رواية حبي الوحيد الفصل الثاني 2 - بقلم جنى

ثريا: تصبح على خير يا مراد. مراد: وانتي من اهل الخير يا ماما. سليم: تصبح على خير يا مراد. مراد: وانت من اهل الخير يا بابا. وقفلوا الباب وخرجوا. مراد بضحك: مفكرين من كل عقلهم أن أنا ممكن آخد الدوا ده؟ مستحيل. ورما الدوا في باسكت القمامة. *** في الشركة عند ليل. ليل: كده نكون خلصنا الشغل. مازن: الحمد لله. أنا هروح، عايز حاجة؟ ليل: وأنا كمان رايح. استنى ألم حاجتي وأقفل المكتب ونروح مع بعض. مازن: ماشي.

ونزلوا مع بعض، وكل واحد ركب عربيته واتجه كل واحد على بيته. *** في فيلا الأسيطي. علي وصل البيت. ندي: بابا، أخيرًا جيت. أنا مستنياك من بدري. نادية: أيوه يا علي، أنت اتأخرت. علي: معلش، كان عندي شغل كتير بس الحمد لله خلصته. نادية: طيب يا حبيبي، هخلي هنادي تحط العشاء. وهنادي حطت العشا وبدأوا في الأكل. علي: عملتي إيه يا ندي في الحالة بتاعتك؟

ندي: الصراحة يا بابا، أنا أول مرة أشوف حالة كده. يبان إن هو هادي وكيوت وفجأة يتعصب وتجيله حالة عصبية فظيعة. معندوش ثقة في نفسه خالص، ودايمًا بيشرب ميه ويهز رجله. علي بضحك: على فكرة الحالة سهلة. اقعدي ريحي كده واشتغلي عليها، وإن شاء الله توصلي لحل. أنا عارف إنك تقدري توصلي لحل. ندي بخبث: يعني حضرتك عارف التشخيص والعلاج ومش عايز تقولي؟ علي: أه عارف، بس عايز أشوف خبرتك وأعرف مدى إصرارك. وبعدين...

وكمل بضحك: وبعدين أنا مالي، هي حالتي ولا حالتك؟ ندي بإبتسامة: امممم، كده يا بابا. طيب أنا هثبت لك إنّي أقدر أحل الحالة دي وهوصّل لحل. وقامت من على العشا وطلعت جري على أوضتها. نادية: يا ندي، ندي تعالي كملي باقي العشا. ندي من فوق: لا لا، مش هنام ولا هيجيلي نوم غير لما أخلص الحالة دي. علي: سيبيها يا نادية. ونادية وعلي فضلوا يتكلموا، وبعد كده طلعوا ناموا. *** في فيلا الجرحي. ليل وصل البيت. سليم بضحك: إزيك يا ليل؟

شايف الشركة منورة. ليل: طبعًا، مش أنا اللي اشتغلت فيها. على فكرة صفقة اليونان خلصتها وخلاص بقت في إيدينا و... سليم بمقاطعة: ومحتاجين توقيعي على الورق وتوقيع حسابات الشركة. ليل بصدمة: إيه ده؟ حضرتك عرفت منين؟ سليم بضحك: يابني، أنا معاك في الشركة على التليفون. وكمان النهاردة اشتغلت مع مازن. ليل بصدمة أكتر: وكمان عرفت إني اشتغلت مع مازن؟ بس حضرتك عرفت إزاي؟ سليم: أيوه عرفت من السكرتيرة.

ليل بضحكة: ده حضرتك كان ناقص تعرف إحنا كلنا إيه. سليم: طب ما أنا عارف سندوتشات شاورما. ليل: إزززززاي ده رقية (السكرتيرة) دي ميتُبلش في بقها فولة. سليم: المهم، إحنا كنا عايزين نجيب دكتورة لمراد. ليل بحزن: طب ما نوديه المستشفى وهما يهتموا بيه بدل ما كل شوية نجيب دكتورة. سليم: نوديه أحسن وأكبر المستشفيات من بكرة. ليل: هنوديه بكرة، بس بشرط محدش يقوله، لأن لو عرف مستحيل ييجي معانا. سليم: ماشي، يارب تكون سبب في شفاؤه.

ليل: يارب. ثريا: يلا تعالي يا ليل يا حبيبي عشان نتعشى. ليل: يلا، أومال فين مراد وفريدة؟ ثريا: مراد نام. وكملت بضحك: وفريدة عندها محاضرات متراكمة. ليل: مفيش مرة أشوفها مش مراكمة المواد كده. ثريا بإبتسامة: عشان كده قاعدة من الصبح بتذاكر. ليل: أنا هطلع آخد شاور وأغير هدومي وأنزل نتعشى. ثريا: وأنا هخلي سماح (الخادمة) تحضر العشا. ليل: ماشي.

وطلع لغرفته، خد شاور وغير هدومه ونزل. وفريدة نزلت، ومراد مش بيحب ياكل قبل ما ينام. وبدأوا يتعشوا وخلصوا، وكل واحد طلع على أوضته. *** في صباح فيلا الجرحي. على طاولة الفطار. ليل: إيه رأيك نروح المول نجيب شوية حاجات يا مراد؟ مراد: موافق. سليم: كنت عايز أجي معاك، بس النهاردة هروح الشركة. ليل: لا يا بابا، أنت روح الشركة وأنا هروح المول مع مراد. وغمز له. نادية: أنا هروح معاهم عشان عايزة أجيب حاجات بردوا. سليم: ماشي.

فريدة: وأنا مين يوصلني الجامعة؟ ليل: لو كنتي صبرتي وكملتي كلامي للآخر كنتي سمعتي وأنا بقول وهوصل فريدة للجامعة. فريدة: طول عمري بقول إن ليل حبيب قلبي. مراد: ليل بس، وأنا ابن الجيران. فريدة: أنت بقا قلبي. ثريا بضحك: كفاية خناق بقا وركزوا في الأكل عشان متتأخروش. سليم بحزن في سره: أنا آسف يا مراد على اللي هعمله، بس ده اللي لازم يحصل. خلصوا الفطار وقاموا من على الطاولة. ليل: يلا يا فريدة عشان أوصلك، ويلا يا مراد.

وراحوا كلهم ركبوا العربية. نادية وفريدة ومراد وليل ركبوا العربية، وسليم ركب عربيته الخاصة واتجه إلى الشركة. *** في المستشفى. ندي خبطت على باب مكتب باباها. علي: ادخل. ندي: مش أنا قلت إني مش هنام غير لما ألاقي حل للحالة. علي: أه. لاقيت حل؟ ندي: أه لاقيت. وبدأت تشرحله الحالة. علي بإبتسامة: أنا فخور بيكي بجد، وكنت عارف إنك هتلاقي حل. ندي بضحكة: ده أنا الملكة. علي: طيب يا ملكة، روحي على شغلك.

ندي قبلت راس باباها وراحت على شغلها. *** عند ليل وصل المستشفى. ليل: انزل. مراد شاف المستشفى وفهم قصدهم. مراد بعصبية: إحنا ما اتفقناش على كده. ليل: انززززززل يا مراد، مش هكرر كلامي تاني. ثريا: اهدي يا ليل، وأنت يا مراد انزل. مراد: أنا كويس وبآخد العلاج ومش محتاج مستشفيات. ليل بسخرية: أنت فعلاً لو كنت بتاخد الدوا ما كانش جاتلك نوبة امبارح. مراد: ماشي يا ليل، هدخل المستشفى.

مراد في سره: ماشي يا ليل، أنا هخلي اللي يعالجني يندم. ليل دخل المستشفى، ومراد كتب كل حاجة عنه في السيڤي. وكانت الدكتورة ندي. ندي: اتفضل. ودخل مراد. طبعًا ليل وثريا برا في العربية لأن ممنوع أي حد يدخل مع المريض. مراد بقرف: نعم، عايزين إيه؟ ندي: اتشرفت بحضرتك يا أستاذ مراد. مراد بصدمة: عرفتي اسمي منين؟ ندي: من السيڤي، أومال إنت كنت بتكتب إيه برا مسابقة أوائل الطلبة؟ مراد: امممم، وإنتي اللي هتعالجيني؟

ندي: أه. قلي بقا، هل بتخاف من الأصوات العليا و... مراد: إنتي هتحققي معايا؟ وقامت عشان تجيب ورق. راح مراد مسكها من شعرها وخنقـ"ها من رقبتها. مراد: طبعًا إنتي مفكراني هجاوبك وكده. وفضل يضغط على رقبتها. وندي ضغطت على حد معين من رقبته وأغمي عليه. ندي: اااااااااااااااااع. وطلعت برا الأوضة. السكرتيرة: دكتورة ندي، في حاجة؟ ندي بتعب: رني على بابا وعرفي عيلته. وفعلًا السكرتيرة رنت على باباها وعرف**ت ليل وثريا.

علي: ندي، ندي، إنتي كويسة؟ ندي: أه كويسة يا بابا. ليل: حقيقي مش عارف أقول إيه، إحنا آسفين. ندي: ده طبيعي، لأنه أول مرة يشوفني ويتعامل معايا. علي: طبيعي إزاي يا ملك؟ في حد يعمل كده؟ إحنا عمرنا ما لقينا شخصية كده. أه بيبقوا متوترين، لكن محدش رفع إيده عليكي. ندي: ده غيرهم، أكيد جاي غصب عنه، وده رد فعل طبيعي لأي مريض نفسي. ثريا: بعتذر جدًا ليكي يا بنتي.

ندي: عادي عادي، أول مقابلة بتبقى كده. إن شاء الله المقابلة الجاية تكون كويسة. علي: تبقي كدا إزاي يا ندي؟ إنتي كنتي هتـ"موتي. وبعدين هو لسه في مقابلة تانية؟ ندي: أه في مقابلة تانية. يمكن لما يتعرف عليا ونعرف بعض يرتاح معايا ويكمل علاجه. ليل: أنا مش عارف أتأسف لحضرتك إزاي. علي مستغرب تصرفات ندي وأنها موافقة إنها تكمل في الحالة دي. مراد فاق ومتجه إلى ندي. علي: نددددددددي. ليل: خلي بااااااااالك.