رواية حب ورد الفصل العاشر 10 - بقلم اية هلال

ورد: نوران! أنت واقف معاها ليه؟ أدهم: عادي يا ورد، مدرسة جديدة وبتعرّف عليها. هو أنتِ تعرفيها؟ ورد وهي بتجزّ على أسنانها: لا أبدًا يا مستر ما أعرفهاش. معلش يا مس ممكن أتكلم معاكي على جنب؟ نوران: عن إذنك يا مستر أدهم أشوف ورد عايزة إيه. آه إحنا لسه ما كملناش كلامنا. ورد أخذت نوران على جنب. ورد: بقى هو هيحبك كده لما تيجي هنا وتدعي إنك مدرسة؟ كده هيحبك يعني؟ نوران: أدعي إن أنا مدرسة؟

ما أنا أصلًا مدرسة يا بنتي. أنا مش فاهمة أنتِ مالك بس، واحدة وبترجع خطيبها تاني، أنتِ مالك؟ ورد: بقى كده؟ أنا مش هرد عليكي عشان واثقة في أدهم واستحالة يحبك أصلًا. ورد رجعت لأدهم تتكلم معاه. ورد: هو حضرتك عندنا في الحصة الكام يا مستر أدهم؟ أدهم باستغراب: حضرتك؟ ومستر؟ ورد: آه يا مستر، هو في حاجة ولا إيه؟ أنا قلت حاجة غلط؟ أدهم: هو أنتِ بتتقلي عليّا ولا إيه؟ ورد: هو أنا بيضة عشان أتقّل؟

أدهم بضحك: أنتِ فهماني كويس، أنتِ مقموصة صح؟ ورد وهي بتبص على نوران: جميلة أوي مس نوران دي صح يا مستر أدهم؟ حلوة أوي وعينيها حلوة وشعرها أحلى وملامحها أحلى وأحلى. أدهم: وأنا مالي بيها؟ جميلة ما شاء الله بس أنا مالي؟ أنتِ بتوقعيني في الكلام صح؟ ورد: أبدًا إطلاقًا. عن إذنك. أدهم: استني رايحة فين؟ لسه الحصة ما بدأتش. ورد: لا هسيبك تكمل كلامك مع ميس نوران. أدهم: يا دي مس نوران! هي مضايقاكي في إيه بس؟ بتغيري مثلًا؟

لو بتغيري لا حقك والله. ورد: لا ما بأغيرش، هأغير ليه وعلى إيه؟ أدهم: أنتِ جايباني تهزّئيني؟ طب أنا ماشي. ورد ببرود: أوكي، ما تتأخرش يا مستر على الحصة، I will wait you. أدهم: يا برودك! خارجة من الثلاجة وجاية المدرسة. ورد: سوري لازم أنا اللي أمشي عشان ما حدش يفهمني غلط وأنا واقفة معاك يا مستر أدهم. سلام. أدهم بعد ما ورد مشيت: نفسي كده أمسكك كده وتخلصي ثانوية عامة عشان نتخطب، يخربيت الحظ.

دخلت ورد الفصل وتقريبًا كان نصه مش موجود. عاليا: اللي أنا شايفاه ده بجد؟ جئتِ إمتى يا دود وما قلتليش ليه؟ دي أحلى مفاجأة والله العظيم. ورد: مش وقته يا عاليا، أنا متلخبطة خالص ومش عارفة أعمل إيه. عاليا: مالك بس؟ في إيه؟ حصل جديد مع أدهم؟ ورد: المشكلة مش في أدهم، المشكلة في خطيبة أدهم. عاليا: نعمم؟ طلع خاطب؟ مش المرة اللي فاتت كانت مزيفة ولا إيه اللي حصل؟ ورد حكت لها كل حاجة.

عاليا: أكيد البنت دي بتكذب، أنتِ صدقتي وخلاص. وبعدين مش أنتِ قلتي إنه بيحبك؟ قلقانة ليه بقى؟ ورد: أنا ما كنتش متخيلة إنها تيجي لغاية هنا عشان تخليه يحبها، بس أنا مش هأسمح لها أبدًا بكده وهأنط عليها كل شوية ومش هأديها فرصة تقف تتكلم معاه أبدًا. عاليا: أيوه كده خليكي قوية، وأنا متأكدة إنها بتكذب، ما تقلقيش يا روحي. ورد: ربنا يستر. علينا إيه دلوقتي؟

عاليا: أممم ورانا عربي بعد كده إنجلش وبريك وحصة أدهم بعد كده رسم ثم آخر حصة كيمستري. ورد: ومين إن شاء الله اللي هيدينا كيمياء بعد مستر أشرف؟ عاليا: استني أقوم أشوف. اسمها نوران. ورد: يوووووه يا دي النيلة. عاليا: هي دي خطيبته اللي مش فاكرها؟ ورد: أيوه، جاءت لي برجليها. عند أدهم في أوضة المدرسين. نوران: مستر أدهم، هو حضرتك مرتبط؟ خاطب أو حاجة؟ أدهم: هو سؤال شخصي شوية بس لا مش مرتبط.

نوران: أنا سعيدة جدًا باني هأشتغل معاكم بالذات حضرتك يا مستر أدهم. أدهم: نورتي يا مس نوران المدرسة. لازم أمشي عشان ورائي حصة، عن إذنك. نوران: ماشي يا أدهم بس أنا مش هأيأس وهترجع لي زي زمان يا حبيبي، والبنت ورد دي هأنهي وجودها من على وش الأرض. خرج أدهم لحصته ونوران بتغلي في المكتب هتموت وترجع لأدهم وورد باردة في فصلها بس اللي هي متأكدة منه حب أدهم ليها. وقت البريك. خرجت ورد تراقب نوران عشان ما تقفش مع أدهم ثانية.

عاليا: مالك يا بنتي واقفة كده ليه؟ مش هتاكلي حاجة؟ ورد وهي مركزة: لا كلي أنتِ، أنا بأراقبها. عاليا: آااه ربنا يستر عليها. ورد: طيب أمشي كده عايزة أشوف كويس. نوران لسه رايحة تتكلم مع أدهم. ورد: مستر أدهم، عايزة حضرتك تحل لي المسألة دي. نوران: ما ينفعش يا ورد تخليها وقت تاني؟ إحنا في البريك يعني روحي العبي ولا اشتري حاجة حلوة أو أقل لك هاتي كلبظ. ورد تجاهلت كلامها وبكل

ثقة وجهت كلامها لأدهم: ها يا مستر، حضرتك فاضي تحل لي المسألة دي؟ أدهم: أيوه طبعًا يا ورد فاضي، تعالي بس في حتة ما فيهاش دوشة، تعالي في الفصل ده. ورد بابتسامة: شكرًا. أدهم: أوكي، تعالي وأنا هأسبقك أجيب شاي وأجي وراكي. عن إذنك يا مس نوران. أدهم مشي.

ورد: أنا أنضج من إني أرد عليكي بكلام همجي أو سوقي، كل اللي أقوله لك إنك مش صالحة كمدرسة من أساسه، وأحب أقول لك إني أعقل منك بمراحل. آه صحيح أنا بأحب الكلبظ جدًا، هأجيب أنا وأدهم تحبي أجيب لك معانا؟ ورد سابتها ومشيت ونوران وشها بقى أحمر ولسانها وقف عن الكلام بس كل اللي في دماغها بتكره ورد وبتحب أدهم ونفسها تفرق بينهم بأي طريقة. دخلت ورد الفصل عند أدهم ومعاها قلبظ: خد كل معايا.

أدهم: فين يا بنتي المسألة اللي عايزاني أحلها؟! ورد وهي بتاكل: لا ما فيش مسألة، أنا عملت كده عشان ما تتكلمش معاها. أدهم قاعد على كرسي رجع لورا: آااه ده الغيرة بتزيد كل شوية بقى. ورد ببرود: أها وما أغرش ليه؟ ما عنديش فيلينجس. أدهم: أنا أصلًا مش مرتاح للي اسمها نوران دي، كويس والله إنك بتنقذيني منها. ورد: عدّ الجمايل بقى. أدهم: لا ده أنا هأعدّ الشهور عشان أجي أتقدّم لك. ورد ابتسمت. وهما كده دخلت عليهم المديرة.

المديرة: الطالبة ورد، متقدم فيكي شكوى وتم رفدك من المدرسة نهائيًا. أدهم وورد بصوا لبعض بصدمة وورد ابتدت تدمع.