رواية حب لن يموت الفصل السادس عشر 16 - بقلم رحمة العواني

شاف أميرة اللي ما كانش متخيل أبدًا إنها تطلع هي، أو إنها تظهر تاني في حياته. إزاي؟ إزاي هي أصلًا؟ إزاي جالها قلب ترجع تاني وتخبط عليه؟ إزاي اختفت ورجعت فجأة؟ ما كانش مصدق نفسه، ولا مصدق عينه، ولا عارف هو في حلم ولا حقيقة أصلًا. أميرة: جاسر، أنا عايزة أتكلم معاك بعد إذنك. جاسر: وتتكلمي معايا ليه؟ أميرة: في حاجة عايزة أقولهالك. جاسر: والله، وحضرتك جاية هنا عشان تقوليلي إيه؟ أميرة: مش هتدخلني الأول يا جاسر؟

جاسر: وأدخلك ليه إن شاء الله؟ صبا: جاسر! جاسر! صبا طلعت وشافت أميرة وجاسر واقفين سوا. صبا: جاسر، هو أنت واقف كل ده ليه؟ ومين دي؟ جاسر: صبا، ثواني هفهمك. صبا بعصبية: تفهمني إيه؟ جاسر: أنا هقولك، بس اهدي لو سمحت. أميرة بصت لصبا بصة كلها شر وتحذير. صبا كانت مضايقة منها جدًا، كانت غير صبا تمامًا، شخصية مختلفة، وده يبان في لبسها وأسلوبها. أميرة بدلع: كنت عايزة أتكلم معاك يا بيبي. صبا بعصبية: بيبي! الحق يا بيبي، بتكلمك!

جاسر: مين أنا؟ صبا بعصبية: قولي دلوقتي يا جاسر، مين البنت دي؟ جاسر: صبا، هقولك بعدين. صبا: مفيش بعدين يا جاسر، دلوقتي عايزة أفهم مين دي. أميرة: أنا مراته. صبا بفزع: نعم؟ مراتك؟ جاسر بيبص بصة شر لأميرة. جاسر: قصدك خلاص اتطلقتي؟ أميرة: لا، مطلقتش يا جاسر. قضية الخلع أنا اتنزلت عنها. جاسر اتصدم من كلمتها. صبا: نعم؟ أنتِ مراته؟ أميرة بانتصار: آه، مراته. ولو سمحت يا جاسر، لو عايز تشوف ابنك، هو موجود. جاسر اتفزع من الكلمة.

جاسر: نعم؟ ابن مين؟ ومشيت أميرة وسابتهم في حيرة. صبا كانت بتبص لجاسر بصدمة. صبا: أنت طلعت متجوز وعندك ابن كمان؟ جاسر بص لصبا: أنا والله ما أعرف حاجة عن الولد ده، ولا إني متجوزها أصلًا. صبا: لا بجد؟ أمال جت تكلمك والعشم واخدها كده إزاي؟ أنت هتستهبل يا جاسر؟ جاسر: اسمعيني الأول يا صبا. صبا: أنا سمعت خلاص ومش عايزة أسمع تاني. ودخلت صبا الأوضة، لبست هدوم خروج والنقاب عشان تنزل. جاسر مسكها من إيدها: أنتِ رايحة فين؟

صبا: ملكش دعوة بيا، أنت مالك أصلًا. جاسر حاول يتمالك أعصابه: اهدي يا صبا عشان أعرف أستوعب اللي بيحصل. صبا بصراخ: اسكت بقى يا أخي، أنت طلعت متجوز وكمان عندك ولد. صبا بعصبية: طلقني يا جاسر. جاسر: نعم؟ أطلق مين؟ أنتِ مجنونة يا صبا؟ صبا: آخر كلام عندي إنك تطلقني يا جاسر. ونزلت صبا من البيت وسابته وهو مصدوم من كل اللي بيحصل. وبعد حوالي ساعة، رن فون جاسر. أميرة: جاسر، الحق ابنك. جاسر بعدم فهم: ابني مين؟ أنتِ مجنونة؟

أميرة: وأنت اللي لازم تتحمل مسؤليته. جاسر: نعم؟ إزاي بقى ابني؟ أنتِ مجنونة يا أميرة؟ أميرة بتمثل إنها بتعيط: لو ملحقتش ابنك هيموت يا جاسر. جاسر كان مش عارف يفكر، ولا قادر يصدق إن ده فعلًا ابنه، ولا قادر يعرف هو مين بالظبط. قفل جاسر معاها وهو مش عارف يعمل إيه. يروحلها ويعرف ده مين، ولا يكلم صبا ويكون معاها بعد ما زعلها؟ جاسر حط إيده على راسه: أنا تعبت. فجأة، رن فون جاسر للمرة التانية. أميرة: صبا فين يا جاسر؟

جاسر بتوتر: معرفش، هي نزلت. أميرة بعصبية: إيه؟ هي نزلت؟ صبا اتخطفت؟ جاسر بصدمة: نعم؟ اتخطفت؟