رواية حب تملك الفصل الحادي والعشرون 21 - بقلم شرين جمال

عند فهد بصدمة، يبص على التليفون، ويكون رقم زين. يفضل يبص على ملك فترة وهي نايمة، وبعد كده يخرج من القصر. يفضل ماشي بالعربية فترة، مش عارف هو رايح فين. ويبص قدامه بغضب: "بقى كدا يا ملك؟ ليه كدا؟ أنا بحبك، ليه تعملي كدا؟ أنا مش عايزك لحد غيري، ولا عايز أجرحك، عشان كدا فضلت ساكت." ويفضل يضرب على العربية. "هي شافته؟ طب هو شافها؟ طب اتكلموا؟ آه يا قلبي... بتحب اللي يوجعك." وفجأة عربية حاااااا عند زياد

يقف فترة بيحاول يستوعب اللي بيحصل. يعني أبوها كان بي... تدي عليها إزاي؟ ليه واقف؟ هيتجنن. وفجأة يجري عليها ويحضنها ويمسك وشها بين إيديه. نور بعياط هستيري: "ابعد عني، أنا هعمل حاجة تزعلك، أنا... زياد بدموع على حالها: "اهدّي يا قلبي، مفيش حد هيقرب منك، أنا جمبك." نور تمسك فيه قوي: "أنت هتزهق مني؟ زياد وهو ماسك وشها: "إنتي بتقولي إيه؟

إنتي دعوة ثابتة في صلاتي، وحلم بيحلي منامي. إنتي أحلى حاجة حصلت وهتحصل في أيامي. عمري ما كنت أتخيل حلمي يكون حقيقة وتكوني قريبة من قلبي، يا بنت قلبي." نور تبص على زياد بحب: "أنت أحلى عوض ربنا ليا، أنت مياه عذابه بعد مياه ملحة كتير، أنت ظهر وسند بجد، أنت راجل بكل معنى الكلمة." زياد بحب يحضنها. نور بخوف تبعد. زياد بتفاهم: "متخافيش يا قلبي، تعالي ننام." ويأخذ نور، اللي أول مرة تعرف يعني إيه أمان. عند أدهم

يكون بيقرب من حور وهو مغيب من جمالها. وتخبط وتدخل بسرعة. أدهم "إنتي حيوانة؟ إزاي تعملي كدا؟ الخدامة بخوف: "مش قصدي، بس نانسي هانم مغمى عليها." أدهم يروح يشوف نانسي. حور بعد خروج أدهم: "إحنا فينا من المح... ن... ده؟ طب تمام، قبلي بقى." تروح وراه. أدهم يدخل ويحاول يفوقها. حور "هي مالها؟ أدهم "لازم أروح المستشفى." حور "هاجي معاك." أدهم "هو ده وقت... حور "خلاص، انزل كدا." نظرة واحدة من أدهم.

تجري حور تلبس بسرعة، وتلقى أدهم شايل نانسي ونازل. حور تضايق بس تسكت. في العربية، طريقهم إلى المستشفى. أدهم "بتخافي عليها أوي عشان كدا جيتي؟ حور ببرود: "لا، قولت أتفسح." أدهم يكتم الضحكة، يبص على المرايا، اللي واضح أوي إن ده تمثيل. أدهم "خليكي ورايا لحد الآخر." يوصلوا المستشفى، وتكون حور بره الغرفة. الدكتور "هي المدام... أدهم "آه." الدكتور "مفيش حاجة، شوية وهتفوقي." يخرج الدكتور ويبص على حور بنظرة إعجاب. الدكتور

"حضرتك تبع الحالة؟ حور "آه." الدكتور "طب." ويخرج. أدهم "في حاجة يا دكتور؟ الدكتور "ممكن أعرف الآنسة مخطوبة؟ أدهم كان شبه التنين: "نعمممم؟ هتخطب مراتى؟ الدكتور برتباك: "بس مش اللي جوه مرات حضرتك؟ أدهم بغضب يمسك الدكتور من الهدوم: "إنت مالك؟ عارف لو شوفت وشك قدامي هعمل إيه." مجرد ما ساب الدكتور يهرب من الوحش ده. أدهم بغضب يمسك إيد حور أوي: "عجبك كدا؟ حور بدموع: "أنا مالي، سيب إيدي بتوجعني." أدهم

يسب إيده، اللي تكون علّمت مكانها. أدهم يزعل عشان فعلاً هي ملهاش ذنب، بس هو بيغير عليها أوي. يدخل أدهم بغضب. "أجهزي عشان نمشي." نانسي بدلع: "لسه تعبانة، ممكن نبيّت هنا النهاردة؟ أدهم بغضب: "أنا قولت اجهزي." نانسي بخوف: "حاضر." يخرج يجيب حور عشان الدكتور. نانسي "هي البتاعة دي بتعمل إيه هنا؟ حور "قولت أتفرج على المسرحية من الأول." نانسي "قولها تمشي يا أدهم." حور بدلع:

"أدهم هو اللي قالي تعالي معايا، أصل مش بيحب يروح مكان من غير... نانسي بغضب: "قولها تروح." حور "قولت مش هيقولي كدا، يعني أمشي لوحدي وأحد يعكسني أو يخطبني." وتبص على أدهم. أدهم في نفسه: "طلعتي مش سهلة يا حور، بس ماشي، طالما اللعب كدا." نانسي بغضب: "أنا عايزة أمشي." أدهم "حاضر." ويقوم يشيلها. حور بغيرة تبص عليهم وتسكت. بعد وقت. حور "آآآآه." أدهم من خوفه على حور ينسى نانسي اللي على إيده وتقع، ويجري على حور. أدهم

"إنتي فيكي حاجة؟ في حاجة وجعاكي؟ حور بتمثيل: "آه، رجلي وجعاني." ويكون الدكتور بيقرب يشوفها. أدهم يشيلها ويمشي قبل الدكتور ما يقرب. ويبص على نانسي، اللي هتموت من الغضب، وبتستخلف بكل حاجة وحشة. أدهم "معلش يا نانسي، بس رجل حور وجعاني." نانسي بغضب تبص على حور، اللي بتلعب حواجبها، ونانسي تضرب الأرض برجليها. يوصلوا. نانسي بغضب: "ممكن تباتي معايا النهاردة عشان تعبانة." أدهم "حاضر، هطلع حور وأنزل." يدخل حور. أدهم

"أنا هروح أشوف نانسي." حور بغضب: "أنا مالي، إحنا مجرد وقت وهنطلق." أدهم بعيون حمرا: "إنتي قولتي أيوة." ينزل على وشها بقلم محترم. حور بصدمة: "إنت بتضربني عشانها؟ أدهم "إنتي هتستعبطي؟ أنا بضربك عشان كلمة طلاق، وعارفة يا حور لو قولتيها تاني ه... ق... ل... ك... حور بغضب ولسه هتتكلم، التليفون يرن وترد. حور بصدمة وصوت عالي يصحى كل القصر: "فهههههههد...