رواية حب مزيف الفصل العاشر 10 - بقلم منة أحمد

في مكتب داليدا. خالد وسارة السكرتيرة في مكتب معها. داليدا بتمضي في ورق: اها كده في حاجة تاني؟ سارة: دي آخر ورقة، تمام كده خلاص. داليدا: تمام ياسارة، اتفضلي انتِ. خرجت سارة من المكتب. داليدا: اها ياخالد، إيه الأخبار؟ خالد: بصي، عمر ده عيل سكري بتاع ستات، كان مقضيها على طول مع سلمى مرات حسام قبل الجواز، وهي حبته، بس هو طبعًا لأ. كان بياخد منها عرضه ويرمي. لحد ما اتعرفت على حسام وحكت لعمر ده. قالي إن معاه فلوس كتير. المهم أقنعها إنها تجوزه وياخدوا كل فلوسه، وبعد كده تبقى تتطلق وهو يجوزها. ده اللي هو قايله لها واللي ما أقنعهاش بيه، لكن اللي في دماغه يسحب منه الفلوس ويطير، ولا طبعًا حد يشوف وشه تاني. داليدا بابتسامة ذكاء: هااااايل جدًا، حلو، اللعبة بتحلو. أنا كل يوم شكلي أشكرك والله ياخالد على الأخبار. وقلبت كلامها لمرح: بس قولي انت بتعرف الحاجات دي إزاي؟ انت شغال في الأمن الوطني ومش معرفني ولا إيه؟ خالد: ههههههه، بنتعلم منك. داليدا: لا ده أنا اللي هتعلم منك، اللي جاي بقى عشان هيحلو أوي كده. عمر عايزة أشوفه.