رواية حب من اول رسمة الفصل الحادي عشر 11 - بقلم مني احمد

دخلت روح محل الهدوم واول ما دخلت شافت فستان قدام عينيها جميل جدا. فستان دانتيل واسع أبيض زي فستان الأميرات. كانت متخيلة الفستان وهي لبساه وكأنها أميرة، بس مكنتش قادرة تتخيل ربيع معاها. ربيع بصوت عالي: خلصي هاتي الزفت عشان نمشي. روح: يا ربيع اتكلم عدل، كل حاجة بتكروتوها، دا أنا لو عملت عملة مش هتعملوا معايا… وقبل ما تكمل كلامها كان ربيع مناولها بالقلم. ربيع: وأنا فيكي والله لاتجوزك بعبايتك زي ما انتي.

يلا قدامي ع البيت. ولما وصلوا البيت: ربيع: خسارة فيكي أصلاً فستان. روح: وأنا مش متجوزاك ياربيع، مش متجوزاك انت أصلاً. متسواش عبد في سوق العبيد. ربيع بزعيق: طب قسمًا بالله ي جدي إن ما جوزتهالي الخميس اللي بعد بكرة دا، لعمل فيها اللي ميتعملش. روح فجأة بصراخ وانهيار: مش عايزاه، بكرهك، بكرهك، مش عايزاه. مرات عمها مسكتها من دراعها وضغطت عليه بقوة، وقرصتها

وقالت ليها بصوت واطي: لو متجوزتيهوش والله لأوريكي النجوم في عز الضهر، ولما تتجوزيه هوريكي الأمرين. روح بعياط ورعشة: س سيبلي دراعي. مرات عمها زقتها بقوة، وقعتها في الأرض. الجد: بعد بكرة كتب كتابك عليه، فاهمة؟ روح دخلت أوضتها وقعدت في ركن في الأوضة وبدأت تترعش وجسمها تلج. روح بعياط وألم وحسرة: أمي، هيجوزوني ربيع بعد بكرة ي أمي، ي أمي هيموتوني ي أمي. مش عارفة أعمل إيه. قتلوا كل حاجة حلوة فيا.

ضيعوا صحتي ودفنوا أحلامي بالحياة ودفنوني معاها ي أمي. ياريتك عايشة ي أمي. مش لاقية صدر حنين ولا أب يسندني، مش لاقية حد في ضهري. مكسورة ي أمي، كسروني وكسرني موتك. آه ي أمي، آه. صقر بعت رسالة: جيت فين؟ روح: بلاش، مرضتش تفتح الفون، ملوش داعي أرد. صقر في رسالة تاني: خلصتي الرسمة؟ روح: لـ. صقر: مالك؟ إيه اللي مزعلك؟ روح بعياط ومقدرتش تتحمل: النهاردة اتهانت ي صقر، اتهانت أوي أوي. صقر بغضب: مين الحيوان اللي زعلك؟

روح: كلهم ي صقر، اتضربت في الشارع من اللي هيكتبوا عليا بعد بكرة. صقر بغضب جحيمي: صدقيني ي روح، هندمهم، أولاد…، لهندمهم واحد واحد. وبعدين جواز إيه اللي بعد بكرة؟ مش كان بعد أسبوعين؟ روح: لما جيت أدافع عن نفسي وقلتله مش متجوزاه، كانت متسواش عبد في سوق العبيد. حلف وقال إن مكتبش عليا بعد بكرة، لهيعمل فيا عمايل. حتى الفستان بيقولي خسارة فيكي. صقر: يفكر بس يقربلك وأنا هندمه على عمره، والله لهندمهم.

متبكيش، اهدي، اهدي ي روحي، اهدي. روح: أهدي إيه، أهدي إيه بس، لاهقتل نفسي، هسمي نفسي وأخلص. صقر بغضب جحيمي: مسمعكيش تقولي كدا تاني، فاهمة؟ واخد جاكته وخرج، وكان في قمة غضبه بطريقة جنونية. صقر رن على وسام: أيوا ي وسام، هبعتلك عنوان، تشوف كل المعلومات عليه، فاهم ولا لأ؟ وعايز رجالة بـ سلاح، تمام. وسام: دا كله لي؟ صقر: يتنفذ اللي بقوله، انت هتتناقش معايا؟ الـ هطلع… أولاد الـ… دول، لهندمهم على عمرهم.

وسام خاف جدًا، أول مرة صقر يوصل لدرجة الغضب دي. صقر: ولا بقولك، إحنا نسافر دلوقتي. وسام: نسافر فين؟ أنا عايز أفهم، وبعدين لسا مجهزناش حاجة. صقر: بكرة هنكون مسافرين. وسام: عايز أفهم… وقبل ما يكمل كلامه، كان فاصل في وشه. وسام: نهار أسود، ربنا يعديها ع خير، بس هيجي الخير منين؟ حد روح، وكانت نامت مكانها في الأرض ودموعها ع خدها. مرات أبوها:

رزعت الباب جامد: قومي روّقي عشان البيت يكون نضيف، واغسلي الغسيل عشان كتب كتابك اللي بعد بكرة. روح: انتي إيه، ي شيخة، إيه؟ معندكيش دين؟ مرات أبوها: اخرسي، قطع لسانك، فاج*رة. صح، قومي. روح: ولا أجيلك. روح: بس دا وقت نوم، عارفة إيه؟ نوم وأنا تعبانة. مرات أبوها: بكرة إن شاء الله، الجو برد وإحنا في شتا. مرات أبوها: الغسيل يتغسل دلوقتي. روح: الغسالة عادية، تعبت من الغسيل عليها، وهدومي بتتبل.

مرات أبوها: نجيبلك الأوتوماتيك ي عيني. روح: الصبح دلوقتي برد، حرام عليكم، أنا جسمي تعبني من البرد ولبسة هدوم صيفي. مرات أبوها: ي عيني، قومي يا بت، ولا أندهلك جدك يجي يربيك. روح: هقوم، هلبس، وقايمة. خرجت مرات أبوها ورزعت الباب. روح فتحت فونها، لقت رسالة من صقر. روح: جيت فين؟ صقر: انطق. روح: موجودة، هقوم أغسل. صقر: تغسلي إيه دلوقتي؟ روح: أغسل الغسيل، مرات أبويا جت دلوقتي، مصرة إني أقوم أغسل.

صقر: اقفلي باب أوضتك من جوا، ومتخرجيش دلوقتي، فاهمة؟ انتي ضامنة اللي اسمه زفت دا يعملك حاجة؟ روح: لو مقومتش، هضرب وهتهان تاني. صقر: اسمعي مني، اقفلي باب أوضتك من جوا ونامي. روح: انت شايف كدا؟ صقر: طبعًا، ولو معملتيش كدا هزعلك. روح: بس أنا مش هنام، هرسم، هكمل الرسمة. صقر: وأنا معاكي، لما تخلصيها ابعتيها. روح: انت مش هتنام؟ صقر: لا، مش جيلي نوم، لآني مسافر بكرة. روح: مسافر فين؟ صقر سكت شوية.

صقر: لـ فرنسا، رايح أشوف حبيبتي. روح بحزن شديد: اها، دي اللي ضيعت عليها العمر ي بوي. 😅 صقر: 😂😂😂 روح: ممكن تغنيلي لآخر مرة؟ صقر: عايزة تسمعي إيه؟ روح: بحلم بيك. صقر: بس أنا مش رايق. روح: مالك؟ صقر: لا، مفيش. روح: خلاص، مش لازم تغني. مرات أبوها: انتي ي بت انتي! وحاولت تفتح الباب، لقتـه مقفول من جوا. روح مرضتش ترد عليها وعملت نفسها نايمة. مرات أبوها: والله لـ أوريكي ي بت منال.

روح أول ما لقتها مشيت، قامت طلعت الاسكتش والأقلام، وفضلت ترسم معاناته لحد الصبح. روح: نمت. صقر: لـ بجهز عشان السفر. روح: هبعتلك اللوحة تشوفها. صقر: انتي خلصتيها؟ روح: طبعاً. دقيقة هصورها وأبعتها. صقر أول ما شاف اللوحة، انصدم من جمالها. روح: إيه وحشة؟ صقر: لا، أبداً، بس لمست قلبي من جوة. تحفة حقيقي، انتي رسماها من صورة؟ روح: لا، من الخيال، دي أنا. صقر: انت… وقبل ما يكمل كتابه. صقر: الو، وسام، انت جهزت والرجالة جاهزين؟

وسام: اتعطلت، مش هنقدر نسافر دلوقتي. أختي تعبانة وبتولد، وأنا معاها في المستشفى عشان جوزها مسافر. صقر: يحرق دي حاجة. القرية دي بعيد جدا، سفر 14 ساعة. هنروح أمتى؟ وسام: اهدي ي صقر، مش كدا، نسافر الله بـ الليل عادي، يكون جوزها وصل. صقر: تمام. روح: هي وحشة، معقول؟ أشمعنا وقف كتابه. صقر: معلش، كان معايا فون. الرسمة تحفة جدًا ي روح، إزاي دي؟ روح: قصة طويلة، وبدأت تحكيله. صقر بحزن شديد وكره وغضب في نفس الوقت.

مرات أبوها: قومي ي عيني، هتغسلي هدوم البيت كله، انتي امبارح نمتي ومسمعتيش الكلام. النهاردة هتغسلي وتكنسي البيت من فوقه لـ تحته، فاهمة؟ روح: حاضر، جيه، هصلي الأول. مرات أبوها: يختي، ع التقوى اللي نزلت عليكِ. روح: يارب. توضت وبدأت تصلي والدموع بتنزل من عينيها. يارب خليك معايا ي رب، مليش حد غيرك ي رب في الدنيا دي، ياربي. يارب وكلتك أمري. وبعد تعب وشغل. روح: اااه ي جسمي. عند صقر، بعد ما جهز نفسه.

وسام: 14 ساعة كتير جدًا، فهمني، انت ناوي ع إيه؟ صقر: عشان خاطري ي وسام، خليك بس معايا لـ النهاية وريحني. وبعد مرور ساعات. صقر لـ وسام: إيه الفقر دا؟ فاضل ساعة ونوصل لـ أم القرية دي، والعربية اتعطلت بقالنا ساعتين في الطريق. ودا غير لما نوصل لـ العنوان، هناخد وقت لحد ما نسأل. استغفر الله. وسام: اهدي، هنوقف أي عربية نقل، نشبط معاها. صقر: اهي، اهي عربية، اوقففف يسطا. ركبوا معاه في العربية، وأخير وصلوا قرية روح. عند روح.

مرات أبوها: انتي قاعدة مكانك، قومي جهزي شنطة هدومك. روح: وهو أنا عندي هدوم؟ مرات أبوها: احمدي ربنا إنك مش عريا*نة. فجأة دخلت مرات عمها. مرات عمها: عروسة ابني حبيبتي، أكيد مأكلتيش. روح: مش عايزة آكل. مرات عمها: إزاي دا يحصل؟ والنبي تأكلي. مرات أبوها: ابتسمت بـ خبث: كلي ي روح، أحسن تفيصي منه الليلادي. روح: قلت مش عايزة. مرات أبوها: لـ مرات عمها: سيبي الأكل وروحي. وفجأة مسكت روح، كتفتها بقوة،

ومسكت بوقها بطريقة غبية: هتاكلي، هتاكلي. وفضلت تحطلها من الأكل في بوقها: ابلعي، ابلعي، ولا هقتلك. روح جسمها بدأ يترعش وألم شديد في معدتها. عند صقر. صقر: متعرفش لو سمحت البيت دا فين؟ الراجل: اهو، أخر الشارع، شايف البيت اللي بدورين وبطوب لبن. صقر: تمام، شكرًا. بصوا ي رجالة، خليكم عند الباب. في حتة درا، وقت لما احتاجكم ادخلوا. وسام: أجي معاك؟ صقر: لا، خليك. واتقابل المأذون، وصقر عند الباب.

مرات أبوها: فتحت الباب، واتخضت من منظر صقر. وقالت في سرها: مين دول. مرات أبوها بخوف: مين؟ صقر بصوت أجش: نادي ع راجل من جوا، ي مرام. مرات أبوها: دخلت، عمي، في راجل ومعاه مأذون برا. جد روح: إنفضلوا من برا، بس مين حضرتك؟ المأذون: وعارفه انت مين؟ صقر: هدخل في الموضوع على طول، أنا طالب يد الآنسة روح. ربيع بغضب: دا إزاي، وانت تعرفها منين؟ روح دي هتكون مراتي النهارده. صقر: لما الرجالة تتكلم، العيال تخرس.

ربيع وكان عايز يقوم يضرب صقر. صقر طلع المسدس من جيبه: حاول تقرب عشان أقتلك وأقتلكم كلكم، مفهوم؟ جد روح: خلاص ي ربيع، في إيه. انت عايز إيه، وتعرف روح منين؟ صقر: والله شي ميخصكمش، أعرفها معرفهاش. أنا طالب أيدها لـ الجواز، وعايز أكتب دلوقتي. وشوف انت عايز كام، وندفع. ربيع: انت هتوافق ي جدو تديهاله؟ الجد: اسكت ي ربيع. إزاي ي بيه تدفع؟ صقر: يعني معاك من مليون لـ اتنين، وعايزها بـ شنطة هدومها بس. الجد: لما نشوف موافقتها.

صقر بغضب: وأنتم من إمتى بتحترموها عشان الاحترام ينزل دلوقتي. وطلع صقر شنطة الفلوس وفتحها قدام جده. تاخد الفلوس، نكتب الكتاب دلوقتي، وإلا والله مش هتطولوا قرش، وخلال دقيقتين تكونوا ميتين كلكم جنب بعض، ي ولاد… الجد: والفلوس حليانة في عينيه: نكتب الكتاب دلوقتي. مرات أبوها بغضب: بنت الـ… دي هتفلت مننا. وبعد ما كتبوا الكتاب. صقر: فين عروستي؟ عايز أشوفها دلوقتي. مرات أبوها: طلعت، هنادي عليها. صقر: ميخصكيش، دليني ع أوضتها.

صقر بيفتح الباب وهو مبسوط. صقر بصدمة وهلع.