رواية حبي الأول الفصل العاشر 10 - بقلم روان احمد

والزعيق ده طبعًا كان من عند المدير. حسام بعصبيه: أيوة يعني ازاي بردوا كل دول خدوا إجازة مرة واحدة؟ احنا جايين هنا نهزر ونلعب ولا إيه؟ ما حد يرد عليا. فريدة السكرتيرة: أهدى يا فندم مش كده. وبعدين والله ما حد فينا عنده خبر بحاجة زي كده. والله أعلم بردوا الغايب حجته معاه. حسام بنرفزة: أنا مش عايز أسمع الكلام ده ولا عايز أي أعذار فاهمين؟ يلا كل واحد ع المكتبه.

فريدة: حاضر يافندم. يلا يا جماعة كل واحد يروح يشوف شغله لو سمحتوا عشان نلحق نروح. الوقت اللي فريدة كانت بتتكلم فيه مع الموظفين ظهر محمد من بينهم، وعمر لاحظه. أما بص عليه وعرفه إنه في انتظاره على ما يخلص. مي مكنتش مركزة مع حد خالص من اللي واقفين غير ذلك الشخص العصبي الغليظ الذي يدعى حسام. فاقت من شرودها عندما حدثها عمر وأخبرها بما حدث منذ قليل.

نزلوا هما الاتنين تحت عند عبدالرحمن وقد قصت عليه مي ما حدث بالأعلى. وفضلوا لحد ما محمد نزل واطمنوا عليه وروحوا كلهم. صفاء: حمد لله على سلامتك يا حبيبي. قلقتني عليك ليه اتأخرت كده و…… قبل ما تكمل قاطعها عمر: خلاص يا صفصف يا حبيبتي انتي مش اطمنتي عليه سبيه يرتاح شوية وبعدين يبقى يفهمك. واحنا داخلين ننام. تصبحوا على خير. نسرين: وانت من اهل الخير. تاني يوم على أبطالنا.

كان يوم الجمعة طبعًا كلهم قاعدين. الشباب نزلوا يصلوا في المسجد. وصفاء كانت محضرة لهم مخلطة المحشي. وبعتت مي مع نسرين نزلوا جابوا بط وحمام وفراخ. لأنهم كانوا عازمين أهل ياسمين كمان. وقعدوا يجهزوا الأكل. الشباب كانوا بيساعدوهم بردوا. وعلى العصر يادوب كانت اللمسة الأخيرة والضيوف وصلوا. وبعد فترة من التسليمات اللي بتحصل دي، كلهم قعدوا مع بعض واتكلموا شوية لحد ميعاد الغدا.

البنات قاموا يحضروا وخدوا ياسمينا معاهم. وكان الجو لطيف خالص بين العيلتين. وبعد الأكل كان عمر أخد ياسمين وقعدوا في البلكونة شوية. ومي كانت بتعمل الشاي ليهم. وراح عبدالرحمن استغل الفرصة وقعد يساعدها ويتكلموا مع بعض بردوا. وخلها عملت القهوة بتاعتها وشربها منها زي كل مرة. والحمد لله اليوم خلص وعدى على خير وكان جميل. وحددوا ميعاد كتب الكتاب والفرح بتاع عمر وياسمين.

ميار بتكلم نفسها: أه ماهي كده عشان أطفش لها العريس. يقوم يجيلي أنا. ما هي كانت ناقصة أصلا. ماشي يا مي. ماشي. ضحى: الحمد لله البت اتجننت. عوض عليا عوض الصابرين يارب. ميار: كده يا ضحضح ده بدل ما تقوليلي على طريقة أطفش بيها العريس الجديد ده. ضحى: أنا معرفتش اربي حقيقي. ميار بضحك: جدعة. خدي الباب في إيدك بقى. ضحى بقرف: أنا لو جبت دكر بط كان له فايدة عنك.

وفضلت ضحى تتكلم وتقول بعض من الكلمات الغريبة زي ما بتقول عليها ميار. وميار أصلا لا حياة لمن تنادي. وكانت في سابع نومه. مليكه: يابني يا حبيبي نشفت ريقي. عايزة أفرح بيك. زياد: يا حبيبتي أنا مش عايز عروسة. أنا دلوقتي. انتي زهقتي مني ولا إيه يا كوكو؟ هه. وبعدين أنا قولتلك عايز أقعد معاكي شوية. مليكه: يا حبيبي صحابك كلهم غيروا حالتهم الاجتماعية الا انت. زياد بثقة: غلط يا كوكو. حمزة لسه سنجول زيي.

مليكه بضيق: طيب يا اخويا خليك مستني سي حمزة بتاعك. أنا رايحة أعمل الأكل. سرها: وهشوفلك عروسة بردوا. مازن: إيه يا عم من لقى أحبابه بقى زي ما بيقولوا ولا إيه؟ عبدالرحمن بضحك: عيب عليك يا صحبي. انت تعرف عني كده. مازن: لا خالص بس اتأكدت دلوقتي. عبدالرحمن بضحك أكتر: طب الحمد لله عشان متعبش نفسي وأعرفك. مازن ضحك هو كمان: طب إيه نقول مبروك يا صحبي. عبدالرحمن بابتسامة: ياريت والله بس لسه.

مازن: امال ناوي على امتى ولا على إيه؟ عبدالرحمن: ناوي على كل خير يا صحبي. قربت خلاص أهو. هانت. ادعيلي انت بس. مازن: ربنا يكملهالك على خير يا حبيبي. عبدالرحمن: طب مش هتنوي انت كمان ولا إيه؟ مازن بضحك: عندك عروسة ليا ولا إيه؟ عبدالرحمن بتفكير: ممكن بس لو انت بتفكر يعني. مازن بضحك: طب خلاص يا صحبي. إيدي على كتفك. أنا مستني أسمع منك الخبر اللي يفرحني وأنا هاجي جري. وأهو بالمرة نشوف العروسة.

عبدالرحمن: إشطا. انتظرونا. مع السلامة.