رواية حب وانتقام الفصل الرابع 4 - بقلم جهاد خالد

رامي بغضب ومسك شعرها: أنا بتخونيني؟ أنا! مع دا ليه؟ عملتلك إيه عشان تخونيني؟ ويا ترى وصل بيكوا لحال لحد فين؟ ولا يكون الولد اللي اتولد دا ابنه؟ جين بصدمة ضربته بالقلم: أنت قليل الأدب! أنت مفكر إن اللي بتعمله أنا بعمل زيه؟ آدم واقف مستغرب الكلام اللي بيقوله. رامي بعد عنها وهو كله غضب: بتضربيني عشان عرفت حقيقتك وخيانتك ليا؟ أحب أقولك إنك طالق يا جين ومش عايز أشوف وشك تاني، واشبعي بابنك كمان. آدم بفرحة

بيحاول يداريها وبخبث: تؤ تؤ، أنت كده سايب باب أمل إنك ترجع ليها؟ طلقها بالثلاثة عشان تخلص. رامي بغضب عارم وبيباله بغيظ: فعلاً عندك حق. وبص لها: أنت طالق بالتلاتة يا جين. وسابها ومشي. وقبل ما يمشي سأل على مكان الحضانة. رامي: البيبي اللي لسه مولود من جين فين؟ روز: هو دا يا فندم. رامي دموعه نزلت: ابني ينفع أشيله؟ روز: لا للأسف يا فندم، لازم تشوفه من بره لأن حالته حرجة، مينفعش يطلع هنا على الأقل شهر.

رامي مسح دموعه وبتنهيدة: ماشي. وخرج بره المستشفى. جين بتعيط ومش عارفة تبطل. آدم للحظة صعبت عليه وندم على اللي عمله: احم، يا أستاذة أنا آسف. جين بصتله بغيظ: أنت إيه؟ أنت شيطان؟ ليه تعمل كده؟ وهو جاب الكلام دا منين؟ أنا هاخد ابني وأسافر ومش هخلي حد يعرف مكاني فين. آدم بندم: ابنك قدامه على الأقل شهر عشان يطلع من الحضانه، وبعد كده هوديكي للمكان اللي أنتِ عايزاه.

جين بغيظ: أنا مش عايزة منك حاجة أصلاً، أنت مين عشان تدخل في حياتي؟ أنت عشان تقول قرارات من دماغك؟ خليك في حالك وابعد عني أنا وابني خلاص. كدا جوزي وطلقني بالتلاتة عشان رغبتك فيا. سيبني في حالي بقى، اطلع بره. وبصويت: اطلع بره بقولك اطلع برااااااا. آدم طلع ودموعه مش عايزة تقف، ولنفسه: أنا غلطان، أنا غلطت إن عملت كده، هي ملهاش ذنب، أنا بنتقم منها هي ليه؟ أنا أناني أوي أوي. وتين راحت لآدم: بابي أنت بتعيط؟ ومسكت رأسه.

آدم ومسح دموعه: لا يا قلب بابي مش بعيط. وتين بتحضنه: معلش يا بابي، النونو هيكون كويس وطنط هتكون كويسة. آدم افتكر: أنتِ ليه كنتي بتجري وراها وهي طالعة من المطعم؟ وتين ببراءة: أصل هي كانت بتعيط يا بابا، كنت عايزة أحضنها وأطبطب عليها زي ما عودتني. آدم حضنها: أنا اللي محتاج الحضن يا وتين. وتين حضنته جامد وبعد كده بعدت عنه. آدم: بابي تعالى معايا الحضانه أشوف النونو. آدم أخدها وراح وبيشاورلها عليه: هو دا.

وتين: دا صغنن أوي. بابي هو بيعيط أكيد جعان. آدم نده على الممرضة: لو سمحتي هو أنتو مش هتاكلوا؟ الممرضة: الطفل الحمد لله سليم وعملنا كل الفحوصات وهو كويس جداً. هاكله دلوقتي وهيعدي أسبوع وبعد كده تقدروا تاخدوه، بس الاسم هيكون إيه؟ آدم: يوسف. الممرضة: تمام. آدم بتنهيدة: يوسف رامي توفيق. الممرضة: تمام. آدم راح هو وتين عند جين. وتين راحت عندها: طنط عاملة إيه؟ جين بصتلها: الحمد لله يا قمر، أنتِ عاملة إيه؟

وتين: الحمد لله. يوسف حلو خالص شبهك أوي. جين باستغراب: يوسف مين؟ وتين: ابنك. جين بصدمة: هو أنتو سميتوا ابني كمان؟ ما شاء الله. آدم بضحك رغم زعله: معلش، أنا قولت لهم الاسم اللي من ساعة ما دخلتي تولدي وأنتِ بتقولي يوسف ابني، عشان كده قولت لهم عليه. جين بقرف: ماشي، اتفضل اطلع بره بقى. آدم بإحراج: امم، ماشي يلا يا وتين. جين: لا سيبها معايا. آدم: طيب. وخرج. وتين: أنتِ حلوة أوي يا طنط. تعرفي كنت بشوف صورتك مع بابا.

جين بصدمة: إيه؟