رواية حب وانتقام الفصل الثاني 2 - بقلم جهاد خالد

رباب بحزن: للأسف المريضة بتنزف جامد وخسرت دم كتير ومحتاجين ننقل ليها. درامي بخوف وقلق عليها: أنا أنا نفس فصيلة دمها. آدم بصلة بقرف: فصيلة دمها إيه يا دكتور؟ رباب: آدم بغضب: اسحبى مني أنا يلا. آدم بص لرباب: يلا يا رباب أنا زيها واسحبى مني اللي هي محتاجة. رباب بصتله باستغراب: حاضر يا آدم. وسحبت منه. وتين بتساؤل: طيب والنور؟ رباب: جابت ولد زي القمر بس لازم يدخل الحضانه لحد ما حالته تستقر. ادعيلهم يا توتي.

وتين رفعت أيدها الصغيرة: يارب يكون كويس يارب وطنط تكون كويسة. رباب أخدت الدم وراحت تكمل باقي العملية. آدم لنفسه: ياااه بعد كل السنين دي اتجوزت واحدة متعرفش يعني إيه زوجة أو حتى أم. كل همها الخروج والفسح. وفي الآخر تيجي عندي الكافيه مع اللي حبيته ويطلع اللي بتحبه هو زوج المسكينة اللي جوة. وبحقد أنا لازم انتقم منكم كلكم على اللي عملتوه معايا ومش هرحم حد. درامي واقف بره بغل: هو مين دا وليه بيعمل كدا؟ دي مراتي أنا.

خديجة بدموع: انت مالك زعلان كدا؟ مش كنت بتقول خلاص مش بقيت تحبها. درامي بصلها: دي مراتي فاهمة يعني وعمري ما هسيبها. دي قبل ما أكون بحبها هي مراتي. وتنهيدة:

عارفة طول عمرها بتشك فيا. من يوم ما اتجوزنا وهي بتحلم أني بخونها. رغم إن مكنتش بخونها ولا حاجة. هي اللي كانت بتفكر كدا. لحد ما قابلتك يا خديجة في الشغل. وأنت شغلت تفكيري فعلاً. بقيت بفكر فيكي. بقيت أكلمك وهي موجودة على الواتس. ولما تسألني بعمل إيه أقولها بتفرج على الفيس وأوريها الفيس وأنا بكون بكلمك. وضحك ضحكة سخرية: هي ما كانتش بتصدق بس بتكبر دماغها. وفرت دمعة منه ومسحها. خديجة بدموع:

عارف أنا كنت بحبك من زمان أوي. من قبل حتى ما تتجوز. بس أهلي جوزوني آدم اللي جوا دا. وجبت منه وتين. من يوم ما اتولدت وأنا ما شوفتهاش. محسيتش إن أمها ضمتها ليا. مكنتش متقبلها ولا متقبله أبوها. لأن ببساطة كنت مغصوبة عليه. درامي بصدمة: اللي جواه دا طليقك؟ خديجة بدموع: آه. درامي بغضب: طيب هو ماله ومال مراتي؟ خديجة: أنا اللي بدأت النار وأنا اللي هدفع التمن في الآخر. درامي بغضب: بس أنا عايز أطمن على چين وابني.

خديجة بابتسامة: ثواني. واتصلت على حد داخل المستشفى: الو چين اللي دخل بيها آدم عاملة إيه والبيبي؟ صوت: كويسة يا مدام. النزيف وقف والبيبي في الحضانه لأن نزل قبل معاده. فادعيلوا يقوم بالسلامة. درامي بتنهيدة: الحمد لله. خديجة قفلت وبصت لدرامي: آدم مش هيسيبنا في حالنا ولا هيسيب چين في حالها. درامي بغضب: وهو ماله بمراتي وابني؟ خديجة: هو عارف چين من زمان. درامي بغضب: نعااااام.