رواية حب من اول رسمة الفصل السابع 7 - بقلم مني احمد

مرات أبوها: أنا هخليكي تتكسري النهاردة، وحياة أمك لـ أوريكي. لـ يدفنوكي بالحياة النهاردة. خد الفون وروح العب مكانك. روح: روح اتفضل. ربيع: أحبك وأنت مطيع. روح: روح حبك برص. مـ تلم ملافظك. ربيع: طب غوري طيب. جتك القرف. دخلت روح أوضتها. "يا سيف، خلصت." عند سقر. بعد ما رسم شوية. مسك فونه وقال: "ما أتصفح عـ الأكونت بتاعها يمكن ناشره رسومات زيادة تأكيد." سقر بـ اندهاش: "أي دا، معقول." فضل واقف

عند صورتها وبيقول في عقله: "يالله! في ملامح بريئة. عمري ما شوفت ملامح زي كدا. حزينة ومليانة براءة وروحها مرحة. بس إزاي تنشر صورة ليها كدا." "سقر، أنت بتقول إيه؟ وبعدين بتبتسم لي. إحنا عايزين نشوف الرسومات مش صاحبة الرسمة." روح جيه تقعد وتمسك فونها. مرات أبوها بصوت عالي وهي ماسكة فونها: "تعالوا يـ رجالة يلي مش شاكمين بنتكم. البنت ناشرة صورتها بـ شعرها عـ الفيس بوك والشباب بتتغازل فيها." الجد وربيع وأعمامها.

مرات أبوها: "بصوا الصورة مش دي. روح، أنا جيت أقلب بتفرج عـ الفيس لقيت منزلة صورتها." جدها: "إنتي يـ بت يـ روح! إنتي يـ فا*جره! روح: "والله يـ جدو مع... وقبل ما تكمل كان نازل عليها بـ العكاز بتاعه ضرب وهي تصرخ وتقوله: "والله، والله ما أنا! الجد: "وشعرك إلي بتتباهي بيه دا؟ وفجأة لفه حوالين أيديه. "حد يجيب مقص؟ روح بـ ترجي: "حرام الا شعري. سيبولي شعري." الجد: "أهو أهو."

وفضل يقص فيه. وهي لما شافت شعرها بينزل بطوله قدام عينيها. روح بـ عياط وهي بتشهق: "حرام عليكم." سيف وهو بـ يبصلها وصعبت عليه من كتر الضرب اللي أخدته. مرات أبوها: "امشي يـ سيف، ادخل جوه واقف ليه." مرات عمها: "لازم نجوزوها لـ ربيع موجود أحسن من الغريب. ولو البنت فا*جره وقادرة نشكموها." الجد: "مش عايز أسمع كلمة تاني. سخنولي ميه عايز أستحمى." الجد دخل. وكانت روح مرمية عـ الأرض ورأسها جايبة دم وجسمها كله علامات من الضرب.

مرات أبوها: "قومي. تستاهلي اللي حصل فيكِ." روح بـ نظرات كره وكسرة وألم دخلت في حالة انهيار. "جيه أقوم ولكن وقعت تاني وفضلت تعيط. جسمي بيوجعني. اااه يارب." فضلت تزحف لحد ما دخلت أوضتها واترمت عـ السرير وفضلت تنهار. مسكت فونها وفتحت الفيس وصورتها وفضلت تبكي: "والله مظلومة. الوقت دا كنت بعمل فيه شاي. يارب قادر عـ الظالم المفترى." وقالتها بـ قلب مغلول: "حسبي الله ونعم الوكيل. حسبي الله ونعم الوكيل."

صقر فكر يبعتلها ويقولها أنه عايز يشوف رسومات ليها غير بتاعت المسابقة. صقر فـ رسالة: "ممكن تبعتي رسوماتك اللي قبل دي؟ روح فـ فويس لأنها مش قادرة تكتب وهي منهارة وبتحاول تسيطر وتمسح دموعها: "رسومات إيه؟ خلاص شلت موضوع المسابقة من بالي والرسم عموماً. ويا عالم يمكن دا هيكون آخر ظهور ليا كمان." صقر لما سمع الفويس اتخض جداً وداق. صقر: "إنتي كويسة؟ "حصل إيه؟

وأنا مليش صفة أدخل بيها بس يمكن أقدر أساعد. إنتي موهوبة جدًا. لي هتوقفي رسم؟ روح شافت الرسايل ولكن مدرتش. صقر فـ باله: "إنت متشعتف عليها كدا لي؟ ما ترسم ولا مترسمش هيخصك في إيه؟ أظبط نفسك." وبعدين قال فـ نفسه: "حرام. بس شكلها غلبانة وشكل حصل معاها حاجة كبيرة. البنت موهوبة جداً. يمكن أنا اللي أنقذها." صقر مسك دماغه وهو بيزعق وبيقول: "ما خلاص بقا." عند روح. ربيع دخل أوضتها. "قومي اطفحي."

روح كانت بتعيط: "مش عايزة أكل. أنا هريحكم مني. إنت عارف إني منزلتش حاجة. الوقت دا كنت بعمل شاي والفون كان مع سيف. اطلع برا. بكرهكم. كلكم بكرهكم." مسكت روح فونها ومسحت الصورة من عـ الفيس وكانت هتقفل الفون. صقر فـ رسالة: "مش من الزوق أكون باعت رسالة وتتشاف وميتردش عليها. أنا شخص عندي أشغال قد دماغي وحد.يتمنا ربع دقيقة من وقتي." روح فـ

رسالة: "آسفة جداً. والله بس تعبانة جداً. أنا مقدرة دا. جداً. وشكراً ليك عـ مساعدتك. خلاص هحذف الأكونت بتاعي وهعتزل كل حاجة." صقر: "لي كدا؟ روح بـ عياط: "منا مش عارفة أقول مشاكل عيلة هقول إيه." صقر: "تقدري تحكي وأنا هسمعك. يمكن أقدر أساعدك فـ حل. وإنتي زي أختي الصغيرة." روح فـ ريك وصوتها تعبان جداً وفضلت تحكيله اللي حصل. صقر اشتعل غضب لدرجة إنه كسر فنجان القهوة اللي بيشرب فيه وهو بيقول: "لعنة الله عليه." صقر فـ

رسالة: "مستحيل تسيبي الرسم. فاهمة يعني إيه مستحيل. تعتذلي ولا هتقفلي كمان." روح: "ملوش لزوم والله. كدا كدا عايزين يجوزوني ابن عمي." صقر: "وإنتي موافقة كدا؟ مش عشان حاجة بس إنتي سنك صغير." روح بـ عينهم: "دا يحصل. هقتل نفسي لو فكروا." صقر كان غضبان جداً لأنه لا يقبل الإهانة والظلم. خد الجاكت بتاعه وخرج.

وبعت فويس بيقول فيه: "أوعي تيأسي. ارسمي. كل ما تزعلي ارسمي. هتنجحي صدقيني وهتوصلي لـ مكان عالي جداً. وأنا بقولك وعـلي ضمانتي إنك هتوصلي لـ نجاح عالي وهتطلعي من عندك." روح لما سمعت الفويس حست بـ الاطمئنان. صقر: "إنتي المرة اللي فاتت إنتي اللي فايزة بـ المسابقة ولازم تاخدي جايزتك." روح: "لا لا هي اتلغت."