رواية حبي الوحيد الفصل الأول 1 - بقلم جنى

سليم الجرحي يبلغ من العمر 58 عام، طويل القامة، لديه ثلاثة أبناء. ليل الجرحي، ابن سليم الجرحي، يبلغ من العمر 27 عام، طويل القامة، عيناه خضراء، يمتلك شعر بني، وبشرة قمحاوية. سريع الغضب وحاد التعامل. مراد الجرحي، يبلغ من العمر 22 عام، عيناه خضراء، يمتلك شعر بني، لكنه لا يشبه أخاه ليل الجرحي. هو مريض نفسي منذ صغره. فريدة الجرحي، تبلغ من العمر 20 عام، عيناها خضراء، بيضاء البشرة، شعرها طويل، متوسطة القامة، في كلية ألسن.

"في فيلا الجرحي" سليم: صباح الخير. كلهم في صوت واحد: صباح النور يا بابا. سليم: اومال فين مراد؟ فريدة بحزن: كالعادة قافل على نفسه الأوضة. حاولت أدخله امبارح بس مرضاش يدخلني. سليم: محتاجين نجيب له دكتورة جديدة. ثريا (مامتهم) بزعل: هنفضل كده لحد امتى؟ كل شوية نجيب دكتورة جديدة. سليم بحزن: معرفش حقيقي. جرب تطلع له يا ليل كده، يمكن يفتح لك الباب. أنت عارف قد إيه هو بيحبك. ليل: حاضر يا بابا.

لكن فجأة سمعوا صوت صراخ كبير وتكسير. ثريا وفريدة بفزع: بسم الله الرحمن الرحيم، في إيه؟ لازم نطلع له. ليل وسليم وثريا وفريدة طلعوا جري على أوضته. ليل: افتح الباب يا مراد، افتح الباب. مراد بصريخ: مش قاااااادر، راسي بتوجعني. سليم ليحاول يظهر له الهدوء: افتح يا مراد. أنت أخذت الدوا بتاعك امبارح؟ مراد بغضب: ما أخذتهوش ومش هاخده. سيبوني لوحدي.

سليم نادى على الخادمة عشان تجيب له نسخة تانية من مفتاح أوضة مراد. وبالفعل الخادمة جابت نسخة من أوضة مراد. سليم فتح باب الأوضة ودخل هو وليل، وقال لفريدة وثريا أنهم يخليهم بره. ليل بهدوء: اهدي يا مراد، اهدي. ولسة بيقرب منهم. مراد بصريخ: ابعد عني يا ليل، اااااه، اااااه. سليم: مراد يا ابني خلينا بس نديك الدوا. مراد: ابعدوا عنييييي، مش عايز حد يقرب مني. سليم غمز لليل، وليل فهم قصده. سليم: أنت ما أخذتش دواك ليه امبارح؟

وبيقرب منه ببطء. مراد: مش هاخد حاجة قلت. وفجأة ليل ضرب مراد ضربة خفيفة وقعته على الأرض، وسليم مسك إيد مراد بإحكام، وليل عطاله الحقنة، وأغمي على مراد. وسليم وليل شالوه ونيموه على السرير. طبعًا كل ده وفريدة وثريا بيعيطوا بره. سليم وليل خرجوا من أوضة مراد. ثريا بعياط: هو عامل إيه دلوقتي؟ سليم: عطيناه الحقنة ونام. لازم نجيب له دكتورة تانية بدل اللي مشتمل. ثريا بعياط: يا عيني عليك يا ابني.

ليل: متعيطيش يا أمي، هو نايم دلوقتي. فريدة: أنا مش هروح الجامعة النهارده، هبقى أروح بكرة. سليم: وأنا مش هروح الشركة النهارده. ليل: أنا هروح يا بابا، ولو في أي حاجة هبقى أكلمك. سليم: ماشي يا ليل، خلي بالك من نفسك. ليل: حاضر يا بابا، يلا سلام. وقبل إيد مامته وراح ركب عربيته واتجه إلى الشركة. "في المستشفى" ندي خبطت على الباب. علي: ادخل. ندي: مساء الخير يا بابا. علي: مساء الخير يا حبيبتي، إيه هتروحي دلوقت؟

ندي: آه، خلصت شغلي الحمد لله. علي: طيب يا حبيبتي، خلي السواق يوصلك للبيت. ندي: إيه ده، أنت مش هتروح معايا؟ علي: لا للأسف، عندي شوية شغل هخلصه وأجي. ندي: مش لازم النهارده، ممكن تخلصه بكرة. علي بضحك: لا تؤجل عمل اليوم إلى الغد. ندي: عمري ما عملت بالنصيحة دي. علي: عشان كده دايماً عندك شغل. ندي: الحمد لله، لسة مخلصاه. علي: طيب يا حبيبتي، يلا روحي عشان متتأخريش. ندي: يلا باي يا أحلى بابا. علي بضحك: باي يا أحلى ندوش.

علي الأسيوطي يبلغ من العمر 59 عامًا، حريص جدًا على عمله ولا يحب التأخير. لديه ابنة واحدة وهي ندي، ولديه مستشفى للأمراض النفسية. ندي الأسيوطي تبلغ من العمر 25 عامًا، متوسطة القامة، عيناها سوداء، وشعرها أسود مثل سواد الليل وطويل لدرجة أنهم يلقبونها بروبانزل، وبيضاء البشرة وجميلة جدًا. دكتورة وبتعمل في مستشفى باباها. "في الشركة" ليل كان قاعد ماسك ملفات وبيفكر في أخوه مراد. الباب بيخبط. ليل: اتفضل. مازن: ليل عامل إيه؟

ليك وحشة يا جدع. ليل: يابني أنا لسة شايلك امبارح. مازن بضحك: وحشتني إيه، حرام توحشني. بس في إيه، مالك وشك تحسّه تعبان. ليل بضحكة باهتة: ما فيش. إيه جاي متأخر يعني؟ مازن: متأخر دقيقة ونص، عديها يا ليل. ليل بضحك: مخصوم من مرتبك 2000 جنيه. مازن بضحك: هو أنا مرتبى فيه كام 2000 جنيه؟ ليل: المهم نسيب الهزار ونركز في الشغل. انهاردة مش هتطلع مكتبك وهتشتغل معايا هنا. مازن: ماشي. وبدأوا في الشغل. "في الفيلا عند ندي"

ندي وصلت الفيلا ودخلت. نادية: عاملة إيه يا ندوش؟ ندي: الحمد لله يا ماما. بابا هيتأخر شوية عشان عنده شغل. نادية: طيب يا حبيبتي، مش جعانة؟ اخلي هنادي تحط الغدا. ندي: لا لا مش جعانة دلوقتي، هستنى بابا. نادية: طيب يا حبيبتي، براحتك. ندي: أنا هطلع أوضتي. نادية: ماشي يا ندي. وطلعت ندي غرفتها. "في فيلا الجرحي" سليم: أنا هطلع لمراد أشوفه. ثريا: وأنا كمان طالعة معاك.

سليم وثريا طلعوا لأوضة مراد وخبطوا عليه، ومراد أذن لهم بالدخول. سليم: عامل إيه يا مراد؟ مراد وهو ماسك راسه بتعب: الحمد لله. بس إيه اللي حصل؟ ثريا: يا مراد يا ابني لازم تاخد دواك. سليم: أيوه فعلاً يا مراد، لازم تاخد دواك. مراد بمجاملة: حاضر يا بابا. آه صحيح، فين فريدة؟ ثريا: في أوضتها بتذاكر. مراد بخبث: لتكون زعلانة مني ومش عايزة تقعد معايا؟ ثريا بتلقائية: بالعكس، أنت مشوفتهاش النهارده وهي بتعيط عليك.

مراد بعدم فهم: بتعيط عليا؟! بتعيط عليا ليه؟! سليم بسرعة: لا لا، قصدها يعني أنها كانت زعلانة عشان منزلتش فطرت معانا. مراد: آه فهمت. سليم بص لثريا أنها وقعت في غلط، وثريا زعلت أنها قالت كده. سليم: يلا دلوقتي وقت علاجك. خد. مراد أخذ الدوا. ثريا: تصبح على خير يا حبيبي. مراد: وأنتِ من أهل الخير يا ماما. سليم: تصبح على خير يا مراد. مراد: وأنت من أهل الخير يا بابا. وقفوا الباب وخرجوا. مراد: يتبع.