رواية حب خاطئ الفصل الثاني 2 - بقلم شهد سيد

اي الد*م دا؟!! شهد: ادخليني بس يا ماما وهحكيلك. شهد بغضب: احكي بسرعة حصلك ايه. غيرت شهد هدومها وحكت لمامتها كل اللي حصل. أم شهد باحتضان: الحمدلله إنك بخير يا حبيبتي، بعد كدا تروحي ع البيت على طول يا شهد وملكيش دعوة بحد. شهد: حاضر يا ماما، أنا هاكل وأنام. بقف منتصف الليل... مستيقظة تراقب السماء بعيونها اللامعة وتفكر فيما حدث ولا تستوعبه. وبينما هي تتأمل القمر سمعت طرق الباب.

شهد باستغراب: دا مين دا اللي هيجيلنا ف الوقت دا؟ فتحت الباب ولم تجد أحد، بس وجدت نقط د*م على الأرض وهي متأكدة إنها مسحت الأرض كويس. بعدها محطتش في دماغها ودخلت نامت. في الصباح... نزلت تروح الجامعة متأخرة ولحقت الباص بالعافية. شهد: اتفضل واحد لو سمحت. السواق: حد معاه كرت زيادة؟ شهد بضيق: ليه؟ هو مش بالفلوس؟ السواق: لا النظام اتغير... بخبث: أنا معايا. شهد بصدمة: إن... انت. إسلام: خدي الكرت. شهد: اتفضل فلوسه.

إسلام بهمس: عيب، دا إحنا ما بينا د*م. نفضت شهد جسمها ودب فيها الخوف. بينما كان إسلام يدقق بتفاصيل وجهها وعينيها البندقية اللامعة. بعد خمس دقائق... إسلام: في مكان أهو تقدري تقعدي. شهد: شكراً. ولما قعدت شهد فضلت تراقبه بطرف عينيها وهو كان ملاحظ. طلعت الاسكتش بتاعها ورسمت عينيه. وصلت شهد الجامعة وعدى اليوم بسلام. وعدى شهر ومظهرش إسلام ولا اللي معاه. يوسف: الحق يا كبير، مش دي صورتك؟ إسلام بصدمة: إيه دا؟ أكيد هي.

يوسف: هي إيه؟ إسلام: البنت اللي هربت مننا بسبب غبائك، لا وكمان كاتبة "احذروا سفاح وقاتل قتلة". لازم نجيبها النهاردة، يلا يا يوسف. يوسف: حاضر يا كبير. كالعادة قاعدة في البلكونة بتشرب قهوة وبتتأمل، بس المرة دي مش بتتأمل القمر، لا تتأمل عينين المجرم اللي رسمتهم. وقت ما هي سرحانة... إسلام: طب ما تبصي لعنيا الحقيقيين ليه تبصي لرسمة؟ شهد بصدمة وهي بتبص في البلكونة اللي قصادها: انت إزاي جيت هنا؟ إسلام: بسيطة، اشتريت الشقة.

شهد: بسيطة؟ إسلام: بس إيه الد*م دا؟ شهد: فين؟ وهوب خبطها يوسف للمرة الثانية على دماغها وفقدت الوعي. إسلام: يلا شيلها بسرعة قبل ما مامتها تفوق. أم شهد بخوف: انتو مين؟