رواية حبي الأول الفصل السادس عشر 16 - بقلم روان احمد

اععع يا مشمش حرام عليك تعالى هنا. جرتني وراك الشقة كله. توقفت شروق عن الركض خلف قطها المشاكس وهي تجيب على التليفون. = أيوة يا مازن. مازن بقلق: اي يابنتي بتنهجي كده ليه في حاجه؟ شروق بضيق: لا أبدًا، ده مشمش بيخليني العب رياضة في البيت. مازن بضحك: طب والله في الخير. شروق بغيظ مكتوم: عايز اي يا مازن.

مازن: مفيش قولت اطمن عليكي واشوفك لو حابة تنزلي نقعد على الكافيه شوية عشان شايفك من ساعة الحادثة دي وانتي مبتخرجيش حتى بعد الجبس. شروق بتفكير: طيب هشوف ماما كده وهرد عليك بدل القاعدة دي. مازن: ماشي هستناكي، سلام. = صحيح سلميلي على مشمش وقوليله أنه وحشني. شروق بضحك: اتكل على الله يابني عشان متغباش عليك انت وهو. مازن: أنا هقفل أصلاً من بدري. شروق: انتي متعرفيش. *** عند ياسمين......... = انت بتقول اي.

بابا وافق بجد، يعني كده خلاص كله اتجهز فاضل العروسة. عمر بضحك: تخيلي، أنا مش مصدق نفسي والله لما عمي كلمني وقالي أنه موافق. = مبارك عليا انتي يا حبيبتي. يلا هقفل معاكي عشان ألحق أبلغهم في البيت بالموافقة القمر دي. ياسمين: ماشي، خلي بالك من نفسك، سلام. = هييييييييي أخيرًا هلبس فستان. = مرسي يا بابا يا جميل أنت. عبدالله: حبيبتي ربنا يسعدك يابنتي ويكملهالك على خير يا قلب أبوكي. نرمين: الله الله يا ست ياسمين.

دلوقتي مبقاش في غير بابا ولا اي. ياسمين بضحك: لا طبعًا يا نيمو ده انتي اللي في الحتة الشم*ال. نرمين: أيوة يا اختي كلي بعقلي حلاوة كمان وكمان. ياسمين: مليش غيركوا والله، بحبكوا كتير كتير أوي. عبدالله: ربنا يديمنا لبعض يا حبيبتي ونطمن عليكي وأنا عارف إن الواد عمر طيب وابن حلال وهيحافظ عليكي، ونشوف عيالكوا بقى إن شاء الله. ياسمين بكسوف: بإذن الله. = يلا أنا هروح أكلم شروق عشان أعرفها الميعاد. ***

زين: حبيبي ربنا يتمملك بخير يارب متعرفش أنا فرحتلك قد أي، حاسس إن أنا العريس مش انت. عمر بضحك: لا ما أنا مش ناسيك بردوا يا اخويا وإن شاء الله عروستك عندي مش هتمشي من الفرح إلا وهي في إيدك. زين: لا ياسطاااا أنا كنت بهزر، مش للدرجة. عمر: يا عم بس اصبر والله ليك عليا تكون قمر ومؤدبة كدة من الآخر وكيوت كمان. زين: لا أنا ابتديت أشك، انت تعرف حد على مراتك يالا.

عمر بضحك: يخرب عقلك هتودينا ورا الشمس، أكيد لا وبعدين مش من أولها يا جدع. زين: هنشوف، يلا أقفل وقتك خلص. = لا إله إلا الله. عمر: محمد رسول الله. *** أحمد: ممكن أعرف مبترديش عليا ليه؟ ميار بلامبالاة: عادي مكنتش أعرف أن انت. أحمد: والله طب كويس إنك عرفتي، عشان تردي بعد كدا أنا هقفل دلوقتي لأني ورايا شغل وهبقى أكلمك تاني. ميار: هو أنا كنت سألتك أصلاً. أحمد: اللهم طولك ياروح، ماشي ي حبيبتي هخلي بالي من نفسي كويس، سلام.

ميار مردتش عليه وقفلت. = قال حبيبتي قال حبك برص، أنا بقى هوريك النجوم في عز الضهر. عشان تبقى تعمل معايا كدا تاني. *** ياسمين بضحك: باركيلي يا روكااااا. شروق بضحك مماثل: الف الف مبروك يا قلبي بس على أي. ياسمين: بابا لسه قافل مع عمر ووافق على ميعاد الفرح، الخميس الجاي. شروق بفرحة عارمة: لولوووولووووووي اللهم مبارك يروحي هتبقي زي القمر أنا متأكدة، هخلص المشوار ده وهعدي عليكي نقعد شوية وتكوني أنتي جمعتي البنات.

ياسمين: حاضر، متتأخريش هستناكي. شروق: مسافة السكة إن شاء الله، سلام مؤقت لحد ما أشوفك بقى. *** مازن: أكيد في خبر مفرح عشان كدا مبسوطة. شروق: اه طبعًا ياسمين فرحها الخميس الجاي، أكيد هتكون موجود مع عمر صح؟! مازن: هحاول بس موعدكيش. شروق بضيق: تمام، يلا عن أذنك لأن البنات مستنياني. مازن: طب مقلبيش بوزك ده بس كدا هفكر، و اه هوصلك ده لو معندكيش مانع يعني. شروق: زي بعضه وخلاص يلا. *** عند عمر.................

صفاء ونسرين: ها ي حبيبي عملت اي. رد عليك؟! عمر بحزن: للأسف الشديد وافق. صفاء: خلاص يا قلب امك مفرقش الخميس ده من اللي بعده. عمر: بقولك وافق ي مزة. نسرين: يخرب عقلك يا عمر أنا لولا إني افتكرت كتب الكتاب كنت قولت أنه فسخ الخطوبة. عمر قعد يضحك بصوت عالي لدرجة إن صفاء اتغاظت منه وقامت ضربته في كتفه بهزار والكل اجتمع على صوته وكانوا فرحانين كلهم بالخبر وبالذات عبدالرحمن لأنه قرر أخيرًا يعترف لـ مي بحبه.

الغاوي يجي لحبيبه من آخر الدنيا ماشي.