رواية حبي الوحيد الفصل الحادي عشر 11 - بقلم جنى

ليل بصدمة: يعني هو عايز يتجوزها وهي مش موافقة. افتكر كلام مراد: طلعت زيهم... طلعت زيهم. ليل: أنا كدا عرفت السبب. هو أكيد مهددها عشان متتجوزش مراد. ومراد فاكر إنها فعلاً مش عايزة تتجوزه عشان مرضه. راح وركب عربيته واتجه إلى فيلا الجرحي. *** في فيلا الجرحي، تحديدًا في غرفة مراد. مراد بدموع: ليه كدا يا ندي؟ انتي تعملي كدا؟

انتي عارفة إننا مقعدناش فترة مع بعض، بس حقيقي اتعلقت بيكي وصدقتك وصدقت إني هتعالج وأتجوزك وأعيش معاكي. ورسمت حياة وردي خالص، بس اكتشفت إني غلطان وإني مبعرفش أرسم. الباب خبط. مراد: ادخل. فريدة: إزيك يا مراد؟ مراد: الحمدلله. إيه اللي في إيدك دا؟ فريدة: دة آيس كوفي. عملت لنفسي فقلت مراد بيحبه، قلت أعملك. ضربته في كتفه ضربة بسيطة وقالت بضحك: عد الجمايل. مراد بضحك: خلاص بقى يا فريدة، انتي هتذليني.

فريدة بضحك: لا مش بذلّك، بس عايزة أقولك إنكم متعرفوش تعيشوا من غيري. مراد بضحك عالي: يابنتي انتي مش بتعملي حاجة في حياتك غير إنك بتأكلي وتذاكري وتنامي بس. فريدة: يابني دة كفاية إن أي حد لما بيحتاج يترجم كلمة بينادي عليا. مراد بضحك: حبيبتي مش لوحدك اللي بتفهمي إنجليزي. فريدة: بقا كدا، انتوا غيرانين مني عشان شاطرة في الإنجليزي صح؟ مراد فضل يضحك وفريدة اتبسطت عشان طلعته من المود وبدأ يضحك. مراد: انتي حاطة تلج كتير.

فريدة: أيوة عشان الجو حر. وشوية والتلج هيسيح. مراد بمشاكسة: وسكره كتير. فريدة بضيق: خلاص يا مراد، قوم اعمله انت. أنا غلطانة إني عملتلك. مراد بضحك: خلاص خلاص، متبقيش قفوشة كدا. بهزر. فريدة: أيوة، أنا اتلخبطت. هو حلو ولا وحش؟ مراد: حلو طبعًا. انتي مش بتعملي حاجة وحشة. فريدة: أخوياااااااا. وفجأة ليل دخل بقوة وهو بينهج. مراد: في إيه يا ليل؟ مش تخبط. فريدة: بسم الله الرحمن الرحيم. في إيه يا ليل؟

ليل وهو بياخد نفسه: مـ مراد، في حاجة مهـ مهمة لازم تعـرفه. مراد: طيب خد نفسك كدا واهدي. ليل قعد شوية وشرب ميه واتكلم. ليل: مراد، إحنا طلعنا ظالمين ندي. مراد بعصبية: يوووه، متجبليش سيرتها تاني. انت بكرة... ليل: ششش، طب اسمعني الأول عشان متقولش حاجات تندم عليها بعدين. مراد بزعيق: أندم على إيه؟ دي قالتلي في وشي إنها مش عايزة تتجوزني. وقالتلي إنها مستحيل تتجوز مريض نفسي. كل دا ولسة بتدافع ليه؟

ليل بعصبية: مراد، اسمعنييييي الأول. فريدة: بس يا جماعة، اهدوا كدا. وانت يا مراد، اقعد واسمع ليل عايز يقولنا إيه. وكملت لـ ليل: وانت انطق. ليل: أنا رحت النهاردة المستشفى عشان أعرف انت اتخانقت مع ندي ليه؟ مراد برفعة حاجب: وكمان مش واثقين فيا وبتدوروا ورايا؟ فريدة: اسكت بقااا. وكمل باقي الكلام.

ليل بنفاذ صبر: أووف. وخبطت في واحد تقريبًا كدا دكتور في المستشفى ودخل لمكتب ندي. أنا كنت لسة هدخل، لآقيته قفل في وشي الباب. المهم، سمعته وهو بيهددها وطلع تليفونه وسمعه التسجيل. مراد بوجع: يعني هي عملت دة عشاني؟ ليل: أيوة. عرفت بقاا. بس في حاجة مش واضحة. إيه السبب القوي اللي يخليها تسيبك؟ أكيد هددها بحاجة قوية. مراد بعصبية: دة أنا هشرب من دمه. ليل: استنى هنا، رايح فين؟ متبقاش متسرع. مراد: إزاي يعني يهددها؟

ليل: ما انت مكنتش طايقها. مراد: حط نفسك مكاااني، لما تلاقي حد بيقولك كدا هتعمل إيه؟ لا أنا ولا هي غلطانين. رامي الزبالة هو السبب. ليل: أديك عرفت إنها ملهاش ذنب في اللي قالته، وإنها كانت مضطرة إنها تعمل كدا. مراد: طيب، وإيه العمل؟ هنسيبه لحد ما يتجوزها؟ ليل: كلمها، خليها تقابلك في مكان من ورا رامي طبعًا وهتنفذوا الخطة دي. مراد: لا لا يا ليل، أنا مقدرش أخاطر بحاجة زي كدا. افرض اتأخرنا هنعمل إيه ساعتها؟

ليل بنفخ: يابني فكّر بإيجابية أكتر من كدا. مش كل حاجة متردد منها كدا. مراد: أنا مقدرش أخاطر بحاجة زي كدا. فريدة: يا مراد، أنا شايفة إنها خطة كويسة، وإن شاء الله مش هنتأخر. مراد: يعني انتوا رأيكوا كدا؟ فريدة: دة عين العقل كمان. مراد: أنا موافق. ليل: ومن ضمن الخطة إنك تروح الجلسات. مراد: لا طبعًا. افرض رامي أخد باله من الخطة.

ليل: ما انت تعمل نفسك مخنوق ومش طايقها. وهو أكيد مركب كاميرات عشان يراقبها. تخلص جلستك وتمشي، وهي تكمل باقي المسلسل. وانت في التمثيل ملكش حل. مراد: إن شاء الله الخطة دي تنجح. بس لازم أشوفها في أسرع وقت. وأعرف معاد الفرح كمان. ليل: كويس. *** في الشركة. سليم: رقية، خلي مازن يجيب ورق حسابات الشركة. رقية: تحت أمرك يا مستر سليم. مازن: إزيك يا عمي. سليم: إزيك يا مازن. مازن: اتفضل الورق.

سليم: ماشي يا مازن. يلا روح على شغلك. *** في فيلا الأسيوطي ليلاً. طبعًا علي خد معاد مع رامي وعرّف نادية. نادية وهي بتخبط على الباب: ندي، انتي جوا؟ ندي: أيوة يا ماما، بس دقيقة بس بعمل حاجة. نادية بضحك: طيب البسي وانزلي يلا. ندي: حاضر. ياربي ساعدني. أنا مش عارفة إزاي هقدر أتجوز الشخص دة.

ولبست دريس أوف وايت نص كم ومنفوش من عند الكمام من فوق وكعب أبيض. ورفعت شعرها ديل حصان لفوق ومسحت دموعها وحطت ميكب خفيف ولبست أكسسوري سيمبل. ونزلت. نادية: أوووه، دة انتي مبسوطة بقا ومجهزة كل حاجة. ندي بضحكة بهتانة: أكيد. علي بضحك: دة حب سري دة. ندي في سرها: آه لو تعرفوا اللي جوايا، وتعرفوا هددني إزاي عشان أتجوزه. الباب خبط. وهنادي فتحت الباب ودخل رامي.

رامي دخل وقبّل إيد علي وسلّم على نادية. ونظر لـ ندي نظرة انتصار. وراح قعد جنبها. ندي في سرها: باااارد وعامل فيها ابن ناس. ولو يعرفوا بيعمل إيه من وراهم. رامي: بص يا عني، هدخل في الموضوع على طول. أنا طالب إيد الآنسة ندي. الفيلا جاهزة وكل حاجة جاهزة. فاضل موافقة حضرتك بس. علي: وأنا لو لفيت الدنيا مش هلاقي غيرك اللي يصون بنتي.

ندي كان هتموت وتصوت وتقول مش موافقة وتقولهم على اللي عمله، بس احتارت السكوت لأنها عارفة شر رامي. رامي: يعني نقرأ الفاتحة. علي: طبعًا نقرأ الفاتحة. ندي بهمس في ودان رامي: ويا ترى حافظ الفاتحة ولا لا؟ رامي: إيه السؤال الغريب دة؟ أكيد حافظه. ندي: أصل اللي زيك ميعرفوش ولا الفاتحة ولا ربنا. رامي: ندي، متختبريش صبري. علي: احم احم، ينفع نقرأ الفاتحة. نادية: سيبهم يا علي، كنا بنعمل كدا فاكر. ندي: يلا، بسم الله الرحمن الرحيم.

وبدأوا يقرأوا الفاتحة. رامي وهي بينظر لـ ندي: والفرح بعد أربع أيام. ندي بصدمة: أربع أيام؟ علي: يا رامي، مش شايف إن كدا بدري أوي؟ رامي: ولا بدري ولا حاجة. إحنا بقالنا تلت سنين بنشتغل مع بعض وبنحب بعض. أظن مش محتاجين وقت كمان عشان نتعرف على بعض. نادية: بس بردوا بدري. طيب خليها أسبوع أو شهر حتى. هنلحق نجهز تجهيزات الفرح إمتى؟ رامي: كل حاجة جاهزة. وإذا كان على الفرح مش هنعمله في قاعة. لأن عارف إن ندوش مش بتحب الدوشة.

ندي الكلمة غاظتها وبصتله بغيظ. وهو ابتسم ليها. علي: ندي، انتي موافقة على إن الفرح يبقى كمان أربع أيام؟ ندي وهي بتبص على عيون رامي اللي بيقولها: أيوة. ندي: طبعًا موافقة. علي: خلاص، واحنا كمان موافقين. صح يا نادية؟ نادية: طبعًا موافقين. خير البر عاجله. رامي: هو دة الكلام. يبقى على بركة الله. الفرح كمان أربع أيام.

وقعدوا شوية، وبعد كدا رامي سلّم على نادية وعلي وندي. ومشوا. وندي طلعت على أوضتها، وعلي ونادية طلعوا على أوضتهم. *** في غرفة ندي. ندي بصدمة: إيه دة؟ مراد رن عليا 22 مرة. أكيد مش بالغلط. يا ترى عايز إيه؟ التليفون رن. ندي: أهدي يا ندي. اتعاملي عادي. وبحدة: واحد اتنين تلاتة. الو. مراد: أنا عايز أقابلك. ندي: تقابلني ليه؟ وبصفتك إيه؟ لو سمحت متكـ...

مراد بمقاطعة: ششش. مش عايز كلام كتير. هتقابليني في ****** الساعة 8 من غير ما رامي يعرف. ندي: أنا قلت مش هقابل حد. مراد: مش هعيد كلامي. هتقابليني في ***** الساعة 8. ندي: أنا قلت... الخط قفل. ندي: وبتقفل في وشي الخط. ماشي. إيه دة بس؟ هو عايزني ليه؟ وإيه اللي غيره كدا؟ افرض رامي شافني، أكيد مراقبني. أعمل إيه؟ ندي: بس بقا، أنا تعبت من التفكير. نامي، وبكرة ربنا يحلها من عنده. ونامت. *** في فيلا الجرحي.

ليل: بابا، أنا كنت عايز أقول لحضرتك حاجة. سليم: عملت إيه صح لما رحت المستشفى؟ ليل قاله كل حاجة، حتى الخطة. سليم بصدمة: كل دة حصل؟ ليل: أيوة، كل دة حصل. الحل الوحيد إننا ننفذ الخطة دي. سليم: افرض جات لمراد نوبة أو أي حاجة حصلت، أو اتأخرنا، أو العربية عطلت. ليل: ياربي، انتوا عيلة سلبية. فكّروا بإيجابية شوية. إن شاء الله ربنا هيقف معانا طول ما إحنا على حق. سليم: أنا ماقلتش حاجة، بس كل شئ ممكن.

ليل: كل شئ ممكن، بس مش معني كدا إننا نفكر على طول إن في حاجة وحشة هتحصل. سليم: أنا موافق، بس مسألة جوازهم لازم أفكر فيها. ليل: دي دكتورة مراد. تفكر في إيه؟ وانت شايف قد إيه مراد بيحبها وهي بتحبه، وإنه اتحسن جامد معاها. سليم: بردوا مش عايز التسرع. دي مسألة جواز. ليل: دي معاك حق فيها. بالنسبة للخطة، حضرتك موافق؟ سليم: موافق. ليل: أيوة كدا. وقام حضنه. *** في الصباح. ندي صحيت، خدت شاور ولبست هدومها ونزلت بسرعة.

نادية: رايحة فين يا ندي؟ ندي بتوتر: اه اه، هروح أجيب شوية حاجات ناقصة. نادية: هاجي معاكي أكيد. مش هتروحي لوحدك. ندي: لا لا، متتعبيش نفسك. أنا أصلًا مش هتأخر. نادية: إزاي بس؟ في عروسة تروح تعمل مشاوير؟ ندي: فيها إيه يعني؟ وبعدين دة مش مشاوير، دة مشوار صغير هروحه ومش هتأخر. نادية: ماشي، بس متتأخريش. وراحت ركبت العربية واتجهت إلى المكان اللي مراد قال عليه. *** في فيلا الجرحي.

مراد صحي، وخد شاور ولبس تيشرت أسود وبنطلون أسود وكوتشي أبيض. وسرح شعره ونزل وراح مع الحراسة. *** في المكان اللي اتفقوا إنه يروحوا فيه. ندي ومراد وصلوا. ندي حاولت تظهر ملامح حدة، بس عيونه الخضراء كانت بتسحرها. وكانت بتظهر ابتسامة سريعة، بس بتحاول إنها تخفيها. ندي: ممكن أعرف انت جايبني هنا ليه؟ مراد: ندي، بطلي الحركات دي. لآني عرفت الموضوع. ندي بتوتر: أه، مو موضوع إيه؟ مراد سمعها التسجيل وقالها: ممكن أعرف إيه دة؟

ليه عملتي كدا؟ ندي: ................ مراد بزعيق: نددددددددي، أنا بكلمك. ردي علي. ندي بدموع: كفاااية بقاا. كلكوا بتضغطوا عليا. من جهة رامي، ومن جهة تانية انت. مراد: ندي حبيبتي، صدقيني لو قلتيلي إيه اللي حصل، هساعدك. ومستحيل أخليكي تتجوزي رامي. انتي ليا أنا وبس. ندي بتوتر: مافيش. أنا همشي. مراد: ندي، مافيش مرواح. قوليلي إيه اللي حصل. ندي، ثقي فيا، أنا مستحيل أخليكي تتجوزي رامي. قولي ليه عملتي كدا؟

ندي في خطة هنعملوها، إن شاء الله تنجح. لو نجحت هتجوزك وهنسجن رامي. ندي بدموع: رامي هددني إن لو متجوزتهوش، هيوقع أسهم كل شركات الجرحي. وكمان هيشتري المستشفى بتاعتنا بالغصب. وهيقتل أو يقتل حد عزيز علينا. وفي الآخر هيتجوزني. كدا كدا هيتجوزني، يبقى أخاطر بحياتكوا ليه؟ مراد كلامها وجعه وحس بالذنب لما فكر إنها مش عايزة تتجوزه. مراد بحنية: وانتي كنتي مفكرة إن هسيبه يعمل كدا؟ ندي بعياط: مراد، انت متعرفش شر رامي.

مراد: مهما إن كان مين، محدش يقدر يبعدك عني. ندي: بس أنا خايفة عليك وعلى عيلتي وعيلتك. مش عايزة أخاطر بيكوا. مقدرش أشوفك في يوم. وفضلت تعيط. مراد وهو بيمسح دموعها: حبيبتي، انتي ليا أنا وبس. ندي بسرعة: إيه هي الخطة؟ مراد بفرحة: انتي موافقة إنك تعملي الخطة؟ ندي: أيوة. لو في أمل 1% إني متجوزش رامي، هغامر. أنا موافقة. مراد: قال إيه، يبقى تعملي اللي هقولك عليه. ***

ليل وهو راكب العربية ومتجه إلى الشركة، بس كان بيفكر في مراد ويا ترى هيعمل إيه. وفجأة خبط في عربية قدامه. ليل بصدمة: يتبع.