رواية حبي الاول الفصل التاسع عشر 19 - بقلم نيرة عبد الله

رزان: وحشتني يا بيبي. عمر بص لها: وإنتي كمان يا حبيبتي. راح حضنها. رزان: مصر حلوة قوي بجد، هنعيش هنا على طول. عمر: مش عارف، بس احتمال كبير آه. رزان: أوكي يا حبيبي، هروح أحضر الغدا. عمر: أوكي. وقعد مع ياسين وشالو، وفضل يلعب معاها. تاني يوم، عند شيمو بترن على عمر مش بيرد. لقت أحمد بيرن عليها. شيماء: ألو. أحمد: برن عليكي من بدري. شيماء: كنت برن على عمر. أحمد بغيرة: والله؟ وبتنرني عليه ليه؟

شيماء: عادي، بطمن عليه وصل ولا لسه. أحمد بعصبية: شيماء، متجنيش. شيماء: هو إيه اللي جننك؟ مش فاهمة، خطيبي وبطمن عليه. أحمد: والله؟ طب اطمني براحتك. وقفل. شيماء: يا ربي بقى. وقامت أخذت شاور، وصلت، لبست بنطلون تلجي، شلستون، وعلى تيشرت أبيض عليه كورتي البعبع، وطرحتها تلجي، وشنطة بيضا، وكوتشي أبيض، وحطت ملمع وبلاشر ومسكارة شفافة وكحل أبيض، وحطت برفيوم. واتصلت نور. شيماء: ألو. نور: إنتي فين يا بنتي؟

شيماء: أنا أهو لبست، إنتي فين عشان نروح المول؟ نور: أنا تحت مستنياكي. شيماء أخت شنطتها: أوكي، نازلة أهو. وخرجت من الأوضة. مراد: رايحة فين؟ شيماء: رايحة أجيب لبس يا عريس. مراد: آه، رايحة إنتي ونور؟ شيماء: آه. مراد: استنى أجي معاكي. شيماء: لا، هنروح أنا وهي، باي. مراد بضحك: باي يا أختي. شيماء نزلت: أهلاً بالعروسة. نور: عمتو القمر. شيماء ضحكت: قلبي يا عمتو. نور: فين نسمة؟ شيماء: معرفش، استنى هرن عليها. نور: تمام.

شيماء رنت. شيماء: الهانم فين؟ نسمة: أهو، دخلت عليكم. شيماء: طيب يلا. نور: ها، جاية؟ شيماء: آه، جاية. وبعد خمس دقايق نسمة جات. نسمة: اتأخرت. شيماء: لا أبداً يا أختي، يلا. نسمة: العروسة بتاعتنا. نور: قلبي يا ناس، عقبالك. نسمة: صحيح، فاكرين مروان؟ شيماء: ابن خالتك. نسمة: آه. شيماء: ماله؟ نسمة: كلمني واعترفلي بحبه. نور: أوبا، بقا كدا، الفرحة كملت، عقبالك يا شيمو. شيماء: نعم؟ أنا مخطوبة. نور: احم، أقصد إنتي وأحمد.

شيماء بحزن: أنا وأحمد مينفعش نبقى مع بعض، عمر مش هعرف أسيبه، هو بيحبني وعمره ما زعلني وبيحبني أوي. نور في سرها: إنتي طيبة أوي يا شيماء، وتستاهلي حد أحسن من عمر والله. نسمة: بس أحمد بيحبك. شيماء: وأنا بحبه، وأكتر منه كمان، بس هسيب عمر إزاي؟ على شان بحب حد تاني صعب. نور في سرها: وهو متجوز عليكي أو رجع لمراته يا شيماء. نور: طب يلا نمشي. شيماء: يلا. وركبوا الأوبر ومشوا.

وصلوا المول، وفضلوا يجيبوا هدوم وحاجات، وراحوا المطعم، وقابلوا أحمد هناك. أحمد جي عليهم: إزيكم يا بنات. نور ونسمة: الحمد لله يا أحمد، وإنت؟ أحمد: بخير والله. أحمد بص لشيماء: مش قولتي هنروح سوا؟ مشيتي من غير ما تقوليلي ليه؟ نور ونسمة راحوا قعدوا. شيماء: والله مش حضرتك قفلت وزعلت. أحمد: عاوزاني أعمل إيه؟ أقولك روحي يا حبيبتي اطمني عليه براحتك، وابقي كلميني، ده أنا كدا مبقتش راجل. شيماء: مانا بطمن على خطيبي.

أحمد بعصبية: مابلاش كلمة خطيبي دي. شيماء: وطّي صوتك، وبعدين مش الحقيقة. أحمد: آه الحقيقة؟ طب اسمعي، لما ييجي يديله الشبكة، فاهمة؟ شيماء: طب أديهاله إزاي من غير سبب؟ أحمد: والله أنا سبب إنك عاوزاني وبتحبيني. شيماء: حاضر يا أحمد، لما يرجع من السفر نبقى نشوف الموضوع ده. أحمد: سفر؟ آه. طب يلا نروح ناكل معاهم. وراحوا أكلوا، وأحمد خد شيمو وراح يجيب هدوم. وشيمو كانت بتختار للهدوم، وأحمد كان فرحان أوي. وبعدها روحهم عند نور.

أحمد لـ شيمو: لما أكلمك تردي. شيماء: حاضر، باي. أحمد: خلي بالك من نفسك. شيماء: وإنت كمان. ومشت. وطلعت عملت الديكور لنور (الصورة تحت 👇) وبعدها لبسوا. ونور فستان كان سك لونه رصاصي وهيلز رصاصي، والطرحة لوراها رصاصي بردو. وشيمو عملتلها الميكب، وكانت ميكب سمبل رقيقة. وشيماء لبست دريس سلوبت لونه أسود وهيلز أحمر، والطرحة لوراها أحمر، وميكب رقيقة. ونسمة لبست دريس بيج وهيلز بيج، والطرحة بيج، وميكب خفيف. نور: الله، شكلي حلوة.

وحضنته شيما. شيماء: مبروك يا عيوني، ربنا يتمملك على خير يا رب. نسمة: مبروك يا نونو. نور: الله يبارك فيكم. ماما نور دخلت وبصتلها بحب، وراحت حضنتها: مبروك يا عمري. نور بدموع: الله يبارك فيكي يا ماما. شيماء: لا، بلاش عياط بقى. نور: مش هعيط أهو. ومسحت دموعها. مامت نور: طب يلا عشان وصلوا. شيماء راحت فتحت، وكان مراد لبس بليز رصاصي وتيشرت أبيض وبنطلون أسود وجزمة سود، وحط برفيوم وعمل شعره. شيماء: أخويا القمر. وحضنتهم.

مراد وهو ماسك الورد: قلبي يا ناس، وباس راسها. شيماء سلمت على باباها واختها، ودخلوا وقعدوا. ماما نور: نورتوا والله. بابا شيما: بنورك يا أم نور، إحنا جايين طبعًا نطلب إيد بنتي لابني، ونور دي بنتي والله زيها زي شيماء. ماما نور: والله، وإحنا يشرفنا إن ابنكم يبقى جوز بنتي، بس إنت عارف، هي دي اللي طلعت بيها من الدنيا. مراد: وهي في قلبي قبل عيوني والله. نور دخلت ومعاها صينية عصير بكسوف وفرحة. مراد بص لها بحب.

بابا شيما: طب نقرا الفاتحة. وقرأوا بفرحة. ومراد لبسها الشبكة، والناس كلهم موجودين. شيمو راحت شغلت أغاني، وشدت نور ومراد، وفضلوا يرقصوا بفرحة كبيرة ويتصوروا. تليفون شيماء رن. شيماء: ألو. أحمد: ممكن تنزلي. شيماء: أنزل فين؟ أحمد: أنا تحت قدام بيت نور.

شيماء نزلت، ولقيت أحمد لبس قميص لبني وبنطلون أسود وكوتشي أبيض، وفتح أول زرارين، وحط برفيوم وساعة جلد أسود، وعمل شعره بطريقة جذابة، ومسك بوكيه ورد مختلط بالورد الأسود والورد الأحمر. أحمد سرح في جمالها. أحمد: إيه القمر ده؟ شيماء بكسوف: مرسي. أحمد: اتفضلي. شيماء أخدته: الله، تحفة. أحمد: عقبالنا. شيماء اتكسفت ومردتش. أحمد: طب يلا نطلع. شيماء: إزاي؟ مراد فوق. أحمد: مراد اللي عزمني، إحنا بقينا أصحاب. شيماء: إمتى؟

أحمد: يوم لما جيتلك ورحنا الكافيه. شيماء: آه صح، إنت قلتله إيه؟ أحمد: يبقي يقولك يلا. ومسك إيدها وطلعوا. وأول ما طلعوا، ساب إيدها ورح سلم على مراد. أحمد: مبروك يا مراد، مبروك يا نور. مراد: الله يبارك فيك، عقبالك. أحمد بص لشيماء بحب وغمز: يارب. مراد: اتلم يا عم، بدل ما أقوملك. أحمد: بس يا عم، دي خطوبتك. مراد: أيوه، اتعدل. أحمد ضحك ورح قعد. مراد: متعرفيش فرحانة إزاي. نور: وأنا كمان، أخيراً بقينا مع بعض.

مراد باس إيدها: أخيراً يا روحي. وبعد وقت كبير، كله روح وناموا بسعادة وفرح. تاني يوم عمر صحي على رنة تليفونه. عمر: ألو، مين؟ مجهول: فيه حاجة عايز أقولها ليك تخصك عندي، هستناك في ٠٠٠٠٠٠ عمر: مين معايا؟ مجهول: هتعرف، هستناك بعد ساعة. وقفل. عمر استغرب، وقام لبس تيشرت أسود وبنطلون أسود وكوتشي أبيض، وسرح شعره وحط برفيوم، ونزل راح المكان. واتصدم لما شاف. *تتوقعوا مين المجهول؟ وإيه الحاجة اللي عاوز يديها لعمر؟

وأحمد وشيماء هيبقوا مع بعض وعمر هيعمل إيه مع شيماء؟ وشيماء هتكمل معاه ولا لأ؟! هنعرف البارت الجاي.