رواية حبي الأول الفصل الثامن عشر 18 - بقلم روان احمد

كلهم سكتوا وبطلوا ضحك. وهو بص لهم باستغراب ودخل الأوضة ورزع الباب وراه. حمزة بسخرية واضحة: لا فعلاً شكل الدردشة دي كانت من نوع آخر. أنا داخل أشوف هببتي إيه يا آخرة صبري. أنتيمى باستغراب: أنا يا ابني. صفاء بتريقة: لا أنا يا أختي. استعبطي استعبطي. نـسرين بتلطيف: خلاص، إيه. انتوا كلكم جايين على البت كده ليه. هي بمرح: أنتي اللي فيهم والله. ورسمت له قلب بإيديها. *** عند ميار.

أحمد: افرضي بوزك ده يا ماما. أشحال ما أنا مخرجك وبتاكلي الآيس كريم اللي بالفراولة بتاعك ده وبهدلتي أمي. ميار بتريقة: آه ما أنا واخدة بالي. مش كفاية أصلاً إنك مستخسر فيا الخمس بولات دول ومش راضي تجيب لي علبة تاني. أحمد بصدمة: ده أنتي ناقص تاخدي العربية من الراجل يا بنتي. وبعدين أنا بردوا اللي مستخسر ولا أنتي اللي حايسة. ميار بغضب طفولي: متقولش يا حايسة. أحمد بضحك: خلاص طفسة، حلو؟ ميار بغيظ: اتفضل روحني يلا.

أحمد: ده إحنا لسه خارجين، عايزة تروحي دلوقتي!!! ميار بعند: أيوه، وما عدتش هخرج معاك تاني. أحمد بضحك: ماشي يا طفلة، يلا قدامي. أنا اللي غلطان أصلاً. ميار خبطته بالشنطة اللي في إيدها وجريت من قدامه وهي بتطلع له لسانها. أحمد بذهول: أهه يا بنت المجنـ**ـنة. ماشي يا ميار يا بنت ضحى، ما يبقاش اسمي أحمد إن مربيتك. *** حمزة: إلا صحيح يا عمر، هما اللي كانوا هناك مع ياسمين ساعة كتب الكتاب دول يبقوا قرايبها ولا مين دول.

عبدالرحمن بتدخل: وأنت شاغل بالك بيهم ليه. وكمل بمراوغة: تكونش ناوي تخطب. حمزة بسخرية منه: مثلاً يعني. عمر بابتسامة: لا يا سيدي، دول أصحابها. وما كانش فيه غير شروق بنت عمها اللي كانت لابسة فستان أزرق دي. حمزة بخيبة أمل: آه، يعني ممكن ميجوش تاني. أقصد معندهاش قرايب تانية غير شروق. عمر قاطعه بسرعة: لا طبعًا لازم يجوا. دول هما أساس الحفلة وكل حاجة بالنسبة لياسمين. وأكيد يعني هما مش هيسيبوها في يوم زي ده ولا إيه.

حمزة بفرحة باينة عليه: أيوه طبعًا لازم. هي البنت اللي كانت واقفة جنب ياسمين طول الوقت دي اللي اسمها... اسمها... عمر: تقصد نور؟!! حمزة بفرحة أكتر: هي اسمها نور بجد. عمر بضحك: أيوه يا سيدي. أشمعنى يعني؟ مالها البنت عملت لك حاجة ولا إيه. حمزة بضيق: لا يا خفيف. عبدالرحمن بضحك مماثل: امال إيه يا حبيب. حمزة: مفيش عادي. هو السؤال حرام يعني. عمر: لا أبدًا يا حبيبي. يلا اتخمد عشان عندنا لف كتير الصبح. وحضرتك جاي معانا.

عبدالرحمن خرج من الأوضة. حمزة: رايح فين يا ابني. عبدالرحمن: هقف في البلكونة شوية. في مانع. عمر: لا يا حبيب أخوك. الباب في إيدك بقى. *** شروق: وبس ياستي، ده كل اللي حصل. وبعدين سبته ومشيت لما أنتي كلمتيني. ياسمين: هييححح. أيوه بقى ماشية معاك يا معلم. باقي البنات قعدوا يضحكوا عليها. وكل ده كانوا في فيديو كول. واتفقوا أنهم هينزلوا مع ياسمين عشان يجيبوا الفساتين معاها ويكملوا الحاجة سوا. *** زياد: كوكي يا حبيبتي.

مليكة: خير يا مغلبني. عشان طالما قلت الجملة دي يبقى وراها حاجة. زياد بضحك: حلاوتك انت وانت حافظني. مليكة: هااا... اتفضل قول اللي عندك. زياد بجدية مصطنعة: أنا مسافر. مليكة بصدمة: يا نهار أبوك مش فايت. وده ليه؟ أنت مش لسه جاي هتروح تاني. زياد: لا يروحي مش اللي في بالك. أنا رايح لحمزة. محتاجني معاه عشان فرح ابن خالته وكده، ما انتي عارفة يا كوكو.

مليكة بارتياح: أيوه قول كده بقى. خلاص يا حبيبي إذا كان عشان كده بس. مش الشغل، فـ تمام. روح ومتتأخرش علينا وخد بالك من نفسك. زياد حضنها: حبيبتي ربنا يديمك ليا يا رب. مليكة بابتسامة: لا إله إلا الله. زياد: محمد رسول الله. *** عند ميمي بضحك: يا مفترية، عملتي كل ده في الواد اللي حيلتنا. ميار بسخرية: ده على أساس أنك عملتي كيكة الشوكولاتة وأنا معرفش.

ميمي بضحك أكتر: تصدقي نفسي فيها. طب اقفلي دلوقتي أما أقوم أعملها. وأهو بالمرة لو لقيتـ**ـه أرخم عليه شوية. ميار: ماشي يا لسعة. خفي على الواد يا بت، أنتي إحنا مصدقنا أنه رجع وبيحاول كمان أهو. عايزة إيه تاني. ميمي: عايزة إيه؟ عايزة أقفل عشان أعمل الكيك. ميار: جتك نيلة. يلا سلام. *** أنت ياللي خدت قلبي من الزمان ومن اللي فيه خدت قلبي للدنيا تانية أحلى من اللي حلمت بيه أحلى عمر أنا عيشته جنبك والحنان عندك كتيره

هو في كده زي قلبك لسه فيه في الدنيا خير عمري ما أنسى أنا قبلك كنت في إيه ومعاك بقيت أنا إيه أنا باقي ليك ولحد ما عمري ينتهي. هفضل يا حبيبي معاك وهأعيش وأموت بهواك أنا ليا مين غيرك حبيب عمري عمري ما أنسى أنا قبلك كنت في إيه ومعاك بقيت أنا إيه أنا باقي ليك ولحد ما عمري ينتهي. هفضل يا حبيبي معاك وهأعيش وأموت بهواك أنا ليا مين غيرك حبيب عمري ياما عشت أتمنى أقابلك ياللي زيك مش كتير مش مجاملة عشان بحبك

ده أنت ليا حاجات كتيرة يا كام مرة هأقابل حد بيحب بضمير حد عاش عمره عشاني وقلبه ليا بيت كبيــررر مي بتعتـ**ـم: هـ هو أنت.. هنا من إمتى؟ معلش. عبدالرحمن بضحك على توترها: من زمان. وشكلي كمان هنا من زمان أوي. وشاور على مكان قلبه عندها. مي: ولا إيمي بتوتر أكبر: يعني إيه... هو ينفع حد يخض حد كده. عبدالرحمن بص لها وابتسم بحب: أمممم.... مش أنا عملت كده. مي اكتفت بهز رأسها بإيجاب. عبدالرحمن: يبقى في....

ها قولي لي كنتي بتعملي إيه. مي باستغراب من سؤاله: بعمل كيك! عبدالرحمن: تتجوزيني؟! مي: آه عملتها بالشوكولاتة.... إيه..... أنت قولت إيه دلوقتي؟!! عبدالرحمن بضحك على شكلها: بقول... لو ينفع يعني.... وما يكونش عندك أي مانع..... تبقى تعمليلي الكيك القمر ده أنا وخالد ولينـ**ـا. مي: مين دول؟!! عبدالرحمن بابتسامة: ولادنا يا حبيبتي. لو حابة أسماء تانية غير دي للأولاد معنديش مشكلة. المهم أمهم توافق عليا.

ها قولتي إيمي.................. أستوب.