رواية حبي الاول الفصل السادس عشر 16 - بقلم نيرة عبد الله

شيما صحيت من النوم على رنة تليفون عمر. شيما بصوت نوم: الو. عمر بضحك وحب: انتي لسه نايمة ده كله يا كسـلانة، ده أنا منمتش. شيما: منمتش ليه؟ عمر بحب: سرحان فيكي. شيما اتكسفت: طب باي بقي على شان أجهز. عمر: طيب يا حبيبتي، خلي بالك من نفسك. شيما بكسوف: حاضر، وانت كمان. عمر قفل وقام أخد شور وبدأ يجهز. شيما قامت وروقت الأوضة ودخلت أخدت شاور وطلعت لبست إسدال لبني، صلت وقامت تعمل ديكور في الشقة.

مراد: صباح الخير على أحلى عروسة. شيما: صباح النور يا حبيبي. مراد: في حاجة عاوزة أجبهالك؟ شيما: اه، ودخلت الأوضة وجابت ورقة، عاوزة دول. مراد: طيب يا روحي، هروح أجبهُم. شيما: طيب، نور مجتش ليه؟ مراد: قالت لي في الطريق. شيما: طيب يا حبيبي. مراد باس راسها ونزل. شيما ومروة بدأوا يعملوا الديكور ولقوا الباب بيخبط جامد. مروة جريت فتحت. نور وبسمة: انهارده هكلم أبوكي. مروة: أيوه بقي، ده كله!

نور سلمت عليها: الطريق يا رورو والله. مروة: أيوا عروسة أخويا. نور: بس متكسفنيش بقي. شيما: أيوه بقي، هتبقي مرات أخويا، احترميني بقي، هبقي عمتك. نور: احترم مين يا بت، أنا أكبر منك بكام شهر. شيما: والله ماشي ياختي. بسمة بصت للديكور بإنبهار: أيوه بقا، أحلى مهندسة دي ولا إيه. شيما: أي خدمة، يلا نروح نجهز. كلهم: يلا، ودخلوا أوضة شيمو. نور لبست هي وبسمة بدل، ألوانها بيج، بـ تيشرت أبيض وطرح لونها أبيض في بيج وهيلز أبيض.

مروة فستان سك لغاية الركبة، كب لونه بينك بيلمع وهيلز شفاف وسابت شعرها. وشيما عملتلهم كلهم ميكب رقيق. مراد دخل وحط الأكل والحاجة اللي جابها وحطها في المطبخ ودخل أخد شاور ولبس قميص أبيض وبنطلون أسود وجزمة سودة وفتح أول زرارين وحط برفيوم وسرح شعره باحتراف وساعة جلد أسود وراح شغل الأغاني. وخبط على أوضة شيمو ومروة فتحتلهم. مروة: أوبا، انت العريس ولا إيه. مراد: أقل ما عندي يا بنتي. نور شافته وكانت تايهة فيه.

شيما: خفي يا أختي. نور: أخوكي مز أووي. شيما ضحكت. مراد راح لشيما وباس راسها وخدها في حضنه: أحلى عروسة شافتها عيني يا ناس، كبرتي امتى نفسي أعرف، بس هتفضلي طفلتي. شيماء حضنته: ربنا يخليك ليا. مراد: ويخليكي ليا يارب. وراح لنور: أي القمر ده. نور بكسوف: مرسي، وانت كمان شكلك حلو أوي. مراد: بس مش أحلى منك. بسمة: عقبالي يارب. شيما رفعت إيدها: يارب يا أختي. بابا شيما

دخل وشافها وباس راسها: أي القمر ده، كبرتي وبقيتي عروسة يا قلب أبوكي. شيما بدموع: شوفت بقي. بابا مسح دموعها: وأحلى عروسة. مروة: طب يلا، العريس وصل. بابا شيما: ومراد طلعوا استقبلهم وقعدوا. بابا: أهلاً وسهلاً يا عمر. عمر كان لابس بدلة بيج وقميص أبيض وفتح أول زرارين وجزمة سودة وساعة فضي وحط برفيوم وعمل شعره بجاذبية.

عمر: أهلاً وسهلاً يا عمي، طبعاً حضرتك عارف أنا جاي ليه، أنا جاي أطلب إيد شيماء بنت حضرتك، وأوعدك هشيلها في قلبي قبل عيني. بابا: وأنا عارف إنك هتحافظ عليها. مراد: خد بالك لو زعلتها أنا اللي هـزعلك. عمر: عيب عليك يا أبو الصحاب، في حد يـزعل روحه. ماما عمر: فين العروسة؟ بابا شيما: جايه أهي. مراد قام نده ليها. شيماء جات وهي شايلة صنية عليه جاتوه وبيبسي ومكسوفة جداً. عمر بحب: أي القمر ده. مراد: بس يا بابا. عمر: خطيبتي.

مراد ضحك وشيما اتكسفت أوي وشها أحمر. ماما عمر: تعالي جمبي يا حبيبتي، أي القمر ده. شيماء بكسوف: مرسي يا طنط، وقعدت جمبها بكسوف. عمر: طب نقرا الفاتحة. بابا شيما: مش لما نعرف رأي العروسة. شيما بكسوف: الرأي رأيك يا بابا. بابا: على خير، نقرا الفاتحة، وقراوها. مراد باس راس شيماء: مبروك يا قلبي. شيماء: الله يبارك فيك يا حبيبي. عمر: مبروك يا حلم حياتي. شيماء بكسوف: الله يبارك فيك. مراد: يلا بقي ننزل الجنينة.

ونزلوا الجنينة اللي تحت البيت. وقعدوا على الكراسي وعمر لبس لشيما الشبكة، وكان في ناس كتير من الجامعة وأصحابهم وقرايبهم وفضلوا يرقصوا ويغنوا بفرحة. وبعد وقت خلصوا الخطوبة وكل واحد روح بيته وناموا. تاني يوم عند أحمد، صحي على رنة الفون وكان محمد. أحمد: الو. محمد: انت فين يا ابني، يلا الجامعة.

أحمد: طيب جاي، وقام أخد شور ولبس تيشرت أبيض وبنطلون جينز وكوتشي أبيض وسرح شعره وحط برفيوم وساعة فضي ونزل ركب العربية هو ومحمد وراحوا الجامعة وكل واحد راح كليته. وأحمد دخل محاضرته وكان دكتور عمر اللي عليهم. أحمد بهس: استغفر الله العظيم. عمر دخل وشرح. وبعدها الطلاب عملوا مفاجأة ليه وشغلوا صور وفيديوهات الخطوبة على الشاشة. وأحمد كان بيبص بغضب وحزن وغيره. واحد من الطلاب: دكتور، ممكن تقول حبيتها امتى وازاي؟

عمر: حبيتها من أول يوم جت في الجامعة، كانت متوترة أووي وخايفة ومش عارفة تتعامل، كانت طفلة، خبطت فيها ولقيتها بتعتذر كتير وطلعت تجري، وحاجات خلتني أعشقها من أول يوم مش أحبها. أحمد قام بغضب وراح طلع برا ومحمود طلع وراه. محمود: إيه يابني، في إيه مالك، اضايقت ليه؟ أحمد: مفيش، أنا مروح، وراح ركب العربية وطلع على كافيه ودخل وطلب قهوة، وده كان الكافيه اللي قابل فيه شيما زمان.

ولقي شيماء وعمر داخلين وقعدوا على الترابيزة اللي كانت جنبه. وعمر طلب أكل ومسك إيد شيما: متعرفيش أنا فرحان قد إيه. شيما: يارب دايما. عمر: أنا متأكد إنك هتحبيني زي ما أنا بحبك. شيما: أكيد، بس محتاجة شوية وقت. عمر: وأنا معاكي لآخر العمر. شيماء ابتسمت. وفون عمر رن. عمر: هرد وأجي. شيما: اوكي، وعمر قام يرد. أحمد راح لشيما بكسرة ووجع: ليه؟ شيما بصتله: هو إيه لي؟ لي؟ أحمد: ليه عملتي كدا؟

شيما: عملت إيه، هو بيحبني وبيشاريني وعاوزني. أحمد: طب ما أنا بحبك. شيما: إيه، بتحبني؟ انت عمرك ما حبتني يا أحمد، حبتني؟ تقوم تحب غيري وتسبني وتمشي، وأنا كنت مستنياك، وفي الآخر بعد ما صبرت سنين، في الآخر ألاقيك مع غيري، ودموعها نزلت: بعد ما حبيتك حب محدش حبه لـ حد، وكنت بدعي إنك ترجعلي وتبقى ليا.

أحمد: ما انتي اللي قولتيلي ابعد، وكلامك معناه إنك مش عاوزاني، انتي اللي كنتي بتبعديني عنك، مع إني مش عارف عملت إيه، كل ده عشان بحبك. شيما: أنا قولتك كدا عشان كنت خايفة عليك من مراد، يا أحمد، عارف يعني إيه خايفة عليك، كنت مستحيل أستحمل يحصلك حاجة. بالعكس، أنا حبيتك من أول يوم شفتك فيه، عشقتك، بس انت في الآخر كسرتني. أحمد بصدمة: طب ليه مقولتيش كدا ليه؟ ليه خليتينا نبعد عن بعض؟ ليه؟ شيما دموعها نزلت وسكتت.

أحمد مسك إيدها: تعالي نرجع لبعض، أنا بحبك والله ومقدرش أستغني عنك، شيما، أنا بتوجع وانتي بعيد عني. شيما: خلاص يا أحمد، مينفعش، خلصنا. أحمد بزعيق: لا ينفع يا شيما، انتي مش بتحبيه وبتحبيني أنا. شيماء لسه هترد. عمر دخل وضربـه بالـبوكس: ابعد عنها يا حيـوان. أحمد مسكه وضربـه بالـبوكس: انت اللي ابعد عنها، دي حبيبتي. عمر: انت بتقول إيه، دي خطيـبتي. أحمد: لا حبيبتي، أنا فاهم،

وبص لشيما: هتبقي ليا يا شيما، وحط ده في دماغك، هتبقي ليا مهما حصل، وسبهم ومشي. شيما لعمر: انت كويس؟ عمر: والله لـ اخليه يندم. شيما: لا يا عمر، أرجوك لا، أنا هحل الموضوع. عمر: متتكلميش معاه ولا ليكي علاقة بيه، فاهمة. شيما هزت راسها. عمر أخدها وروحوا. شيما طلعت غيرت هدومها وحكت للعيال على الجروب اللي حصل. نور: طب وهتعملي إيه؟ شيما: مش عارفة. بسمة: تحبي أتكلم معاه؟

شيما: لا، أوعي تتكلمي معاه، لما نشوف آخرتها هتبقى إيه، أنا هقفل بقي وهقعد أذاكر. نور ونسمة: واحنا كمان، وقفلوا وذاكروا. عند أحمد، روح بغضب إنه سابها معاها، وفرح إنه شيما بتحبه، واتصلت على حد وطلب منه حاجة وغير هدومه واتصل بـ شيمو. شيما: الو. أحمد: وحشتيني. شيما: أحمد، أرجوك، كفاية اللي حصل. أحمد: هو إيه اللي حصل يا حبيبتي. شيما بنرفزة: أحمد، انت عارف. أحمد: بحبك. شيما: أحمد.

أحمد: هو إيه اللي أحمد، بقولك بحبك، بدل ما تقوليلي، وأنا كمان. شيما بكسوف: أقول إيه، اتلم، أنا واحدة مخطوبة، واللي بعمله ده غلط. أحمد: متقوليش مخطوبة عشان مقتـلهوش. شيما: والله ده ربنا يستر على اللي هيعمله، ممكن متدخلش الجامعة كمان. أحمد: يعمل لي يعمل، مش فـاق معايا غيرك. شيما: لا، ده انت مجنون. أحمد: بيكي، مجنون بيكي. شيما اتكسفت ومردتش. أحمد بضحك: خلاص خلاص، هكلمك بكرة. شيما: مش هرد. أحمد: أما نشوف، هتوحشيني، باي.

شيما قفلت وضحكت وهي فرحانة، بس بصت على الدبلة اللي في إيدها وافتكرت عمر ورنت عليه. شيماء: الو، عاملة إيه؟ عمر: الحمد لله، وانتي؟ شيما: كويسة، لسه زعلان؟ عمر: لا، بس هو انتي بينك إيه وبين أحمد؟ شيماء اتنهدت وحكتله. عمر: بتحبيه؟ شيماء بوجع: مش عارفة، بس مش قادرة أنسى إنه حب غيري. عمر بوجع: طيب يا شيماء، هقفل عشان ورايا شغل، وقفل. شيما اتنهدت بوجع ودموعها نزلت ونامت من كتر التفكير. عند مراد، كان بيكلم نور.

مراد: يعني هاجي امتى؟ نور: ماما قالتلي على بعد بكرة. مراد: ياه، أخيراً. نور: اه، أخيراً هنبقي مع بعض. مراد: أنا أسعد واحد في الكون. نور بحب: وأنا كمان. يلا أقفل بقي عشان ألحق أنام. مراد: حاضر يا عمري، هاجي أعدي عليكي بكرة. نور: اوكي، وقفلوا وناموا.

تاني يوم شيما قامت روقت الأوضة واخدت شاور وطلعت لبست الإسدال، صلت ولبست بنطلون بوي فريند وتيشرت أبيض وكوتيش أبيض وطرحة بيضة في لبني وميكب خفيف وبرفيوم وأخدت شنطتها السودة ولبستها واخدت فونها ونزلت. وقفت بصدمة لما شافت ٠٠٠٠٠٠.