رواية حب من اول رسمة الفصل الثامن 8 - بقلم مني احمد

وبعت فويس بيقول فيه: "أوعي تيأسي، ارسمي كل ما تزعلي ارسمي، هتنجحي صدقيني وهتوصلي لمكان عالي جداً، وأنا بقولك وعلى ضمانتي إنك هتوصلي لنجاح عالي وهتطلعي من عندك ومن مصر كلها كمان." روح سمعت الفويس حست بالاطمئنان، بعتت إيموشن ضحك وبتقول: "دا في الأحلام." صقر: "أه صح، انتي المرة اللي فاتت انتي اللي فايزة بالمسابقة ولازم تاخدي جايزتك." روح: "لا لا، هي اتلغت." صقر: "مبحبش أكرر كلامي كتير، ابعتي العنوان." روح:

"تمام، ربع ساعة وهبعته." صقر: "متنسيش." صقر ركب عربيته وراح أكبر مكتبة فيها جميع أدوات الرسم، وجاب لها اسكتشات وأقلام رصاص وألوان. صقر: "أنا كده مخلتش حاجة مجبتهاش، بس مش هينفع أبعت كل دا، يمكن تفتكر حاجة تاني." أسماء، مديرة أعماله، بترن. أسماء: "يا صقر بيه." صقر: "... أسماء:

"بكرة في اجتماع في الشركة لازم حضرتك تكون موجود، وبعد الاجتماع هيكون في ناس في المعرض وفنانين مشتركين بلوحاتهم ومعجبين عايزين يتصوروا معاك، فلازم تكون جاهز." صقر: "تمام. حاجة تاني؟ أسماء: "لأ." وقبل ما تكمل كان قفل السكة. أسماء: "مغرور." صقر بعت ريك لروح بيقول فيه: "أنا هنزل مسابقة بس بعد ما تبعتي عنوانك ضروري، واثبتيلي بقى قوتك في الفن، مش هيكون ليكي حجة، عايزة حاجة كدا الناس تنبهر بيها، أنا واثق فيكِ."

روح انبسطت جداً من الريك وبعتت العنوان ونامت. صقر: "مية مية، العنوان دلوقتي معايا، بكرة هوديهم لأقرب شركة شحن ويوصلوا ليه." روح: "في رسالة، ممكن تبعتهم باسم علياء محمد، عشان لو عرفوا إني بسعى لحاجة هيدمروها، دا طلبي." صقر: "تمام." وبعت ريك بيغني فيه وبيقول: "في يوم في شهر في سنة تهدا الجراح وتنام وعمر جرحي أنا أطول من الأيام في يوم في شهر في سنة تهدا الجراح وتنام وعمر جرحي أنا أطول من الأيام

وداع يا دنيا الهنا وداااع يا حب يا أحلام دعمر جرحي أنااااا انااا أطول من الأيام في يوم في يوم" روح فجأة انهمرت الدموع من عينيها، اتأثرت جداً بصوته والأغنية. صقر: "إيه رأيك؟ روح: "حلوة، بس جت على الجرح." صقر: "معلش امسحها." روح: "لأ لأ، أوعى، عجبتني." تاني يوم. روح: "صحيت من بدري وكانت حاسة بألم فظيع في جسمها وكانت زعلانة على شعرها. قامت غيرت هدومها واتوضت وصلت الفجر وفضلت تدعي كتير." صقر: "صباح الخير.

شركة التوصيل هتجيلك الساعة ٦ المغرب كدا عشان تبقي مستعدة وتستلمي." روح: "مش عارفة أقول إيه، بس شكراً أوي." صقر: "عشان محسش بالذنب، لأ أكتر ولا أقل، لأنك إنتي اللي فائزة في المسابقة، وريني شطارتك." روح: "تمام." صقر: "هكلمك بعدين، عندي اجتماع في الشركة، يدوب أنزل أتمشى وأرجع أجهز وأروح. النهاردة اليوم طويل دا غير المعرض. تحبي أبعتلك الأعمال بتاعت الفنانين من المعرض؟ روح: "طبعاً.

اممم، ربنا يعينك، سلام عشان مضيعش من وقتك." صقر: "سلام." روح: "الفون هيقفل، عايزة شاحني راح فين؟ فضلت تدور عليه ملقتهوش. "أقوم أروح يمكن أعتر فيه وأنا بدور. وسخنت ميه عشان الجو برد، ومفيش حاجة اسمها سخان عندهم، ولكن أكيد مش ليها للي نايمين." (اكش يناموا ميصحوش تاني 😂) روح في المطبخ وقاعدة بتغني لحليم وبتبتسم. روح: "من إمتى وإنتي بتحبي حليم؟ روح (لنفسها) "بس صوته جميل، بكون مبسوطة وأنا بسمعه." روح: "إنتي بتقولي إيه؟

أنا زي أخته الصغيرة، بس أه صح، هو عمره قد إيه؟ ربيع: "إنتي يابت." روح: "آآآآع، هما بيطلعوا منين؟ مش براحة، خضتني." ربيع: "بقالي دقيقتين وإنتي ولا هنا. عايزة أفطر عشان رايح الشغل." روح: "أحط لك إيه؟ محدش لا جاب خضار ومفيش أكل." ربيع: "فيه جبنة قريش تاكلي." ربيع: "هي ناقصة ع الصبح، غوري اعملي كوباية شاي عشان نغور نشتغل. مهما نشتغل برضه جعانين." روح (في عقلها)

"ما أنتم لو تبقوا كويسين وزي الناس كان ربنا كرمكم، بس إزاي بقى دي وسا*خة بالوراثة." ربيع: "انتي هتوقفي كتير." روح: "لأ، بس ربيع، ممكن أطلب منك طلب ومتكسفنيش؟ وروح اتعمدت تقولها بـ سهوكة عشان تقدر توصل لهدفها. ربيع: "قولي عايزة إيه." روح: "أصل البنت علياء صحبتي قالتلي إنها هتبعتلي شوية حاجات." مع شركة توصيل، عايزة أستلمهم." وبدأت تتصنع الحزن. "بس خايفة مرات أبويا أو حد ياخدهم أو يولع في الحاجة." ربيع:

"أنا اللي هستلمهم وأجبهم لك." روح: "صح بجد؟ ربيع: "أيوا. انتي لسه واقفة، اعملي شاي." روح: "شكراً ي ربيع، ربنا يخليك لينا." روح (في عقلها) "ربنا يخلصني منكم. ع خير." عند صقر كان في اجتماع. صقر: "عايز أنفذ معرض في أحد الأرياف." جميع الشركاء: "فييييي ريف؟ إزاي الكلام دا؟ وسام، ودا شريك صقر وصديقه المقرب: "إزاي يعني في ريف؟ الريف لا فيها علم ولا فيها فنانين، واصلاً مش معترفين بحاجة اسمها فن. المعرض هناك بخسارة." صقر:

"وليه منطورش فيه؟ المدن خلاص اتملت من كل حاجة، لازم نبدأ بأول خطوة عشان اللي بعدنا يساهموا كمان." وسام: "ولكن نساهم بمعرض؟ إنت مش هتلاقي دبانه هناك." باقي الشركاء: "إحنا برضه مش موافقين. فكرة معرض في الريف." صقر: "الاجتماع انتهى." وأخد الجاكت وكان هيخرج. وسام: "اصبر ي صقر، إنت مدايق كدا ليه؟ كل حاجة بالعقل." صقر: "ابعد عني دلوقتي ي وسام، أنا كده خلصت كل الشغل وهمشي دلوقتي لأمر ضروري وهرجع ع المعرض." وسام: "هتروح فين؟

صقر: "إنت اتجوزتني وأنا مش عارف." وسام: "بقى أطول أتجوز القمر ده." صقر: "م تلم نفسك، في أي مالك." وسام: "مبهور بوسامتك." "الي يشوف الجمال اللي من برا ميشوفش... صقر: "ميشوفش إيه؟ كمل." وسام: "لأ، ولا حاجة. م تاخدني معاك." صقر: "هو أنا خلفتك ونسيتك؟ ياخي دا انت راجل 30 سنة." وسام: "وانت إيه؟ دا انت في شعر أبيض طلع." صقر: "شكلك عايز تتكبس، صح؟ وسام: "لأ لأ لأ لأ، أنا جعان وعايز آكل." صقر ابتسم. وبعدين قال:

"تفتكر إني هتجوز؟ وسام: "طبعاً، بس لما تخفف حدتك في المعاملة." صقر: "اممم، أنا أصلاً مش عايز اتجوز، هي ناقصة شلل ولا شلل؟ عمري ماشوفت حد متجوز ومرتاح. أنا كده ناقصني حاجة؟ بعرف أطبخ. وبعرف أعمل كل حاجة لنفسي. مش مستعد أضحي تاني." وسام: "كل حاجة، كل حاجة." صقر: "انت شكلك بجد عايز تضرب." وسام (بضحك) "أبوس إيدك خلاص، أنا مش قدك." صقر: "يلا بينا." في المطعم. صقر: "عد الجمايل." وسام: "هو إنت بتزلني بالقمع؟ صقر: "طبعاً.

معرض في الأرياف؟ لأ، بقى أنا اللي هعمل معرض في الأرياف وهتشوفوا نجاحه وتقولوا يا ريتنا." وسام: "أنا يدوب ألحق آكل وأرجع على الشركة." صقر: "وأنا هروح البيت هرسم شوية وأجهز عشان المعرض." وسام: "ربنا يعينك." "هقوم أنا بقى عشان ورايا شغل كتير." عند روح. مرات أبوها بتقول لمرات عمها: "هتجوزوها لربيع إمتى؟ مرات عمها: "لما تجهزوها الأول." مرات أبوها: "نجهزها إيه؟ هي هتروح عند حد غريب؟

ما هي هتكون في نفس البيت، نديها أوضة بحمام، مش شغلانة." مرات عمها: "عشان تبقوا عارفين، مش همسكها قِرش في إيدها، آه، اللي هيشتغل بيهم هيحطهملي في حجري." مرات أبوها: "اعملي فيه اللي انتي عايزاه، عايزيكي تسقيه من العذاب ألوان." الجد: "بتتكلموا تقولوا إيه؟ فزعة منك ليها." مرات عمها: "إحنا كنا عايزين نجوز ربيع لروح، الواد كبر وبقى راجل ومش صح يدخل ويخرج عليها كدا من غير حاجة." الجد:

"الحريم متتكلمش في الموضوع ده، أنا اللي أقول ينفع ولا مينفعش." دخل الجد أوضته. "انتي يابت يروح انتي يبت."