رواية حب من اول رسمة الفصل الخامس 5 - بقلم مني احمد

قرأت روح وقالت: يارب خليك معايا وجنبي. مسحت دموعها وفتحت فونها، لقت رسالة صقر. روح: أكيد. صقر فتح فونها على طول أول ما الرسالة وصلت. "في واحد يا ستي فتح عيونه لقي أم رمياه ومش عايزاه. شخص عمره ما حس بأمان الأم من الأساس، ولا يعرف يعني إيه أم موجودة في الحياة. شخص أول ما اتولد لقي نفسه مع جدته العجوزة في بيت قديم مليان رطوبة، وكل كام يوم تطفح المجاري واحنا في الدور الأرضي والبيت كان بيغرق.

شخص اشتغل أي شغلانة عقلك يتصورها ولا لأ. شخص كان بيتعب ويرسم ويرجع يلاقي مية المجاري مغرقة اللوحات. الشخص ده أنا، أيوه أنا. متتخضيش. تعبت جداً عشان أوصل لمكاني، بدأت من تحت الصفر بمراحل. ده غير جدتي اللي كنت بعتني بيها، وكل طلباتها وكل حاجة كانت عليا من مصاريف وتنضيف وأكل وكل حاجة. أبويا عايش أه، بس مكنش يعرف أي حاجة عني من وقت انفصاله من أمي. اتجوز واحدة تانية وشالني من دماغه. وأمي اللي نسيت شكلها دلوقتي. فضلت أعيطلها وأترجاها إنها متسبنيش، بس سابتني ومشيت. ولحد دلوقتي معرفش عنها أي حاجة.

وانتي تقوليلي معاناة إيه معاناة انتي بتتكلمي عنها؟ أنا عمري ما قولت لحد قصتي دي ولا حد يعرف. بس حبيت أقولهالك عشان تعرفي إن الإنسان كل ما كانت حياته صعبة، كل ما لازم إصراره يكون قوي. وكل ما هيتعلم أكتر وهينجح أكتر. الموضوع كله عايز عزيمة وعايز شخص واثق من نفسه، مينفعش نعيش في دور الضحية، العمر بيعدي." روح في عقلها: معقول الشخص ده حياته فيها كل ده؟

روح سكتت شوية وقالت: "لما يبقى شخص كان عنده أم حنونة بتحبه بس ناس أزوها ودمروها وموتوها وأزوني. لما يكون حد كل يوم بيضرب وبيتهان، حتى الموهبة اللي عندي مفيش وقت أطور منها ومفيش أدوات. رسمة المسابقة كانت بفحم اللي بيشوي عليه الفراخ. كل يوم صراعات. شخص كل يوم قبل ما ينام بيتمنى إنه يكون آخر يوم ليه، ولكن بيصحى وبيكون يوم أصعب عن اللي قبليه. مع إني مأذتش حد، ولكن من صغري وهما يكرهوني وبيأذوني. كل ده والحضن الحنين اللي

كان بينسيني الدنيا وبحس بيه بأمان مات. كانت مديني القوة. شخص بيحب دراسته جداً وعنده هدف حرموه من التعليم. كنت جايبة مجموع حلو يدخلني الكلية اللي بحلم بيها، حرموني منها. شخص حابب يعيش حياة بس كلها أمان وسلام بعيد عن المشاكل. وغير كل ده شخص عايزين يجبروه على حد مش عايزه ولا بيحبه عشان يعرفوا يخلوا حياتي جحيم. كويس. وفوق كل ده المسابقة اللي كان عندي أمل فيها، وبعد ما تعبت عشان أرسمها بخامة رديئة جداً، اتلغت بكل سهولة."

صقر كان بيتابع الكتابة وبيشرب قهوة. ولما روح بعتتها وبدأ يقرأ، حس بالحزن عليها قد إيه في السن ده وشافت المعاناة دي. وزعل أكتر إنه ألغى المسابقة وإنها تتعاد مرة تانية. مع إنه عشان يديها فرصة، ولكن هي بتقول يمكن تكون آخر رسمة. صقر: "خليكي فاكرة إن ديما الأشخاص الناجحين ماضيهم بيكون صعب. خليكي واثقة إن ربنا له حكمة في ده. وأنا... خلي عندك ثقة في نفسك ويقين بالله. بالنسبة للأدوات... وبعدين صقر سكت

مرة واحدة وهو بيقول لنفسه: "أنت ذكي كدا ليه؟ " وبعدين حذفها بسرعة. روح: "أكيد عندي ثقة بالله ويقين، ولكن مبقاش في طاقة ولا رغبة في الحياة." صقر حب يغير الموضوع ويهون عليها. صقر: "بتحبي الغنا؟ روح: "بحب أسمع الحاجات الهادية." صقر بدأ يسجل ريكوردر بيغني يقول: "سافر من غير وداع، فات في قلبي جراح ودبت ليل السهر، والعيون مرتاحة" وبعدين ألغى الريكوردر بسرعة وبيقول لنفسه: "بتواسيها بأغنية سافر من غير وداع!

الله عليك يا صقر، بقيت بتتذاكى اليومين دول." فتح الريكوردر تاني وبدأ يغني: "آه يا أك، وأتمنى لو أنساك وأنسى روحي وياك، ولو ضاعت تبقى فداك لو تنساني وأنسى وإتريني بنسى جفاك، وأشتاق لعذابي معاك وألاقي دموعي في ذكراك، أرجع تاني في لقاك الدنيا تجيني معاك، ورضاها يبقى رضاك وساعتها يهون في هواك، طول حرماني" وبعت لروح. صقر: "إيه رأيك؟ روح بخضة: "وطي الصوت وشغلت الريكوردر واتصدمت من الصوت والإحساس."

روح: "صوتك ما شاء الله جميل أوي، نفس صوت حليم." صقر: "لأ، مش للدرجادي، ده محدش يتقارن بيه." روح: "صوتك جميل جداً ما شاء الله." صقر: "شكراً." ربيع: "انتي يابتي ياروح انتي! روح: "نعم! ربيع: "تعالي، في حد عايز يشوفك بره." روح باستغراب: "يشوفني؟ مليش حد ومعرفش حد." ربيع: "انجزى! روح: "جيه، جيه." خرجت روح. روح بصراخ ومرح.