رواية حب تملك الفصل العاشر 10 - بقلم شرين جمال

قبل الخطوبه بيوم تدخل سميره عند عزه. سميره: عامله اي دلوقتي يا عزه؟ عزه: الحمد لله. سميره: برتباك، ممكن اتكلم معاكي؟ عزه: فاهمه سميره عايزه تتكلم في إيه. أنا هحكيلكوا كل حاجه. فلاش باك عزه: أنا كنت بحب واحد أوي وهو بيحبني. أحمد: عزه، أنا هكلم أبويا النهارده. عزه: أنا خايفه يرفض. أحمد بغضب: أنا هاخدك غصب عن الكل، أنا مش عايز من حد حاجه. يدخل أحمد الفيلا. أحمد: ممكن اتكلم معاك يا بابا شويه؟ منصور: اتكلم، مفيش حد غريب.

بص أحمد على أخوه ويتكلم. أحمد: أنا عايز اتجوز. منصور: ودي مين دي؟ علي: اتكلم على بسرعه، وأنا كمان عايز اتجوز. بص أحمد باستغراب: بس انت متجوز ومراتك ست كويسه، ليه تتجوز عليها؟ علي: ملكش دعوه، أنا عايز اتجوز عزه. أحمد بغضب: انت مجنون! عزه مين؟ أنا اللي هتجوزها، أنا بحبها وهي بتحبني. منصور بصوت عالي: حلو أوي، بتعلي صوتك وأنا قاعد يا أحمد؟ أحمد: ما هو كمان صوته عالي، اشمعنا أنا كل حاجه وحش وهو الحلال؟

منصور: أخر كلام عندي، انت هتجوز مرفت بنت عمك، وعلي هيتجوز عزه. الفرح الخميس الجاي. أحمد بغضب: مش هيحصل. كفايه ظلم بقى، أنا كتيررررر بحس إني مش ابنكم. منصور: يرفع إيدو وينزل بقلم على وش أحمد: اخرس خالص أنت فاهم، واللي أنا قولته هيحصل. يخرج أحمد ويكلم عزه. أحمد بغضب: انتي موافقه تجوزيني من غير أهلي ولا تجوزي علي أخويا؟ عزه بدموع: أنا مقدرش أبعد عنك، إحنا نسيب البلد ونتجوز.

وفعلا اتجوزت أنا وأحمد وسيبنا البلد. ويوم الفرح كان لازم علي يتجوز مرفت عشان كلام الناس. بس ياريت سبنوا في حالنا. نرجع من الفلاش. سميره: خلاص اهدى يا عزه ونتكلم وقت تاني. عند ملك تدخل الجامعه. يفضل زين يبص عليها وعايز يتكلم معاها. بعد المحاضره يجي زين يتكلم مع ملك، يلقيها خارجه تجري على زياد. ملك: حبيبي، عامل إيه؟ زياد: الحمد لله. وفجأه كدا يا وطيه تمشي وتسبيني. يلف زياد. زياد: انتي؟ البنت: انتي؟

ملك باستغراب: انتو تعرفو بعض؟ زياد: أه. نور: لأ، ملك. ملك: طب أه أو لأ؟ زياد بغضب بس في نفس الوقت مبسوط: دي بتاعت كاوتش العربية. ملك بضحك: بجد؟ نور: هو اللي سافل وقليل الأدب. زياد: بت، انتي اتلمي. نور: اتلم أنت الأول، واحد بارد. ملك: بسسس، أي شغل الأطفال ده؟ انتي يا زياد غلطان عشان رخمت عليها، ونور مش بتحب كده. زياد: وتصرفها ده تصرف ناس عاقله؟ نور: حوش العقل ده، أنت شكلك خارج من العباسية.

زياد: يا بت أنت كلك قد كده، ده لسانك أطول منك. ملك: خلاص يا جماعه، معلش يا نور، معلش يا زياد. حور: خيانه، هتروحوا من غيري؟ ملك: نروح إيه، ده أنا شكلي هطلع على القسم. حور بضحك: ليه؟ في إيه؟ نور: يرضيكي يا قمر أنتي، حد يخبطك وكمان الشيكولاتة توقع، وكمان يعاكسك؟ حور: ده يبقى قليل أدب ومش متربي. أي يا ملك، إيدي وجعتني، عاملة تخبطي ليه؟ وكمان الشيكولاتة، لا، كمان قديم الذوق. كلهم ماسكين نفسهم من الضحك.

زياد: عيونه بتطلع نار 🔥. حور: هو ماله زياد مضايق ليه؟ ملك تهز كتفها زي الأطفال: مفيش، أبدًا، أصل هو الأخ اللي عاملة تشتمي فيه. حور: قولي وربنا. ملك بضحك: وربنا. حور: في الموقف ده، الجري نص الجدعنه. وتطلع تجري. زياد وهو بيجري وراها. زياد: وربنا ما هسيبك يا حور الكلب أنتِ، أنا كل الشتايم دي. نور: مش قادرة من كتر الضحك، وربنا البت دي عسل. ملك بضحك: ده زياد هينفجر. زين: بغضب، إيه لعب العيال ده؟

ملك باستغراب: في إيه يا دكتور؟ زين: في قلت أدب. بيدخل زياد. زياد: هربت الجبانة، في إيه؟ مين حضرتكم؟ زين: أنت اللي مين؟ زياد: وأنت مالك تسألني أنا مين ليه أصلاً؟ زين: اتفضلي معايا يا محترمة أنتِ وهي على العميد. زياد: لا، أنت زودتها أوي. ويضرب زين بوكس يوقعه على الأرض. يجي زين يرد الضربة، يدخل الأمن. تدخل ملك ونور وهما بيضحكوا. وزياد يطلب زين ميكونش موجود. العميد: في إيه يا زياد بيه؟

زياد بغضب: الحيوان ده لازم يترفض، بيشتم أختي أنا وخطيبتي. العميد بخوف: حاضر يا فندم. يخرج زياد وهو ماسك إيد ملك. وتمشي جنبه نور. ويبص عليه بنظرة غضب. يدخل زين. العميد: إيه اللي أنت عملته ده؟ إزاي تعمل كده؟ زين بغضب: يا فندم، ده كان آخر هزار وقلت أدب. العميد بغضب: اتكلم كويس يا دكتور زين، وغير كده، أخته وخطيبته هيحاكموا الناس، أنت متحول للتحقيق.

زين يخرج بغضب: وربنا يا ملك، لتدفعي التمن غالي، وبرضو هتكوني ليا، بس مش زي الأول، هيبقى زي أي واحدة رخي... ص.... تدخل حور القصر وهي بتضحك وتخبط في أدهم. حور: أنا آسفه. وتيجي تمشي. يمسكها أدهم من إيدها. أدهم: انتي جيتي لوحدك ليه؟ حور بوجع: أه، سيب إيدي، مش كفاية كسرتها. أدهم بغضب: وهكسر رقبتك كمان، انطقي، كنتي فين؟ يدخل زياد: ماشي يا حور، فلتي المرة دي. ويأخذ باله من أدهم. زياد: في إيه؟

أدهم بغضب: أنا اللي عايز أفهم، في إيه؟ زياد: مفيش حاجة. أدهم: والهانم جايه لوحدها ليه؟ زياد: حور جايه في العربية مع السواق، وأنا جاي مع ملك. إيه اللي حصل لكل ده؟ تنزل سميره. سميره: في إيه، صوتكم عالي كده ليه؟ أدهم: في إن الهانم معرفش كانت فين. حور بدموع: كفاية بقى، أنت إيه؟ والله كنت في الجامعه وكنت بهزر مع زياد ورجعت مع السواق، هو ده اللي حصل يا طنط، والله. ملك: والله يا ماما فعلاً حور كانت معانا.

سميره بغضب: أنت زودتها أوي يا أدهم، ومن هنا ورايح، ملكش دعوه بيها، خليك في خطيبتك. أدهم بغضب: اللي هو إزاي؟ ده كل خطوة محسوبه عليه، ومش هبعد عنها، وبكره كلكم هتيجوا الخطوبة، حتى هي، ونفس كلامي محدش ينفذ. سميره: تمام يا أدهم، بس افتكر أنت اللي اخترت. سميره: تعالي يا حور، عايزك. تدخل حور مع سميره. بعد فتره تخرج حور وهي مبسوطه أوي. يوم الخطوبه. تجهز سميره وملك وزياد. زياد: اتصلي على نور تيجي معانا.

ملك: أنت تسكت خالص، بعد يوم الجامعه ونور مضايقه أوي، إزاي تقول خطيبتك؟ زياد: ما خلاص بقى، اتأسفت أكتر من مره، هي طلعت معايا كده معرفش إزاي، وغير كده، هي تطول؟ ملك: زياد، بلاش أسلوب أدهم ده. زياد: أنا بهزر طبعًا. خلاص يا ستي، أنا أطول واحدة زيها. سميره: انتوا جهزتوا عشان نمشي؟ زياد: بس فين حور؟ مش باينة النهارده. سميره: هتيجي ورانا. يدخلوا الحفله. أدهم: عامل يبص على الباب، بعد أهله ما دخلو، برضو مظهرتش.

أدهم بغضب: هي فين حور؟ سميره بضحك: مبروك يا عريس. أدهم: أنا بقول حور فين؟ سميره: هتيجي ورانا. أدهم: وليه مجتش معاك؟ وتدخل نانسي بضحكة خبثه. نانسي: إزيك يا طنط؟ سميره بغضب: أهلاً. مرفت: أهلاً يا أم الغالي. سميره: أهلاً بيكي. منعم بنظرة خبثه: أختك يا أدهم بيه. وييجي يسلم. أدهم: يمسك إيده، أصل أنا بسلم مكانها.

ويدوس على إيد منعم أوي. وفجأه كل الناس تبص في مكان واحد، وهو دخلو حور وهي لابسه فستان أسود قصير وعليه هيلز عالي، وشعرها لحد بعد ضهرها، وعيونها اللي زاد جمالها، ومع ملمع الشفايف اللي زادها جمال على جمالها. ويزيد ده كله فهد، اللي راجل زي ما قال الكتاب، طول بعرض، وسامه وشيك، بيكون زي لوحة فنيه. كل الناس بانبهار: مين دي؟ وده؟ أدهم بصدمه: يبص على سميره اللي الضحكه ماليه وشها. أدهم بغضب: الدنيا تروح على حور، مين ده؟

وييجي يمسك حور من إيدها، يسبقه فهد. أدهم: أنت إزاي تمسك إيدي كده؟ أنت متعرفش أنا مين؟ فهد: وأنت متعرفش أنا مين، وإيدك دي لو عايزها، بلاش تيجي عليها تاني. أدهم بغضب: ييجي يضرب فهد. في حركة سريعه يكون فهد ماسك إيده. فهد: الغباء، أما تتعامل مع حد، بس متعرفش بتتعامل مع مين. أدهم بغضب: انطقي يا حور، مين ده؟ نانسي تقرب وتحب تولع الدنيا أكتر: أكيد واحد تعرفه، ربنا يستر على ولينا. فهد بغضب: اخرسي يا حيوانه.

منعم: مين دي اللي حيوانه؟ وييجي يمسك فهد، يقوم فهد يضربه، ولسه الحرس جاي. سميره: بسسس، في إيه؟ واحد وخطيبته، أنتو بتعملوا إيه؟ أدهم بصدمه: خطوبة؟ سميره: أيوة يا أدهم، فهد خطب حور. حور: كل ده مستخبياه في فهد. أدهم بصدمه: حور، ده بجد؟ تبعد حور وتمسك فهد أكتر. أدهم بصدمه في نفسه: بقى كده يا حور، تسيبيني؟ أيوة، أنا مقولتش، بس بحبك، بقى هو الأمان بالنسبة ليكي دلوقتي؟ بس لا، مش هسكت.

أدهم بغضب: يمسك إيد حور بسرعه ويطلع يمشي بيها. ولسه فهد هيتحرك، الحارس تمسك فهد، اللي شاور ليها أدهم. ويطلع بالعربيه بسرعه، ومعاه حور اللي هتموت من الخوف بسبب شكل أدهم وغضبه. ويطلع بيها على...