رواية حب لن يموت الفصل التاسع عشر 19 - بقلم رحمة العواني

دخل جاسر العمليات وبالفعل نجحوا في استخراج الرصاصة. وكانت صبا قلقانة عليه جداً. أول ما خرج الدكتور، صبا جريت عليه. صبا: دكتور طمني عليه. الدكتور: هو بقي أحسن وهننقه لأوضة عادية. وفعلاً بعد فترة اتحول جاسر لأوضة عادية، ودخلت صبا تشوفه وهي حاسة بالذنب من اللي جراله بسببها. صبا قعدت جنبه ومسكت إيده. صبا: أنا آسفة يا جاسر مش قصدي.

جاسر بهدواء: محصلش حاجة متخافيش أنا كويس، وياريت تبطلي عياط. أنا لو مموتش من الرصاصة هموت من عياطك. صبا خبطته في كتفه. صبا: متقولش كده على نفسك. جاسر: إيه أنتِ إيه إيدك مرزبة يا شيخة. صبا: خلاص بقي أنت بقيت كويس، أنت هتستهبل؟ قرب منها جاسر شوية ومسك إيديها. جاسر: أيوه هستهبل عندك مانع. صبا: إيدك يا جاسر. جاسر: مالها إيدي يا قمر ما هي كويسة أهو. صبا: هضربك على دراعك والله.

جاسر بمسكنة: أنتِ بتستغلي تعبي، روحي يا شيخة منك... ولسه هيكمل جاسر كلامه لقي أميرة داخلة عليه. أميرة بمكر: ألف سلامة عليك يا حبيبي. صبا أول ما شفتها اتعصبت واضايقت. جاسر حس بيها ومسك إيديها أكتر وهمس براحة. جاسر: مضايقيش نفسك، هحل الموضوع. أميرة: إيه يا حبيبي مالك، منه لله اللي كان السبب. بصت لـ صبا. جاسر بتساؤل: وإنتي عرفتي منين اللي حصل؟ أميرة ارتبكت شوية وغيرت الموضوع. أميرة: بص ابنك قمر إزاي.

جاسر بهدواء: صبا استغربته، هو عنده كام سنة؟ أميرة: سنة. جاسر كان شايف إن عمر الطفل كان أكبر من كده، كانه باين إنه عنده سنتين أو تلاتة. جاسر: آه تمام. صبا بصت لجاسر بعصبية وزعل. جاسر: إهدي. صبا: كانت هادية جداً عكس اللي جواها. أميرة قربت من جاسر. أميرة: ألف سلامة عليك يا نور عيني. جاسر بعد عنها شوية. جاسر: الله يسلمك. صبا قربت من أميرة. صبا: وإنتي مالك أصلاً وإيه اللي جابك هنا؟

أميرة بمكر: اللي جابني جابك يا حبيبتي، ده لسه جوزي. صبا: والله أنا زعلانة عليه لأنه اتجوز عقربة زيك. جاسر: خلاص يا صبا إهدي. وقرب من أميرة اللي كانت شايلة الطفل وباس الطفل ولعب معاه، وكانت صبا مستغربة من اللي بيعمله وافتكرته حن ليها. كان في الوقت ده جاسر خد شعرية من شعر ابنه وحطها في منديل وحطها جنبه. وأميرة ابتدت تكمل خطتها. أميرة: وحشتني أوي يا جاسر بجد. جاسر: وإنتي كمان يا قلب جاسر. صبا: نعم، أنت هتستهبل يا جاسر؟

جاسر: إهدي يا صبا محصلش حاجة، دي مراتي زيك. صبا اتصدمت من كلمته وسكتت وسابتهم وطلعت. كان جاسر صعبان عليه صبا جداً، بس كان عايز يكمل في اللي بيعمله علشان يفهم كل حاجة. وفجأة فون أميرة رن وقفل. وأميرة فتحت الفون قدام جاسر من غير ما تاخد بالها إنه شاف الباسورد. وبعدها سابت جاسر ومشيت. ومن لخمتها في اللي اتقال في المكالمة سابت الفون ومشيت. مسك جاسر الفون وقلب فيه واتصدم من الصور.