رواية حب يتخطى الجنون الفصل الخامس عشر 15 - بقلم شتاء كاتبه

مريم.. مش عايز تساعدني عشان عرفت إني أنا مريم صح؟ ماجد.. مش هينفع يا مريم. مريم وهي بتقرب من ماجد وبتمد إيدها على كتفه بعنف ليــــــــــه مش هينفــــــــــــع؟ ماجد.. إنتي حب عمر سليم وطلعتي فعلاً مريم. مريم.. كنت حب عمره. ماجد.. يعني إيه يا مريم؟ مريم.. يعني أنا مش هتجوز سليم يا ماجد. ماجد.. إنتي عارفة إنتوا بقالكوا قد إيه وقصة حبكم. مريم.. كل حاجة ممكن تتغير، حتى الحب، المشاعر بتتبدل. ماجد.. إنتي إزاي بتقولي كده؟

اللي يشوف حبك الكبير لسليم قبل 5 سنين. مريم.. قبل خمس سنين؟ ماجد.. قصدك إيه؟ مريم.. قصدي إني اتغيرت، اكتشفت إني مع بني آدم أناني. وقت ما كنت معاه في الفندق وقرب مني وكنت ببعده وبقوله لأ، مكنش في في قلبه ذرة رحمة ليا ولا حتى حب، وكأني سلعة عايز ياخد بيها اللي هو عايزه بعدين يمشي. مريم.. ده مش سليم اللي أنا أعرفه، ده سليم اللي أنا مكنتش عارفاه وابتديت إني أعرفه. ماجد.. بس ده مش هيغير الحقيقة وإن جوزكم الأسبوع ده.

مريم.. أنا محدش هيرغمني على حاجة أنا مش عايزها. ماجد.. (بيبقى بيكلم مريم وتليفونه بيرن) ماجد.. أنا جاي حالا. مريم.. في إيه؟ ماجد.. أنا لازم أمشي دلوقتي، متخرجيش من البيت. *** في مكان سري منصور.. وقت التسليم بكرة. ماجد.. كل حاجة هتوصل في معادها. منصور.. خلي بالك، الرجل الكبير هيكون موجود المرة دي. ماجد.. غريبة، هو مش كان بره مصر؟ منصور.. ورجع، وبرجوعه الشغل هيرجع زي ما كان وأكتر. ماجد.. تمام. ***

ماجد.. إيه اللي مصحيكي لحد دلوقتي؟ مريم.. مستنياك. ماجد.. أنا قولتلك إيه يا مريم، إنتي حبيبة سليم. مريم بكل جرأة... أنا مش حبيبة حد، وإذا كنت في يوم هكون حبيبة، فـ هكون ليك إنت يا ماجد. ماجد.. إنتي بتقولي إيه؟ مريم.. بقول إني بحبك يا ماجد، إنت الإنسان اللي حسيت معاه بالأمان اللي كنت بدور عليه، حتى قبل الخمس سنين. مريم.. مستغرب ليه؟

أيوه يا ماجد، حتى وأنا مع سليم مكنتش بحس بالأمان، كنت دايماً بحس إحساس غريب، هتصدقني لو قولتلك إني لحد دلوقتي مش عارفة إيه هو الإحساس ده، بس اللي أعرفه إني حتى لو حبيت، فـ من يوم معرفتك وانت أكدتلي إن كل اللي أنا فيه مكنش حب. (مريم بتبقى واقفة تكلم ماجد وسليم واقف بعيد بيسمعهم) ماجد.. بس ده غلط، أنا عمري ما أخون أخويا. مريم.. قصدك إيه؟ ماجد.. قصدي إني حتى لو بحبك مش هينفع آخدك. مريم.. يعني إنت...

ماجد.. أيوه يا مريم، حبيتك، معرفش إمتى وإزاي، خليتي القلب القاسي ده يحبك، خليتيني أحس بطعم الدنيا بعد ما كان لا ليها لون ولا طعم. مريم.. تعالي نهرب من هنا. ماجد.. أنا عمري ماهعمل كده في أخويا يا مريم. ماجد.. يلا اطلعي نامي يا مريم. *** سليم.. أنا مبقتش طايقة. منصور.. يعني إيه؟ سليم.. يعني ماجد لازم يموت. منصور.. إنت بتقول إيه؟ سليم.. مالك خوفت أوي كده ليه؟ أومال لو مكنش ابنك...