رواية حبي الوحيد الفصل الأول 1 - بقلم "magnona chan"

بفرحة + يبنات مازن كلمني لأول مرة النهارده عالواتس وطلب رقم بابا واتصل ببابا وأخد منه معاد وبكرا هيجي يتقدملي. بصدمة ~ نعم! فرحتك تدل على إنك هتوافقي عليه.. هتوافقي عليه إزاي وأنتي عارفة إن ليل بتحبه جداً بقالها ٤ سنين!!! أنا وأنتي أكتر اتنين عارفين قد إيه ليل بتحبه. *ليل كانت ساكتة ومش بتتكلم* أمنية بصت على ليل وبتمثل إنها زعلانة. بزعل مصطنع + بجد يا ليل هتزعلي؟!

طب خلاص أنا هرفضه.. مش هقبل أتجوز واحد صحبتي الانتيم بتحبه. -لا عادي مترفضهوش أنا مش زعلانة.. بالتوفيق ليكي. وسابتهم ومشيت. أول ما اطمنت إنها بعدت عنهم مسافة كبيرة وقفت في الشارع وفضلت تعيط زي الأطفال.. مازن كان حب حياتها الأول والأخير بس هو مكنش ملاحظها خالص.. من فترة عملت أكونت فيك و سألته "بتحب حد؟ وهو رد عليها قالها أيوه.. وقتها هي افتكرت إنه ممكن يكون بيحبها بس مش مبين بس شكله كان قصده على صحبتها أمنية.

قعدت عالرصيف وكملت عياط. كانت أكتر حاجة شاغلة بالها ومسيطرة على تفكيرها "هي وحشة عشان كدا هو ملاحظهاش ولا حبها؟ طيب هو شاف إيه في أمنية ومش شافهوش فيها؟ اتفاجأت بحد قاعد جمبها وبيديها منديل. = اتفضلي المنديل دا.. شكل فيه حاجة مضايقاكي جامد لدرجة إنك ملاحظتيش إني قاعد جمبك بقالي ربع ساعة. الصوت مكنش غريب عليها.. بصت عليه واتفاجأت إنه مازن. أخدت المنديل وقامت من عالرصيف ومشيت من غير ما تقول حاجة.

بس مازن جري وراها وشدها من إيدها. -أنت إزاي تلمس إيدي؟!! = مكنش قصدي والله كنت عايز أوقفك بس… = أنتي صاحبه أمنية صح؟ هي أكيد حكتلكم إني رايح أتقدملها بكرا فينفع معلش تطمنيني هل هتوافق أو لا.. يعني كانت فرحانة وهي بتحكي ولا كانت بتحكي الموضوع بشكل عادي ولا إيه بالظبط.. أنا آسف إني بطلب منك طلب زي دا وأنتي زعلانة أصلاً بس بجد الموضوع دا فارق معايا جداً.. أنا بحبها بقالي سنة ومستني اليوم اللي هتقدملها فيه بفارغ الصبر.

ليل كانت بتتقطع من جواها وهي سامعة كلامه عن أمنية.. كان نفسها الكلام دا يكون عنها.. -كانت فرحانة… مازن بان عليه الفرح جداً. = بجد شكراً أوي ليكي مش هنسألك معروفك دا.. تحبي أوصلك عشان شكلك تعبانة؟ -لا توصلني إيه أنا هوقف تاكسي على أول الشارع.. = تمام شكراً جداً بجد. ليل سابته ومشيت خطوتين بس بعيد عنه. كانت حاسة الدنيا بتدور حواليها وبعد كدا الرؤية بقت مشوشة ووقعت عالأرض (أغمي عليها)

مازن جري ناحيتها وشالها ووقف تاكسي وراح المستشفى. £ حضرتك قريبها؟ = لا يا دكتور هي صاحبه خطيبتي. £ تمام.. عموماً أنا شاكك في حاجة بس هستني الأشعة والتحاليل عشان أتأكد ويارب يطلع اللي بفكر فيه غلط. = قلقتني يا دكتور.. حضرتك شاكك في إيه؟! £ لما أتأكد هقولك عشان متقولش لأهلها وتقلقهم عالفاضي لو طلع شكي غلط وياريت تتصل بأهلها عشان يجو. = تمام.. اتصل بأمنية عشان يقولها تتصل بأهل ليل.

وفي ظرف ربع ساعة كانت أمنية وآية في المستشفى. ودخلوا لليل في الأوضة. ~ حمدلله على سلامتك يا ليل.. متقلقيش إن شاء الله حاجة بسيطة. بزعيق + ليل هو أنتي مثلتي إنه أغمي عليكي عشان يشيلك ويجيبك المستشفى صح؟! بتشحتي الاهتمام من خطيبي وجوزي المستقبلي يا ليل!!! وبعدين أنتي لسا مش مستوعبة إنه بيحبني أنا مش أنتي صح؟!! ليل قامت من عالسرير وهي مصدومة من كلام أمنية.

-إحنا أصحاب بقالنا أكتر من ٦ سنين يا أمنية.. هل تعرفي عني إني خطافة رجالة وإني بعمل الحركات الرخيصة دي عشان حد يهتم بيا!!! وفجأة ليل حست إنها مش قادرة تاخد نفسها ونبضها بيقل. بصريخ ~ دكتور بسرعة عايزين دكتور!!!!! ليل أغمي عليها مرة تانية. والدكتور قال هيستني التحاليل وكان باين عليه القلق جامد وطلب منهم يستنوا برا الأوضة. ~ أنتي إزاي تقوليلها كدا!!! معقولة أنتي أمنية صحبتنا الانتيم!!!

إحنا إزاي معرفناش علي حقيقتك طول السنين دي. + عايزاني أشوفها بتحاول تخطف خطيبي وأسيبها عادي؟! كان لازم أفهمها وأقولها إنه مش مهتم بيها ومش بيحبها وإنه اختارني أنا وبيحبني أنا. ~ أنتي بجد بقيتي لا تطاقي يا أمنية! امشي يا أمنية أنتي بس بتخلي حالتها تزداد سوء وخلاص! + أساساً جيت عشان أنبهها على حوار خطيبي وعشان خطيبي يوصلني.. وأنتي كمان متقلقيش عليها عالفاضي دي حركات بنات أنا عرفاها. وراحت تكلم مازن ومشيوا عشان يوصلها.

آية فضلت مستنية قدام أوضة ليل لغاية لما تصحي. ~ طمني يا دكتور على صحبتي. £ إحنا عايزينك تتصلي بأهلها بشكل عاجل.. بقلق وخوف ~ ليه يا دكتور فيه إيه!!!! £ لما يجو أهلها هقولهم وهما لو عايزين يقولولك براحتهم. ~ ليل يتيمة الأم والأب من وهي عندها ٣ سنين.. جدتها هي اللي ربتها بس ماتت من ٥ سنين ومن وقتها ليل عايشة وحدها. £ ياريت حد يعيش معاها بعد كدا. ~ هي مالها يا دكتور قلقتني!!!