رواية حب ورد الفصل الأول 1 - بقلم اية هلال

-أنا آسفة يا مستر والله اتأخرت عشان ما كانش فيه مواصلات والطريق كان زحمة. -اعتذارك مش مقبول، انفضلي استنيني عند المديرة لما أخلص الحصة. اتحرجت قوي وأنا واقفة على أول باب الفصل وهو بيهزّأ فيا. أنا عملت إيه؟ ده أنا اتأخرت 10 دقايق بس. هو يعني عشان لسه جديد في المدرسة هيهزّأنا كده؟ خرجت وأنا متضايقة ومحروجة، دي أول مرة تحصل لي. خلصت الحصة وأنا واقفة في مكتب المديرة وهي كمان بتزعق. أنتم مالكم؟ ده هم عشر دقايق!

-خلاص يا أستاذة سهير، هي خلاص مش هتكررها تاني، انفضلي يا ورد على حصتك الثانية. -ورد وهي بتبص له بزعل: حاضر يا مستر. -ورد استني. -ورد: نعم يا مستر أدهم. -أدهم: معليش سامحيني، ما كنتش أعرف إنها أول مرة تتأخري. على العموم الورق ده فيه اللي شرحناه وتقدري تسأليني فيه في أي وقت. -ورد: شكرًا يا مستر عن إذنك. أنا آسفة، ممكن أسألك سؤال؟ -أدهم: إيه، أشرحه لك دلوقتي؟ -ورد: لأ، هو حضرتك يا مستر عندك كام سنة؟

-أدهم: وبتسألي عن عمري ليه، هتطلعي لي بطاقة؟ ورد وشها احمر من الكسفة والإحراج. -لأ أنا آسفة عن إذنك. -أدهم: استني، بهزر معاكي يا ورد. أنا عندي 23 سنة ولسه متعين هنا. لو كنتي حضرتي النهاردة كنتي هتعرفي عشان اتعرفت على زمايلك. ما تتأخريش بقى المرة الجاية. -ورد: حاضر مش هتأخر. عن إذن حضرتك. مشيت وأنا مكسوفة وببص ورايا. ده؟ ده المدرس بتاعي؟! ورد اتلمّي، أنتي هنا بتتعلمي فقط. يا لهوي ده أنا هتعمد أتأخر عشان ما أبص لهوش.

وصلت الفصل، كانت حصة تربية رياضية والفصل كان فاضي. قعدت أقرأ الرواية اللي بحبها. -إيه يا ورد ما شفتيش المدرس القمر اللي أدانا فيزيا النهاردة؟ فاتك نص عمرك. -ورد: لأ ما فاتنيش نص عمري ولا حاجة. أنتي اللي بعقلك ده فاتك عمرك كله. كونك تمدحي مدرّسك بالطريقة دي يبقى عقلك مش ناضج ولا يهمك تعليم ولا منهج. ما تزعليش من كلامي يا عليا بس لازم أقول لك الكلام ده عشان أنتي صاحبتي.

-عليا: اقتنعت شوية بكلامك. هحاول أسيطر ما تقلقيش. أنا بحبك قوي يا ورد بنصايحك ليا. -ورد: ماشي يا ستي، سيبيني بقى أكمل الرواية وروحي هاتي لي من الكانتين قهوة، قولي لطنط القهوة لورد، وهاتي لي منها كيك شوكولاتة كتير هوهوز يلا. -عليا: ماشي يا ست المثقفة.

خرجت عليا من الفصل وأنا بأقرأ الرواية. وأنا بأقرأ في حتة في الرواية ضايقتني وكلمت نفسي بصوت عالي يتسمع. مستر أدهم دخل عليّ الفصل بس ما سمعتوش، كان داخل بالراحة وأنا باصة في الرواية بس. -ورد: إيه البطل الغبي ده! يعني حبيبته خانته وطردته ومسحت بيه الأرض ولسه بيحبها! إيه مفيش كرامة خالص! لأ سوري الكاتب ما كانش ينفع يطلع البطل مهزأ كده.

-أدهم اتكلم وهو بيقرب: وليه بقى ما نقولش إن اللي بيحب عمره ما ينسى حتى لو زعل أو اتكسر؟ قمت فجأة وخبيت الرواية. -ورد: مستر أدهم؟ في حاجة ولا إيه؟ -أدهم: بتخبي الرواية ليه؟ أنا كمان بحب أقرأ. ممكن تقولي لي اسمها حابب أقرأها. ورد ابتسمت أول مرة تشوف مدرس بيحب الروايات. -ورد: آه طبعًا اتفضل الكتاب كله، أنا أعتبر خلصتها. -أدهم: شكرًا ليكي، هأقرأها ولما أخلصها هرجعها لك.

-ورد: لأ عادي ممكن تخليها مع حضرتك مفيش مشكلة. قرأتي الورق؟ في حاجة مش فاهماها؟ -ورد: هو أنا لحقت يا مستر؟ لما أروح وإن شاء الله بكرة هأقول لحضرتك. -أدهم: حلو اسم ورد قوي على فكرة، أنا بحب الورد قوي وعندي مشتل قريب من هنا. -ورد: بجد؟ يعني مدرس وعندك مشتل وكمان بتحب الروايات؟ -أدهم بطريقة بوشكاش: ومش بس كده، بكتب كمان وباللغة العربية الفصحى. -ورد: أنت جامد بجد يا مستر! طيب إيه أكتر نوع بتكتب فيه؟

-أدهم: الرومانسية والكوميدي. -ورد: طيب لو أنا عايزة أقرأ اللي حضرتك بتكتبه ألاقيه فين؟ -أدهم: والله أنا بنزل على أكونت الفيسبوك بتاعي، أعمل لك أد؟ -ورد: آه يا ريت عشان برضه لو نزلت حاجة للفيزيا. -ابتسم أدهم: تمام يا ورد. -أدهم: أنا هأخرج دلوقتي عشان عندي حصة. سلام. خرج. لأ يا ورد امسكي نفسك أنتي إزاي تفكري كده. يا ريته كان عجوز. ده إيه المرار الطافح ده. اليوم خلص وأنا خارجة من المدرسة مع عليا.

-ورد: آه خلاص يا ورد. مين البت اللي واقفة معاه دي!