رواية حبي الاول الفصل العشرون 20 - بقلم نيرة عبد الله

عمر دخل واتصدم. "انتي" "ايوا انا" "وعاوزه اي واي الحاجه اللي تخصني عندك" "ده" وورتوا صورته هو ورزان. "انتي جبتي دول منين" "من احمد" "اي احمد؟! "اه عرف إنك متجوز ومخلف كمان ورجعت لمراتك اللي انت عرفتها لما كنت مسافر وكنتوا بتحبوا بعض وفي الآخر سبتوا بعض عشان مش اتفقتوا سوا بس لما عرفت إنها حامل وخلفت رجعتلها تاني وبعدها نزلتوا مصر وكل واحد فيكم كان بشكل منفصل" "انتي عرفتي ده كله منين" "من احمد" "وهو عرف ازاي"

"لما شديت مع احمد في المطعم وقتها خلي حد يمشي وراك ويراقبك كمان عشان يعرف عليك أي يمسك عليك أي حاجة وكان مش وراك بس رجالتى برضه قاموا بالواجب وعرفوا اللي احمد عرفه" "وانتي خليتي رجالتك ليه يمشوا ورايا" "عشان أمسك عليك أي حاجة أهددك بيها وأمنعك إنك تسيب شيماء" "وأنا بحب شيماء بجد ومش هسيبها مهما حصل" "وأنا مش عايزة غير كده" "ما تقولي من الآخر انتي مصلحتك إيه من ده كله"

"أنا مش فارق معايا شيماء أنا اللي فارق معايا أحمد" "تقصدي إنك عايزة أحمد وشيماء ما يبقوش مع بعض" "أيوه عايزة كده لو شيماء سابتك يبقى أحمد وشيماء هيبقوا مع بعض وأنا عايزة أحمد وأنت عايز شيماء" "حلو وأنا معاك اتفقنا" "وادي آخرة اللي يلعب معايا يا أحمد" عند شيماء صحيت أخدت شاور وصّلت ولبست ترينج رياضي أسود وكوتشي أبيض رياضي وطرحة سودة. ونزلت راحت النادي وفضلت تجري وحاطة السماعة في ودنها وبتجري.

ومرة واحدة كانت هتقع ولقت حد بيشدها. شيماء رفعت عينها وبعدت بسرعة. "احم شكراً" "لا ولا يهمك انتي كويسة" "اه كويسة" "انتي اسمك إيه" "اسمي شيماء" "طارق" "أهلاً وسهلاً" "انتي جديدة هنا في النادي" "لا مش جديدة أنا هنا من زمان" "غريبة أول مرة أشوفك إزاي ماخدتش بالي منك" "وتأخذ بالك منها ليه" وكان لابس ترينج أسود وكوتشي أبيض ومسرح شعره. "نعم وانت مين" "خطيبها مش شايف الدبلة اللي في إيدها" "احم أسف جداً مكنتش أعرف"

"عن إذنكم" ومشي وهو بيبص لشيماء بحب واعجاب. "وحضرتك واقف بتكلميه ليه" "نعم أنا كنت هقع وهو لحقني" "والله تقولى شكراً وتمشي مش تقفي تتكلمي" "خلاص بقي سوري" "والله سوري" "طب أعمل إيه وبعدين انت اتأخرت عليا ده كله ليه" "الطريق كان واقف" "ولا يهمك بس هو إيه اللي خطيبتك دي" "إيه مش الحقيقة" "لا لأن أنا خطيبة ع... "شيماء والله لو كملتي لا تشوفي وشي التاني ماشي" "خلاص خلاص مش هتكلم وبعدين فين دبلتك لو كان سألك"

"كنت هقوله وقعت ومني وبعدين هو ماله" "أحمد يلا نكمل جري يا حبيبي" "يا إيه" "ها لا مفيش" وطلعت تجري. أحمد فرح أوي. "خدي يابت هنا" وبقا بيجري وراها. عند مراد ونور كانوا في كافيه بيتغدوا. "يا حبيبتي انتي زعلانة ليه إننا هنتجوز في سنة 3" "يا مراد لسه بدري وأنا خايفة أقصر في دراستي" مراد باس إيدها. "يا عمري متخافيش أنا هدعمك انتي فكرة إنك ممكن تضيعي تعبك طول السنين دي بالعكس ده أنا هدعمك أوي وهبقى جنبك ومعاكي"

"أيوا بس أنا في 2 يعني 3 سنين كمان وأخلص" "يا روحي متخافيش انتي مش بتحبيني يبقى ليه نطول في الخطوبة أنا مستعد أستناكي العمر كله بس نفسي لما أرجع من الشغل ألاقيكي" "حاضر يا مراد عشان بحبك بس" "قلبي ياناس انتي والله ماهتندمي" "أندم إزاي وأنا معاك" "بعشقك" "وأنا كمان" وكملوا أكل وبعدها أخدها وروحها وهو روح. عند بسمة كانت بتكلم مروان. "خلاص بكرة هاجي أتكلم مع خالته وأتقدم" "خلاص تمام هتيجوا الساعة كام" "على 7 كدا" "أوكي"

"بحبك" "وأنا كمان" وقفلت بفرحة وكملت مذاكرة وبعدها نامت. عند شيماء واحمد كانوا بياكلوا في المطعم. "بس غريبة عمر متصلش بيا" "مش فاضي بقا" "والله" "أه لأن لو جبتي سيرته هقوم أمشي" "إلا مش خطيبي" "شيماء هو مش خطيبك فاهمة أنا اللي خطيبك وبس انتي ليا أنا وبس فاهمة" شيماء اتخضت. "خلاص يا أحمد فاهمة" ودّارت وشها بزعل. احمد مسك إيدها. "حبيبتي أنا عارفه إنه ده خطيبك بس خلاص لما يرجع هنبقى مع بعض خلاص"

"حاضر يا أحمد لما يرجع هقوله إني مقدرتش أحبه وإني لسه بحبك" "أيوا كده شطورة واضْحَكي بقى" "حلوة كده" "يخربيت جمال ضحكتك اللي بتدوبني دي" "بس بقا" "خلاص خلاص" وقعدوا يكملوا أكل وبعدين أخدها وروحوا. "هعدي عليكي الصبح أخده" "أوكي هستناكي خلي بالك من نفسك" "وانتي كمان" وباس إيدها. شيماء نزلت بكسوف. وطلعت أخدت شاور وغيرت هدومها ونامت بفرحة. واحمد روح أخد شاور وغير هدومه ونام وهو حاضن صورة شيماء اللي على الفون بحب.

تاني يوم شيماء صحيت ولبست دريس لبني وكوتشي أبيض وطرحة بيضة وشنطة بيضة وميكب خفيف وطلعت سلمت على باباها. ونزلت لقت احمد مستنيها ولبس قميص مخطط أبيض في أزرق وبنطلون جينز أزرق وحاطط برفيوم وعامل شعره. شيماء ركبت وقالت: "صباح الخير" "صباح النور يا عمري تحبي نفطر فين" "في الجامعة عشان متأخرة" "حاضر يا روحي" ومشي. وبعد شوية وصلوا الجامعة ودخلوا الكافيه وجابوا فطار ومرة واحدة حد نده على شيماء. شيماء رفعت عينها: "عمر"