رواية حب مستحيل الفصل الثاني 2 - بقلم سارة اللومي

مرضت دلال بسر^طان الدم وماتت في أقل من 6 شهور وهي لسة ما لحقتش 3 سنين. كان عندي أنا وقتها 5 سنين. دخلت المدرسة وكان فيه أختي حور اللي كان عندها 7 شهور.

زادت المشاكل أكثر وأكثر بسبب حزن أمي وأبوي عليها. كانت أمي بتبكي طول الوقت، ما بقتش تهتم بحاجة. كنا أنا وأخوي بنروح المدرسة من غير فطار، بتكون هي نايمة بسبب أنها سهرت تبكي طول الليل. ونرجع نلاقيها بتبكي وما فيش غدا والبيت شكله متبهدل. وأختي الرضيعة مهملة تمامًا، لا بترضعها ولا بتغيرلها. طول الوقت المسكينة بتعيط، حتى أنها جالها نقص تغذية.

جدتي ما كانتش بتعمل حاجة، كانت معتمدة على أمي في كل حاجة. ومن يوم ما توفت أختي والبيت في حالة فوضى، لدرجة أنها هددتها بالطلاق لو فضلت على إهمالها ده. حتى ماما ما كانتش عايزة تفضل في البيت بعد اللي حصل، وما بقاش يهمها تحافظ عليه.

مرت سنة من الخناقات والمشاكل وصلت للمحاكم. اتدخلت العيلة وفضت النزاع، وبابا وعدهم أنه هيتغير وهي كمان. بعديها بقيت أترجى ماما إنها تبطل عياط وتبطل شكوى، ولو تعوز حاجة تبقى تتكلم معايا أنا. رغم صغر سني، كنت باسمعلها وأطبطب عليها وأقولها: "معلش، اتحملي عشان خاطرنا أنا وحور وأحمد". كمان كنت بأهتم بحور أختي لما أرجع من المدرسة.

وفعلاً اتغيرت أمي وبقت تحكيلي كل حاجة. وما بقتش ترد على إهانات جدتي ولا تشتكي لبابا عن حاجة أبداً. بدأت السكينة ترجع للبيت وبابا بقى أهدى من الأول. رجعت المياه لمجاريها، بقى يتعامل مع أمي بحنية أكثر. بعد حزن دام أربع سنين، ولدت أمي ولد اللي هو يوسف، وبعديه جت أمل ودلال. بابا اتغير أوي، بقى يضحك ويهزر معاها ويلعب مع إخواني ويلاعمهم. وهي ابتدت تتخطى حزنها على دلال. سنة ورا سنة اتلاشت المشاكل ما بين أمي وجدتي.

بس المشاكل النفسية كلها كانت عندي أنااااا! بقيت منطوية وخجولة جدا، ما عنديش ثقة بنفسي خالص. كان ناقصني جدا حنان الأم واهتمام الأب. كنت محتاجة أحس بنفسي طفلة، خصوصاً إني كنت بأشوف بابا أول ما يدخل البيت ويجرو عليه ببراءة ويبدأ هو يلاعبهم ويهزر معاهم. واللي تقوله: "جبت لي إيه؟ " واللي تشتكيله وهو مستمتع بكلامهم البريء. وأنا كنت بابقى مستخبية من ورا الباب بابتسم بكسرة قلب.

كان فيه فرق سن بيني وبينهم كبير، وكمان فرق المعاملة كان كبير. كنت لما أسأل أمي: "ليه أنا بيتعصب عليا وبيضربني؟ ليه مش بيعاملني زيهم؟ كانت بتقولي: "أبوكي بيحبك، هو بس عايزك تكوني قوية عشان انتي الكبيرة ولازم تتعودي تتحملي المسؤولية." مسؤولية إيه وأنا لسة طفلة!!