رواية حبي الوحيد الفصل الثاني 2 - بقلم "magnona chan"

للاسف المريضة عندها سرطان دم بس الخبر الحلو انها لسه في البداية وممكن يتعالج عادي بس أهم حاجة تلتزم بجلسات الكيماوي والأدوية. بصدمة: نعم! سرطان دم؟ ازاي يعني؟ ربنا معاكم. بعدها الدكتور مشي وساب آية وهي مصدومة. قعدت على الأرض وهي بتعيط ومش مصدقة. بعدها مسحت دموعها ودخلت عند ليل لما فاقت. -هو الدكتور مش راضي يقولي حاجة ليه؟ -ليل.. عايزة أقولك حاجة بس لازم تهدّي، اتفقنا؟ كل حاجة ليها حل وعلاج. -إيه حصل مثلاً؟

آية استجمعت شجاعتها. -عندك سرطان دم. بفرحة: بجد؟ طب الحمد لله، أخيراً هروح لماما وبابا وتيتة. آية ضربت ليل بالقلم. -حد يفرح لما يجيله خبر زي ده!! بهدوء: وأنا أزعل ليه مثلاً؟ هل ليّ أهل يزعلوا عليا لما أموت؟ هل عندي حد يهتم إذا كنت عايشة أو لا.. إذا كانت صحبتي القريبة مني طعنتني في ضهري وهتتخطب للإنسان الوحيد اللي حبيته.. أزعل ليه بقى إنّي هموت؟ آية بدأت تعيط بهستيرية.

-أنا هزعل عليكي يا ليل.. أنا بقالي ساعتين بعيط لدرجة إني حاسة دموعي خلصت وانتِ جاية تقوليلي مين مهتم بأمري؟! ببرود: كلها يومين وهتنسيني، متقلقيش، مفيش حد بيموت من الزعل. آية راحت ناحية ليل وبدأت تهزها جامد. -يا ليل فوقي بقى، إيه الكلام اللي بتقوليه ده!! ببرود: كلام إيه؟ آية مستحملتش برود أعصاب ليل أكتر من كده وخرجت من الأوضة.

أما ليل مسكت موبايلها، فتحت الجاليري وبدأت تمسح صور مازن واحدة ورا التانية وتعمله بلوك من الانستا والفيس عشان متشفهوش تاني. -كان لازم أعرف من الأول إن الموضوع مش هيتم أساساً، امتى حصلت أي حاجة عايزها. واتفاجئت بدخول آية الأوضة تاني. -انتِ هتتعالجي من بكرة.. بكرة هتبدأي أول جلسة ليكي. -بس أنا مش عايزة أتعالج. -لا هتتعالجي يا ليل، أنا مش باخد رأيك، أنا بقولك بس إن هتبدأي بكرة الجلسات.

-والقرار بيرجع للمريضة، والمريضة بتقول مش هتتعالج. بعياط: يا ليل بقى حرام عليكي، اتعالجي بقى. -بقولك مش عايزة!! كان آخر أمل ليا في الدنيا دي هو مازن.. من ساعة ما تيتة ماتت وبقيت عايشة لوحدي وأنا كل يوم ببص في صورته قبل ما أنام وأحكيله عن اللي مضايقني أو اللي حصل في يومي.. أنا عندي درج كامل فيه كشاكيل كاتبة فيها رسايل ليه على أساس إننا ممكن نتجوز في يوم وأوريهاله.. كل يوم رسالة لمدة ٤ سنين.

-عارفة أنا حاسة بإيه دلوقتي؟ حاسة إن روحي بتتسحب مني.. توعديني تهتمي بجنازتي وتدعيلي كتير؟ بعياط هستيري: جنازة إيه اللي بتتكلمي عليها يا ليل؟ انتِ هتتعالجي وهتبقي كويسة. ليل قامت من مكانها وفكت إبرة المحلول من إيدها. -أنا رايحة البيت. -طب استني أوصلك على الأقل، الوقت اتأخر! -لا هروح لوحدي، وانتِ خلي بالك من نفسك وانتِ رايحة.. باي. خرجت من المستشفى وهي شايفه قدامها بالعافية، الساعة كانت 3 الفجر والشوارع فاضية.

$ القمر ماشي لوحده ليه؟ اتجاهلته وكملت في طريقها، باين عليه سكران أساساً. مسكها من إيدها جامد. $ انتي مش سامعاني ولا إيه؟ -سيب إيدي، انت بتوجعني! بس مكنش عندها القوة إنها تخليه يفلت إيدها. بدأ يقرب منها تدريجياً. ضربته بالقلم. $ انتي بتضربيني أنا بالقلم! رفع إيده في الهوا عشان يردلها القلم. غمضت عينها من الخوف. بس لما فتحتها كان فيه دراع ماسك إيد الراجل اللي كان بيحاول يضربها. & مش عيب عليك تمد إيدك على بنت؟

$ وانت مالك بيا أساساً. الشاب اللي بيدافع عنها ضرب الراجل المتحرش بوكسات كتير لحد لما وقع على الأرض وهو فاقد الوعي. & انتي كويسة؟ -آه، شكراً لحضرتك. وكملت في طريقها بس هو مشي وراها. وقفت في نص الشارع. -بتمشي ورايا ليه؟ & عشان أضمن إن مفيش حد تاني هيتعرضلك. -وانت ولي أمري مثلاً؟ حست بدوخة وزغللة في عينها وحطت إيدها على جبهتها. بخوف: & انتي كويسة؟ بضعف: -آه كويسة، ولو سمحت سيبني في حالي.

بمجرد ما كملت جملتها وقعت على الأرض. بس الشاب مسكها قبل لما تتخبط راسها على الأرض. وأخدها لبيته. & ها، طمنيني يا بسمة. € تقريباً فيه حاجة مش مظبوطة، يعني مثلاً عندها مرض أو حاجة، لأن باين عليها الإرهاق والتعب، وفي نفس الوقت فيه أثر لمحلول إبرة في إيدها كأنها لسه خارجة من المستشفى من كام ساعة. & يبنتي مش انتي دكتورة؟ متقولي مالها ولا دخلناكي طب على الفاضي 😂😂 بسمة ضربته على دراعه.

€ أنا غلطانة إني صاحية من النوم مخصوص عشان أكشف على واحدة معرفهاش.. هي مين دي؟ انت بدأت تخطف البنات ولا إيه؟ بضحك: & ليه شايفاني مجرم قدامك مثلاً؟ € الله أعلم، مش يمكن مجرم وأنا معرفش؟ & بت انتي روحي يلا لشقتك أحسن، بكرة أشتكيكي لخالتي. € عادي، هقولها إنك انت اللي ضايقتني. وبعدين لحظة كدا، انت عايزني أطلع لشقتي وأسيبك هنا مع البنت لوحدك في الشقة؟

& إيه يا بت الدماغ الشمال اللي عندك دي.. انتي بنت خالة مش جدعة على فكرة. بسمة قعدت على السرير. € طب أنا أهو قعدت على السرير وناوية أبَات، إيه رأيك بقى؟ & يا سلام، تباتي إيه؟ قرب منها. & مش خايفة مني؟ € وأخاف ليه يعني؟ ده انت حتى كيوت. بعد عنها وهو بيضحك. & كيوت؟ على آخر الزمن حضرة النايب كريم بقى كيوت. € ششش، يلا بقى اطلع من الأوضة عشان هنام. & هتنامي جمب البنت الغريبة؟ مش خايفة تقوم تقتلك بالليل 😂😂

€ يلا برا يلا، يبقى نام في المطبخ. & طب اديني فرصة أعترض حتى! خرجته برا الأوضة وقفلت الباب وبصت على ليل. € وانتي بقى إيه حكايتك.. وبدأت تتمعن النظر في ملامحها. € المشكلة إنك حلوة.. ونامت جنب ليل. *الصبح* ليل قامت وهي مخضوضة. -أنا فين!! كانت بسمة صاحية قبلها وبترتب الأوضة. € اغمي عليكي امبارح في الشارع، وحظك إنك كنتي قدام ابن خالتي، لو حد غيره كان زمانك دلوقتي في خبر كان. -انتي مين وابن خالة مين!

وقتها كريم دخل عليهم الأوضة. & يلا تعالو، حضرت الفطار. -انت!! & العفو العفو. -انت إزاي تجيبني بيتك؟ & طب مش تشكريني الأول حتى؟ وبعدين هعرف عنوان بيتك منين؟ شايفاه مكتوب على جبهتك مثلاً؟ مكنش حتى معاكي بطاقة. -انت كمان فتشت في حاجتي؟ & كنت بحاول أوصل لرقم أو عنوان لأهلك عشان أطمّنهم عليكي، بس حتى الموبايل قافلاه بكلمة السر. -تمام، عموماً شكراً يعني. وسابتهم وراحت ناحية باب الشقة. & طب تعالي افطري حتى!

خرجت من الشقة وقفتلت الباب وراها. € أول مرة يعني تحضر فطار فاخر زي ده؟ & مش عندنا ضيوف يا بنتي! قلت أبدع شوية 😂 € طبعاً الإبداع ده عشان هي حلوة. & النكد هيبدأ الصح؟ 😂😂😂 أكلوا وبعدها بسمة طلعت لشقتها. & أنا حتى معرفتش اسمها! ليل راحت بيتها وقفتلت الباب بالمفتاح. قررت إنها هتقضي آخر شهور ليها لوحدها، مش عايزة تشوف حد ولا عايزة تخرج الشارع. قعدت على السرير وفتحت اللاب عشان تقفل الفيس بتاعها.

بس اتفاجأت ببوست منزلاه أمنية. ' خطوبتي النهاردة يا بنات، هتشرفوني ' بصت على البوست بسخرية وقفتلت اللاب. قررت إنها هتروح الخطوبة عشان مش عايزة تبين إن أمنية انتصرت عليها وإنها هانتها وأخدت منها اللي بتحبه.. لازم تبان قوية كالعادة. لبست فستان اوف وايت ونزلت. *في الخطوبة* لما ليل دخلت المكان الكل بص عليها بذهول. كانت كأنها هي العروسة.

أول لما أمنية شافتها راحت ناحيتها ومثلت كأنها بتسلم عليها وتحضنها، بس هي عملت كده عشان تقولها حاجة في ودانها. + انتي جاية عشان تخطفي الأجواء مني صح؟!! طول عمرك كده يا ليل بتحبي كل الناس تركز عليكي.. اخرجي برا يا ليل، أنا مش عايزاكي في خطوبتي. وبعدت عنها وراحت جنب خطيبها. أما ليل فـ اتجاهلتها تماماً كأنها مسمعتش حاجة. قعدت في مكان هادي وهي ماسكة الموبايل. & إيه ده؟ انتي تاني؟ -انت بتمشي ورايا ولا إيه!!! & أنا!!

والله صدفة. -آه طبعاً صدفة إني أشوفك مرتين في نفس اليوم. & يا بنتي والله صدفة.. مازن صاحبي الانتيم أساساً بس مش بنشوف بعض كتير عشان مشغولين كل واحد في حياته. -طب إيه متروح تقف جنب صاحبك وتسبني في حالي؟ & قاعدة لوحدك ليه؟ -عادي، بحب أقعد لوحدي. & حاسس كأنك هتعيطي. -مهو بتخيل بس.. امشي لو سمحت وسيبني في حالي. & طب انتي بتعرقي جامد.. انتي كويسة؟ -آه كويسة. كانت فاتحة موبايلها بتقلب في الفيس. سحب موبايلها منها.

& متسيبي بقا من البتاع ده. -هات الموبايل بهدوء.. & ولو مجبتهوش هتعملي إيه؟ حست بغثيان وجريت ناحية الحمام. كريم انتهز الفرصة وقلب في الموبايل على أساس ممكن يلاقي حاجة تدله على اسم البنت اللي خطفت قلبه من أول مرة شافها فيها. فتح الجاليري بس كان فاضي، مفهوش أي صورة. & إيه ده؟ معقول فيه حد في الدنيا دي معندوش أي صورة في موبايله!! ضغط على خانة الصور المحذوفة فـ جاله آخر 60 صورة حذفتهم.. كلهم كانوا صور مازن. بص بذهول.

وقتها ليل خرجت من الحمام وسحبت منه الموبايل. -حد قالك قبل كده إنك غتت وبارد؟ & لا.. -إيه القط أكل لسانك ولا إيه؟ بقيت هادي. & انتي صاحبة العروسة؟ -آه، كنت صحبتها. & ودلوقتي؟ -ملكش دعوة، انت بتدخل ليه في حياة الناس. وقتها اشتغلت أغنية الرقص السلو وكل واحدة بترقص مع جوزها أو خطيبها. أمنية كانت بترقص مع مازن وهي باصة على ليل كأنها بتغيظها وبتضحك وهما بيرقصوا.

أما كريم فـ كان باصص على ليل اللي كان كل تركيزها على أمنية ومازن. بنفسه: & ليه القدر بيعمل معايا كدا.. لأول مرة في حياتي بنت تلفت نظري واكتشف إنها بتحب صاحبي الانتيم. قاطع تفكيره كلام ليل. -تيجي نرقص؟ بذهول: & نعم!! -طب خلاص شكلك مش عايز. & لا لا طبعاً عايز، بس اتفاجأت، متوقعتش يعني إنك تقولي كده. -طب خلاص اعتبرني مقلتش حاجة. & لا خلاص، الكلام اللي بيتقال مينفعش يتسحب. وفعلاً بدأوا يرقصوا. & أول مرة ترقصي مع حد صح؟

بذهول: -عرفت إزاي!! & من توترك 😂😂 خايفة موت إنك تدوسي على رجلي واحنا بنرقص. -احم احم، هو أنا مكشوفة للدرجادي؟ & لا متقلقيش، محدش هيلاحظ. -انت طبعاً مش أول مرة ترقص. & آه، دايماً بسمة بتزن عليا نرقص لما نروح أي مناسبة، فـ برقص معاها عشان أرتاح من زنها. -بتحبك على فكرة. & هي مين؟ -بسمة. & يا سلام، وعرفتي إزاي؟ -باين من عينها اللي مش بتتشال من عليكي دي، حتى كانت غيرانة مني جامد.

& لا بسمة زي أختي ومتربيين مع بعض من واحنا صغيرين، فـ أكيد بيتهيألك. -لو مش بتحبها صارحها بدل ما تفضل مستنياك على الفاضي وتهدر مشاعرها ووقتها على الفاضي. كريم قرب منها جامد لدرجة إنها حاسة بدفا نفسه على وشها. & انتي بقى بتحبي حد؟ -لأ. وزقته جامد وده لفت نظر الناس. مازن اتدخل. = إيه يا صاحبي؟ انت كنت بتضايقها ولا إيه؟ كريم اتحرج جامد. & لا أنا.. أنا.. الكل باصص على كريم اللي اتفضح قدامهم (ظهر قدامهم بمظهر المتحرش)

أما ليل خرجت من الحفلة جري. كريم راح وراها. بزعيق: & ليه أحرجتيني كده!! كان ممكن تقوليلي أبعد وأنا كنت هبعد!! لكن انتي كده خليتي منظري قدام أصحابي وزمايلي زي الزفت! هل أنا عملتلك حاجة؟!! ده انتي حتى اللي عرضتي علينا نرقص!! أنا فعلاً غلطان إني وافقت. ليل كانت باصة على الأرض. بزعيق: & ارفعي وشك وأنا بكلمك!!! رفعت وشها بس كان كله دموع. -أنا.. أنا حاسة إني مش قادرة أتنفس.. مش.. قادرة.

& طب أهدي، أهدي.. خدي معايا شهيق وبعدها زفير.. شهيق وبعدها زفير. & دلوقتي أحسن؟ -آه.. ومشيت وسابته. هو مشي وراها للمرة المليون 😂😂😂 دخلت ديسكو. كريم واقف عند الباب وهو مستغرب جداً. & البت اتجننت ولا إيه!! دخل وراها. شافها قاعدة عند البار وبتطلب من الوتر إنه يجبلها أحسن مشروب عنده. & نعم!! انتي كمان هتشربي!! بتهزري صح؟ -أنا مش قولتلك تسبني في حالي!! & يا بنتي انتي مليكيش أهل يسألوا عليكي!!!

إزاي تدخلي ديسكو في الوقت ده وكمان عايزة تشربي؟ أخدت الزجاجة من الوتر وشربت نصها مرة واحدة. & طب براحة طيب براحة!! بدأت تعيط. -بردو الألم لسه موجود.. & انتي بتتكلمي عن إيه!! -أنا موجوعة.. حاسة إني بموت.. حاسة كأن دمي ده عبارة عن نار وخدت مسكنات الصبح ومعملوش أي فايدة. & طب أهدي بس متعيطيش.. صدقيني انتي تستاهلي حد يحبك. -انت بتقول إيه؟ (هي كان قصدها إنها موجوعة بسبب ألم السرطان بس هو افتكرها موجوعة عشان مازن وكده)

-أنا عايزة أنام.. نامت على ترابيزة البار.