رواية حب من اول رسمة الفصل الثالث 3 - بقلم مني احمد

تاني يوم الصبح روح بتفتح عيونها لقت رسالة. روح بصدمة: "إيه ده؟ لقت رسالة من صقر: "أهلاً وسهلاً يا فنانة، تم إيقاف المسابقة وإعادتها من أول وجديد. لوحتك جميلة ولكن تفتقر لحاجات كتير." روح في عقلها: "إزاي المسابقة تلغي بعد ما خلاص كنت هوصل؟ أي الشخصية المستفزة دي بجدددددددد؟ "ااااه، حضرتك متعرفش أنا تعبت في اللوحة دي قد إيه عشان أرسمها، ومتعرفش معاناتي، وفي الآخر المسابقة بكل هدوء تتلغي؟

ولا أنتوا عشان فوق وأغنياء ووصلتوا للقمه مش بتبصوا على الأقل منكم؟ صقر شاف الرسالة وبكل هدوء: "تقدري تشوفي البوست اللي نزل وبعد كده تقدري تتكلمي. ثانياً، أنا مش شايف نفسي ومش محتاج أوضح لك. أنا بدأت من تحت الصفر ومش مولود وفي بوقي معلقة." دخلت الأكونت لقت بوست إلغاء المسابقة وأنها هتتجدد تاني من أول وجديد، والناس كانت معارضة.

صقر في بوست توضيح: "أنا مش مجبر أوضح ليه لغيت المسابقة، ولكن سبب الإلغاء هو إعطاء فرصة تانية للفنانين. دمتم بخير." روح بعد البوست حست إنها تسرعت وبوظت كل حاجة.

روح في رسالة: "أسفة أوي، ولكن أنا تعبت جداً عشان أرسمها، ويمكن معرفش أرسم تاني بعد آخر رسمة رسمتها. معنديش أي مقومات إني أستمر، ومتعلقة في خيط عشان تنجيني، وحضرتك جيت بعد تعب وزل، لغيت المسابقة بكل هدوء. أه، نعم هتدي فرصة لفنانين تانيين، ولكن للي زي اللي معندوش وقت ولا أدوات ولا حتى كربون أسود أسوأ حاجة يترسم بيه." ربيع فتح الأوضة على روح. روح بخضة: "تلت البطانية تغطي شعرها. إنت حيوان؟ تدخل عليا الأوضة كدا مش تخبط؟

ربيع: "مين اللي حيوان يابنت؟ إنتي احترمي نفسك، وبعدين أنا مش غريب عليكي." روح: "لما تبقي تحترمها إنت الأول. وأي اللي مش غريب عليا دي؟ كنت جوزي وأنا معرفش؟ ربيع: "لأ، بس هبقى. قومي فزي اعملي الفطار." روح بضحكة: "داهية تاخدك. ابقي اتغطي كويس." ربيع بغيظ: "والله لأوريكي يابنت." من عند صقر، لبس بدلته الكلاسيك وبرفانه الفرنسي المميز اللي من أغلى الماركات، وأخد عربيته وانطلق على أكبر معرض ليه. صقر كان مدايق جداً

وبيقول في باله: "خير تعمل شر تلقى." اللي في المعرض استقبلوه: "نورت يا صقر بيه، اتفضل." صقر لمديرة أعماله: "ابعتيلي جدول النهاردة كله، ويا ريت قهوة سادة." دخل مكتبه وفتح فونه. ولما شاف الرسالة، فكر في عقله: "تُرى إيه المعاناة اللي بتعانيها؟ لدرجة إنها كانت واضحة على لوحتها، بس برضه مش من حقها تتكلم معايا بالأسلوب ده. كله بيتعلم حساب، تيجي عيلة زي دي تقول كدا." "صقر، إنت إزاي متهاون معاها كدا؟ عمرك ما كنت كدا."

"أسماء، ودي مديرة أعماله." "اتفضل حضرتك، المستندات. القهوة ثواني وهتكون عند حضرتك." صقر بعصبية: "يعني إيه ثواني؟ القهوة تكون هنا دلوقتي." أسماء اترعبت جداً من صوته الرخيم اللي سمع في المعرض كلها. أسماء خرجت بسرعة من مكتبها: "ي قلبي، هموت. نهار أسود، ربنا يعدي اليوم على خير وميقتلش حد النهاردة." عند روح، جهزت الفطار، وعلى ما جهزته لقتهم كلهم أكلوا الفطار. مرات أبوها: "تعالي، اطفحي."

روح: "لأ شكراً، مباكلش بواقي أكل حد." مرات أبوها: "شحات وعايز فينو." روح: "أنا أقدر أكلم أبويا وأقوله إني مش باخد رشوة، والمفروض إنه بيبعت فلوس زيادة عشان أجهز نفسي." مرات أبوها: "كلميه وشوفي هيقولك إيه. أبوكي خاتم في صباعي، أحركه زي ما أنا عاوزة." روح: "ما إنت ساحراله طبيعي." "حسبي الله ونعم الوكيل فيكم كلكم." مرات أبوها ضغطت على دراعها زيادة. روح: "آه، سيبي إيدي." مرات أبوها ذقتها بقوة، ووقعتها في الأرض.

روح قامت ونفضت هدومها وخرجت في الجنينة، رفعت راسها للسما وعيونها مليانة دموع. "يارب، ليه مكتوب عليا أشوف المعاناة اللي شافتهم أمي؟ أدفع الثمن... أنا راضية بقضائك وقدرك يارب، بس خليك معايا." وفجأة انفجرت في العياط. وفجأة لقت إيد بتتحرك على وشها ورقبتها. روح.