رواية حب تملك الفصل الثامن 8 - بقلم شرين جمال

حور: ممكن أعدي؟ الشخص: لا. حور: لا، اللي هو إزاي يعني؟ أوع إيدك. الشخص: لا. ويجي يمسك إيدها: أنتي حلوة أوي. حور بخبث: تمام. وفجأة تفتح الشنطة وتطلع الجهاز اللي بيوصل كهرباء. وفجأة يكون الشخص ده على الأرض. تسمع حد بيصفق وراها. تبص تلقى أدهم. أدهم: برافو عليكي، مش سهلة. حور تبص على أدهم وتسكت. أدهم: تعالي عشان نروح. حور: أنا بعرف أمشي لوحدي، شكراً. أدهم: لا. يرفع حاجبه: أوى تفتكرني الحمار اللي في الأرض ده.

حور تسيب أدهم وتمشي تروح عند ملك. زين: ممكن أتكلم معاكي؟ ملك بخوف: نعم. زين: أنتي خايفة ليه؟ ملك: ممكن أمشي؟ عشان الوقفة كدا. زين: على أساس أنتي محترمة أوي وبتخافي وكدا. حور بصدمة وعيونها مفتوحة على آخرها: نعم؟ حضرتك بتقول إيه؟ زين يبص عليها بسخرية: زي ما سمعتي. مرة تحضني واحد، ومرة في العربية مع واحد. ملك: أنت مش كويس. زين يمسك إيدها: مين ده اللي مش كويس يا بت! ويقرب عليها. فجأة ملك تنزل قلم محترم على وشه.

زين: يا بنت! ولسه هيكمل. أدهم: ملك بتعملي إيه؟ ملك بخوف تبص على أدهم: مش بعمل حاجة. حور تبص على شكل ملك وتعرف إن فيه حاجة. زين بغضب: أنت مين؟ أدهم يقرب منه: أنا اللي المفروض أسألك أنت مين؟ زين: أنا دكتورها. أدهم: وأنا أدهم المنياوي أخوها. زين بارتباك: آه طبعاً، مين ما يعرفش حضرتك. يبص أدهم على زين وياخد ملك وحور ويمشي. أدهم: ادخلوا، أنا في ناس جاية بالليل وأنا هروح الشركة. تدخل ملك على طول على الأوضة.

بعد فترة حور تدخل عند ملك. حور: ممكن نتكلم؟ ملك: آه طبعاً، اتفضلي. حور: أنتي ليه على طول ساكتة؟ ملك بدموع: أنا من كتر أدهم ما بيزعق، بقيت بخاف من كل حاجة. أنتي عارفة أنا حبيتك أوي وكان نفسي يكون عندي إخوات أحكي له كل حاجة. حور بدموع: وأنا كمان، ممكن نكون إخوات. ملك تحضن حور: طبعاً ممكن. حور: تحكي حاجة؟ حور تربّع رجليها: وادي قاعدة، قولي يا قمر. تحكي ملك كل حاجة حصلت مع زين.

حور: بصي، أنتِ اتصرفتي صح، بس واضح إن هو معجب بيكي. ملك: بس أنا بخاف منه أوي. حور: ملك لازم ما تخافيش من كل حاجة، وارجعي اضحكي وهزاري، وأنا جنبك على طول. وعلشان القعدة الحلوة دي، إحنا نستغل زياد ونخرج النهاردة بدل ما نشوف السلعوّعة بتاعة أخوكي. تضحك ملك بشدة على تشبيه حور. ويكمل الوقت لا يخلو من الهزار والضحك. زياد يدخل: خيانة أختي مع حور! حور: نفسي أعرف إزاي دريكول ده أخوكي؟ ومين ده اللي ديركولة؟

حور بصدمة: مش عيب كدا يا زياد تقول على أدهم كدا؟ وأنا أفضل أقولك عيب. زياد بصدمة: يخرب بيتك! أنتِ بتلبسيني؟ أدهم يمسك حور من هدومها: كنتي بتقولي إيه؟ حور: طب بريستيجي قدام الناس حتى. أدهم: انطقي يا زفتة. حور: إن شكلي اتهزيت. زياد وملك بضحك: شكلك مش متأكدة. حور: كويس طمنتوني. أدهم: انطقي. حور: أنا أقدر أقول عليك حاجة؟ عيب عليك والله. وتمثل بدموع: أخس، عيب والله. يسبها أدهم ويبص عليها: أنا مش هقعد هنا تاني بعد الشك ده.

ملك وزياد: برافو! الله عليكي يا ستي. حور توطي: لا داعي للتصفيق، دعونا نعمل في صمت. أدهم: هعد لحد تلاتة أشوف واحد هنا. قبل ما يكمل عد يكونوا بيجروا تحت. زياد: يمسك حور: بقى بتسلميني؟ حور: عيب عليك، كنت هقف في ضهرك. زياد: آه ما أنا عارف. ملك: أنا زهقانة. حور: تعالوا نطلب بيتزا على حسب زياد. زياد: آه تمام، أي ثواني بس. الحد اللي بيعزم بيعزم معاه مش مع غيره. ملك: فيه إيه يا زياد؟ بلاش بخل يا جدع. زياد بصدمة: جدع؟

بت يا حور، بلاش تعودي مع أختي تاني. حور تعدل هدومها: يا ابني أنا بقول يا هادي، لسه. ينزل أدهم من فوق على صوت ضحكهم. يزعق بصوت عالي: هو إيه؟ هنفضّيها هزار؟ زياد: مالك يا أدهم؟ فيه إيه؟ أدهم: اتفضل روح شغلك. حور: زياد ممكن أشوف شغل معاك ليا؟ زياد: ليه يا حور؟ أنتِ ناقصة حاجة؟ حور بضحك: ناقصني حاجة يا بخيل؟ أنا لسه بقولك على بيتزا. زياد: والله بهزار، هنروح ناكل بره. أدهم: حور تعالي على المكتب.

يمشي أدهم وحور وراها تقلد مشيته. وزياد وملك عاملين يضحكوا عليها. يدخل أدهم ويقفل الباب. أدهم: ممكن أعرف إيه الكلام ده؟ حور: كلام إيه؟ أدهم: بلاش استهبال. حور: فعلاً أنا عايزة أشتغل فيها. إيه دي؟ أدهم: مراتي مش بتشتغل. حور: طيب، مراتي؟ أنا مالي بالموضوع. أدهم: هعتبر ده غباء مش رفض، عشان ما فيش واحدة ترفض أدهم المنياوي.

حور: أدهم، أنت إنسان مغرور أوي، وأنا مش موافقة أني اتجوزك. على فكرة، أنت اللي بتعيد الموضوع، وأنا خايفة على شكلك. أدهم بغضب: أنتِ مين؟ أنتِ أصلاً عشان توافقي أو ترفضي؟ حور تقرب من أدهم وتكلم بحنية: أنا حور يا أدهم. وداس أوي على اسمه. أدهم ينسى كان بيزعق ليه، ويقرب من حور أوي من شفايف حور. وفجأة أدهم: آه! يجري بيت العض معاكي. حور بضحك: أحسن. وبلاش تخرج عشان شكلك قدامهم. بعد ما حور تخرج تكون هموت من الضحك.

زياد: فيه إيه؟ حور: مفيش حاجة. أدهم يبص في المرايا يلقي شفايفه وراهمة من العضة. أدهم: آه يا بت، ماشي يا حور. ويكسر المرايا. ليه حق يعمل أكتر من كده، وأنت ضعيف معاها. عند زين. يدخل وهو مش طايق نفسه. أحلام: فيه إيه مالك؟ زين: مفيش حاجة. أحلام: طيب، إحنا هنتغدى عند خالتك. زين: مش هروح في حتة. أحلام تكلم ميرنا: معرفش داخل متعصب ليه. ميرنا: عادي، تلقي البت دي هي السبب، بس أنا هتصرف. أحلام: هتعملي إيه؟

ميرنا: هتعرفي. أصلاً أنا بعت أجيب مازن. أحلام: أنا مش فاهمة، بس تمام. أهم حاجة يكون بفائدة وتكونوا لبعض. زين: أنا غبي، أهو طلع أخوها. عقلوا: طب والتاني؟ قلبو: أكيد أخوه. عقلوا: إخوتها كتير كدا؟ قلبو: اسكت أنت. عقلوا: اسكت أنت. زين: بسسس، بقي! اطلعي من دماغي. وينام زين من كتر التفكير. فيلا المنصور. مرفت بخبث: لازم نسرع الجوازة في أقرب وقت. علي: أكيد عشان الشحنة الجديدة.

المنصور: لما أجوز أدهم هتكون سهل يدخل أي حاجة عن طريقه، البضاعة بتاعته بتعدي على طول. نانسي: بس البنت دي هنعمل فيها إيه؟ منعم: لو مش هتبعد، نقتلها. نانسي: يا ريت. المنصور: نشوفها بس النهارده، وبعد كده نقرر نعمل إيه. يجهزوا كلهم عشان يروحوا فيلا أدهم. تطلع عزة: سميرة هانم، أنا هطلع أجيب حاجات. سميرة: خلي حد يطلع مكانك. عزة: لا، مش هتأخر. سميرة: ماشيين. ينزل من فوق زياد وملك وحور. سميرة: رايحين فين؟ زياد: هنتغدى بره.

سميرة: طب والناس اللي جاية. ملك: إحنا هننزل مخصوص عشان ألبوم ده. سميرة: طيب، أدهم موافق؟ ندخل نقوله. ويدخلوا عند أدهم. أدهم: ممكن ننزل نجيب حاجات؟ زياد: أدهم، أنا معاهم. أدهم: أنت وملك بس اللي رايحين. زياد: لا، وحور. بس هي موافقة بره. حور: ممكن أخرج؟ أدهم: لا. حور: هو إيه اللي لا؟ أدهم: كده. اتفضلوا. وهي تطلع. ملك: مش هطلع من غيرها. أدهم: ملك، صوتك يكون واطي. ملك بخوف: حاضر.

زياد بغضب: ماشي يا أدهم. إحنا هنطلب الغداء هنا، بس مش هننزل نقابل حد. ويطلعوا على فوق. واحدة تكون ماشية فجأة: حاسب. الناس: يا حول الله! مين دي؟ بعد فترة يوصلوا أهل نانسي. سميرة: أهلاً وسهلاً، اتفضلوا. بعد الترحيب والكلام العادي، يبص أدهم على السلم يشوف خيال حور وملك وزياد. ويحب يرد كرامته بسبب ضعفه قدامها. أدهم: يا جماعة، أنا أطلب إيد الآنسة نانسي.