مني. ياسمين: مش زعلانة، أنا بحبك. محمد: برضو متزعليش مني في أي حاجة عملتها، بيكون غصب عني. باس*ته ياسمين من خده وسكتت. تُصبّح الصباح في عيادة الدكتورة بالتحديد….. ياسمين: اتفضلي. ابتسمت ياسمين ودخلت للدكتورة: صباح النور. الدكتورة: الفرحة منورة وشك، اتفضلي. ياسمين: شكراً.

الدكتورة: بصي بقى يا ستي، زي ما قولتلك الدكتور بص على التحاليل وقال إن في أمل منعملش العمل*ية أصلاً. في علاج من برا بس تكلفتو غالية، بس ممكن تاخديه وبعد شهور يخف الر*حم خالص. ياسمين: مش مهم الفلوس، المهم إن إني أبقى كويسة. أنا مستعدة لأي حاجة. الدكتورة: تمام، أنا هقوم أجيبلك الكرت بتاع الدكتور عشان تتابعي معاه. ياسمين: تمام.

قامت الدكتورة وياسمين قاعدة مبسوطة من جواها وبتفكر في حياتها هي ومحمد الجاية. وفي وسط ما هي بتفكر تليفون الدكتورة رن. الأول مهتمتش، بعدها الفضول خلاها عايزة تعرف مين. ياسمين: الرقم ده مش غريب عليا. فتحت ياسمين واستنت اللي بيتصل يتكلم: عملتي إيه مع ياسمين؟ عرفتي تقنعيها؟ .. الو؟ ردي يا دكتورة يا محترمة. ياسمين بتردد: م.. محمد؟ أول ما محمد سمع صوت ياسمين قفل الاتصال. بعدها جات الدكتورة: معلش اتأخرت عليكي.

ياسمين بسرحان: لا عادي، ولا يهمك. الدكتورة: اتفضلي… شوية بالليل كلميه. ياسمين: تمام، عن إذنك. *** البيت حلو أوي، ما شاء الله. إسلام: عجبك؟ شهد: أوي أوي. هنعيش فيها؟ إسلام: اللي يريحك، أي حاجة أنتِ عايزاها هعملها. شهد: هو أنا قولتلك إني بحبك النهاردة؟ إسلام: اممم، مرتين بس. شهد: والتالتة ثابتة.. أنا بحبك يا أسو. إسلام: أنا بم*وت فيكي يا قلب أسو. وفي وسط ما هما بيح*ضنوا بعض، سمعوا صوت تكس*ير إزاز. شهد بخضة: إسلام!

إسلام: متخاف*يش.. ال.. المسدس فين؟ راح فين؟ السما ضلمت ومبقتش صافية. إسلام وشهد بيجروا والبحر موجو عالي والرجالة بيجروا وراهم. مفيش حد يلحقهم، المكان فاضي. الرجالة مسكوا إسلام كتفوه ومسكوا شهد فضلو يضر*بوها في بطنها. ومن كتر الأ*لم مش قادرة تطلع صوت. إسلام بص*راخ: لااا! هتمو*توها يا ولاد الكل*ب! يا شهههدد.. ااه… بيتفرج عليهم من بعيد وبيرمي آخر حتة في السيجارة

ويركب العربية ويقول: طالما محدش هيساعدني، يبقى مفيش حد هيخلف.