رواية حبي الوحيد الفصل السابع والعشرون 27 - بقلم جنى

"في المستشفي" الدكتور وهو بيعمل السونار: الرؤية من هنا أوضح. ندي بفضول: ولد ولا بنت؟ الدكتور: ولد حضرتك حامل في ولد. مراد بص لندي وضحك ضحكة بسيطة وكان فرحان جداً، كذلك ندي اللي كانت هتطير من الفرحة. مراد بفرحة: يعني حامل في ولد؟ الدكتور: أيوة والله أهو حامل في ولد أهو. مراد مسك إيد ندي، وندي كانت فرحانة. الدكتور سمعهم صوت ضربات قلبه. ندي بدموع وفرحة: ممكن نسمع صوته أكتر.

الدكتور بإبتسامة: طبعاً تقدروا تسمعوا صوته أكتر. مراد وندي كانوا بيسمعوا صوت ضربات قلبه وهما مبسوطين وفرحانين. الدكتور بإبتسامة: صحة البيبي كويسة جداً وقلبه كويس، أهم حاجة تلتزم على الدوا. أشوفها المرة الجاية. ندي: إن شاء الله. مراد وندي ركبوا العربية واتجهوا إلى فيلا الجرحي، وليس مراد الجرحي.

مراد وهو بيقبل إيدها: أحلى خبر سمعته في حياتي إني خفيت تماماً من مرضي، وبعديها خبر حملك، وإنهاردة خبر إنك حامل في ولد. أنا مش فرحان عشان إنتي حامل في ولد، أنا فرحان إن في حتة مني جواكي. ندي بحب: وأنا أحلى خبر سمعته في حياتي إننا بقينا متجوزين وأنا حامل. مراد وهو بيحرك الدريكسيون: من ساعة ما دخلتي حياتي وأنا حياتي إتغيرت 360 درجة. ندي وهي ساندة على كتفه الأيمن: إحنا الاتنين غيرنا حياة بعض.

مراد وهو بيقبل رأسها: ربنا يخليكي ليا يا ندي. ندي بحب: ويخليك ليا يا مراد. "في فيلا الجرحي" كانوا وصلوا مراد وندي ونزلوا ودخلوا الفيلا، وسميحة فتحتلهم باب الفيلا. سليم بفرحة: مراد إزيك. وسلّم عليه، وبعدين سلّم على ندي وقال: إزيك يا ندي الحلو اللي بطنه كبرت أهو. وضحك. وبعدين مراد سلّم على بابا. مراد بهمس وغيرة: مش قلتلك يا ندي مليون مرة تلبسي واسع؟ أهي بابا شاف بطنك، ينفع كده؟

ندي بهمس: مراد أنا طول عمري بلبس واسع، وانهاردة لابسة واسع برضه. بطني هي اللي كبرت، وبعدين ألبس إيه تاني؟ ألبس شوال ما هو واسع. ثريا بضحك: مالكوا بتتهامسوا على إيه؟ ندي بإبتسامة: مافيش والله، لسة جايين من عند الدكتور وعرفنا نوع المولود. غزل: بجددد؟ طيب والنبي يا ندي قولي نوعه إيه. مراد بضحك: في إيه يا غزل؟ هنقول والله مش سر هو. فريدة: يارب تكون بنت وسموها فريدة على اسمي. وكلهم فضلوا يضحكوا جامد.

ندي بإبتسامة: واحد اتنين تلاتة. مراد وندي في صوت واحد: ولد. وكلهم فضلوا يضحكوا، وفؤيدة قامت تتنطط، وغزل كانت عايزة تقوم تتنطط معاها بس حست بتعب في بطنها فمقامتش. فريدة بفرحة وهي بتبوس ندي من خدها: ندوش حبيبتي، بس كان نفسي في بنت. مراد بضحك: متزعليش يا فريدة، المرة الجاية بقى نبقى نجيبلك بنت. ندي بضحك: لااااا كفاية واحد بس، عادي يا فريدة، غزل تبقى تجيبلك. غزل بإبتسامة: حاضر يا فري، هنشوف الموضوع ده بعدين.

ليل بإبتسامة: يتربى في عزكم يا مراد. مراد بجدية: طيب عايزين نختار اسم ولد. فريدة: في مسلسل تركي البطل اسمه فريد، إيه رأيكم في الاسم ده؟ (مسلسل طائر الرفراف مصر وتركيا والعالم كله أكيد عارفه😂😂) ليل بضحك: بلااااش تركي، غزل طول ما هي قاعدة بتتفرج على تركي مش هتبقى إنتي وهي، كفاية تركي. هو اسم حلو بس في أحلى. ندي بتفكير: نوح، إيه رأيكم في الاسم ده؟ مراد: حلو أوي، اسم حلو وفي نفس الوقت ديني.

ليل: على اسم سيدنا نوح عليه السلام. كلهم في صوت واحد: عليه السلام. غزل بإبتسامة: اسم حلو أوي. ندي بإبتسامة: خلاص يبقى نسميه نوح. مراد وهو ماسك إيد ندي: نوح مراد الجرحي. فريدة بلهجة المسلسلات التركية المدبلجة: أديشه جميل. ثريا: أحلى اسم سمعته، حلو أوي. ربنا يتمملك على خير يا ندي. ندي: يارب يا ماما يارب. سليم بجدية: مراد عايز كل الورق بخصوص الصفقة الجديدة.

مراد بجدية: ماشي يا بابا، كدا كدا أنا مجهزه عشان عارف حضرتك هتطلبه مني. سليم بإبتسامة: طيب كويس إنك مجهزه، بكرة تبقي تديهولي. مراد بإبتسامة: حاضر يا بابا. ثريا: في هنا عصير مانجا، طبعاً ندي وغزل وكلنا بنحبه عصير المانجا، فـعشان كده هخلي سميحة تقوم تحطه. وسميحة جابت العصير وحطته على الترابيزة، وثريا عطت للكل عصير. ندي وهي بتشربه: تحفة العصير تحفة.

ثريا: أنا اللي عاملاه بإيدي، إنتوا عارفين إن العصاير أنا بحب أعملها بإيدي. مراد: العصير حلو أوي. كلهم كانوا بيشربوا عصير إلا غزل وثريا، وكلهم لاحظوا كده. ثريا: غزل حبيبتي ما تشربي العصير، هو مش عاجبك ولا إيه؟ غزل بإبتسامة: لا والله طعمه حلو، بس أنا مش عايزة أشرب. ليل: غريبة يعني، إنتي طول عمرك بتحبي المانجا سواء كانت عصير أو أكل، ما تشربي يا غزل. غزل بضيق: مش عايزة أشرب يا ليل. ثريا: خلاص يا ليل سيبها على راحتها.

ليل سابها وهو مستغرب، وغزل كانت قاعدة متدايقة بسبب وجع بطنها على عكس شخصيتها اللي دايماً بتضحك وتهزر، وكلهم لاحظوا كده. ليل بهمس: غزل في إيه مالك؟ وشك مصفر وساكتة طول الوقت، في حاجة ولا إيه؟ غزل بتعب: مافيش، بس بطني وجعاني شوية، حاسة إني عايزة أرجع ودماغي وجعاني من امبارح وأنا كده، قلت ده وجع بسيط وهيروح، بس لسه موجود، بالعكس ده بيزيد. ليل: ودة إيه علاقته بالعصير؟

غزل: مش عارفة بقا، أنا مش عايزة أشرب العصير ده، قرفـ"ـانة منه ومش عايزة آكل أي حاجة ولا طايقة ريحته حتى. ليل بضحك: ده إنتي غريبة أوي، في حد مابيحبش ريحة المانجا؟ ده المفروض يعملوا شامبو بالمانجا من جمال ريحتها. "عند مراد وندي" ندي بهمس: مراد، هي غزل مالها؟ شكلها متغير من ساعة ما جينا. مراد: والله ما أعرف، شكلها كده تعبانة، والله أعلم. المهم... ندي بهمس: نوح مراد الجرحي، الاسم عاجبني أوي.

مراد: مش الاسم بس اللي عاجبني، ومامته كمان عجبها. ندي بخجل: احترم نفسك يا مراد. مراد بضحك: هو أنا قلت حاجة غلط؟ إنتي لسه مكسوفة مني يا بنتي، ده إحنا بينا طفل جاي في الطريق. ندي بخجل: والله يا مراد لو ما احترمتش نفسك لأقوم من جنبكم. مراد بضحك: هتقومي تروحي فين؟ ندي بغيظ: عادي أقعد في أي مكان، هي الدنيا ضيقة يعني. مراد بضحك: خلاص خلاص هسكت والله. ندي سندت على كتف مراد. ثريا: هو في موضوع مهم يا جماعة ولا إيه؟

شايفاكوا بتتكلموا بصوت واطي. فريدة بضحك: طيب نقوم نروح بيتنا ونسيبكوا على انفراد ولا إيه؟ ليل بضحك: ما إنتي في بيتك يا هبلة، هو في بيت تاني ولا إيه؟ فريدة: أصل بتتعاملوا كأننا ضيوف يعني. سليم بضحك: ما تسيبيهم يا فري، إنتي حاشرة مناخيرك ليه؟ مراد: قلها يا بابا والنبي. فريدة بغيظ: كلكوا بقيتوا عليا عشان أنا الصغيرة صح؟ مراد وليل في صوت واحد: يييييي الاسطوانة بدأت. ندي بضحك: خلاص يا جماعة كلكوا عليها كده.

وكملت لمراد: وسع كده. وكملت لفريدة: تعالي أقعدي جمبي. فريدة بإبتسامة: ندوش حبيبتي واختي والله. ندي: غزول تعالي جنبنا. مراد برفعة حاجب: لا والله، كلكوا بقيتوا عليا. طيب. ندي بضحك: قوم يلا أقعد جنب أخوك وسيبنا مع بعض. وغزل قامت قعدت مع فريدة وندي. فريدة وهي بتبص لليل وقاصدة تغيظه: شكرا يا ندوش، الوحيدة اللي حاسة بي. ليل: قسماً بالله طفلة، قال إيه وعايزة تتجوز بعد ما تتخرج، دي ممكن تعمل خناقة مع مازن عشان عروسة لعبة.

غزل بضحك: خلاص بقا يا ليل سيبها في حالها. ليل: هو مالهم متجمعين علينا ليه كده؟ مراد: أيوة يابني مالهم دول. ندي: زي ما زعلتوا القمر دي محدش يزعل بقى. ليل بضحك: قمر دي قمر، قمر بالستر ياختي. وكلهم فضلوا يضحكوا واليوم عدى بسلام وسعادة. "صباح تاني يوم" مراد قام من النوم بدري، عمل رياضة وبعدين خد شاور وغسل أسنانه ولبس بدلته وكان قمر (بس بقى عشان ندي بتغير😂😂)

. ورش بيرفيومه بتاعه، وبص على ندي لاقاها نايمة زي الملاك. قبّل رأسها وخدها. ندي قامت مزعوجة. ندي بإنزعاج: مراد في إيه؟ مراد بحب: مافيش يا روحي، أنا رايح الشركة فقلت أسلم عليكي. ندي وهي بتففل زرار القميص بغيرة: اقفل الزرار ده، فاتحه لمين؟ أقول ميت مرة أقولك اقفل الزرار ده، مش كل لبسة أقولك كده؟ مراد بضحك: خلاص هقفلهم بعد كده. مكنتش أعرف إنك بتغيري كده. ندي بغيرة: أديك عرفت أهو عشان بعد كده تقفلهم كويس.

مراد وهو بيقبل خدها: خلاص متزعليش. ندي بإبتسامة: مش زعلانة يا روحي. مراد وهو بيقبل رأسها: أنا هروح الشركة دلوقتي، لو إحتاجتي أي حاجة اتصلي بي. ندي بإبتسامة: ماشي يا حبيبي. مراد خد مفاتيح عربيته ونزل، ركب عربيته واتجه إلى الشركة. ليل قام خد شاور ولبس بدلته وسرح شعره وحط البيرفيوم بتاعه ولبس ساعته، ولاقي غزل نايمة منكمشة زي الجنين في بطن أمه. ليل وهو بيقبل خدها: زوزو، غزولة. غزل بإنزعاج: في إيه يا ليو؟ بتصحيني ليه؟

ليل: كنت عايز أسلم عليكي يا روحي وتقولك إني رايح الشركة. غزل بقرف: إيه الريحة الوحشة دي؟ ليل بإستغراب: أنهي ريحة؟ مافيش ريحة. غزل وهي بتشم القميص بتاعه: الريحة جاية من هنا. ليل بإستغراب: دي ريحة البيرفيوم بتاعي. غزل بقرف: البرفيوم ده ريحته وحشة. ليل بصدمة: ريحته وحشة إيه؟ مش ده البرفيوم اللي كنتي جايباهولي في عيد ميلادي وقلتيلي ريحته شدتني وريحته حلوة وإنتي بتحبي ريحته؟ غزل بقرف: لا، ريحته وحشة وغريبة.

ليل وهو بيبص في الساعة: غزل بصي أنا هتأخر على الشركة، لازم أمشي دلوقتي. لو عزتي أي حاجة كلميني. غزل بإبتسامة: ماشي يا روحي. ليل قبّل رأسها ومشي. "في الشركة" مراد بإحترام: بابا، هو ده الورق اللي حضرتك كنت عايزه، اتفضل. سليم وهو بيبص في الورق: رائع، الورق كله منظم وجايب كل تفصيلة بخصوص الصفقة. مراد بفرحة بيحاول يخفيها: شكراً يا بابا، أنا لازم أمشي دلوقتي عشان عندي شغل في المكتب.

سليم بإبتسامة: ماشي يا مراد، تقدر تمشي دلوقتي، ولو في حاجة تانية هكلمك. مراد: حاضر يا بابا. مراد راح على مكتبه وكان مبسوط جداً إنه قدر يخلي سليم مبسوط بيه كده. "في فيلا ليل الجرحي" غزل طلعت بيجامة ليها ودخلت عشان تاخد شاور. غزل وهي بتشم الشامبو: إيه ده؟ ريحة الشامبو عامل كده ليه؟ ريحته وحشة، ده حتى بجوز الهند وأنا طول عمري بجيبه وبحبه. وغزل مقدرتش تستحمل ريحتها وفضلت ترجع وهي ماسكة بطنها.

غزل وهي بتغسل: في إيه يا غزل؟ مالك بقالك يومين بطنك وجعاكي؟ إيه حكاية الروايح معاكي؟ مافيش حاجة عجباكي ليه؟ وخدت الشاور وهي بتحاول تتجاهل ريحة الشامبو والشاور جيل، ولبست بيجامتها وطلعت وسرحت شعرها وحطت بيرفيوم. غزل بعصبية: لا ده كده كتير أوي، مافيش ريحة عجبااني وكل الروائح وحشة كده. وحطت رشة بيرفيوم على خفيف كده. غزل: سهر، سهر ممكن تعمليلي كوباية ينسون أو نعناع، أي حاجة سخنة. سهر: من عنيا يا ست هانم.

وسهر عملتلها كوباية نعناع. غزل وهي بتاخد بق من الكوباية: سهر، إنتي أجازة انهاردة؟ سهر بفرحة: بس يا ست هانم أنا... غزل بمقاطعة: أجازة انهاردة يا سهر، أنا عطيتك أجازة. سهر بفرحة: شكراً شكراً شكراً شكراً شكراً. وغزل ابتسمت وكملت شرب كوباية النعناع. "في المساء" "في الشركة" سليم: عملنا شغل حلو أوي يا جماعة انهاردة. مازن بتكبر مصطنع: أنا اللي واخد أصعب حاجة فيكوا وعملتها على أكمل وجه.

ليل: خلاص بقا يا مازن، مكانش يوم تعبت جامد فيه. سليم: كده خلصنا شغل، نقدر نروح. ليل كلم يونس عشان لو أي حاجة حصلت يعرفنا. ليل: ماشي يا بابا هقوله حالاً. وخلصوا الشغل وكل واحد راح لبيته. "في فيلا مراد الجرحي" مراد دخل الفيلا ولقاه ندي بتعيط. مراد بخوف: مالك يا ندي بتعيطي ليه؟ ندي بدموع: ابنك عمال يضربني في بطني، يرضيك كده؟ مراد بضحك: لا طبعاً، لازم يتعاقب.

ونزل عند بطنها وقال: إنت يا نوح مزعل ماما وبتضربها في بطنها ليه؟ ندي بضحك: ده بجد مبقاش يضربني في بطني، ده إنت مسيطر بقى؟ مراد وهو بيعدل لياقة قميصه بتكبر: يابنتي أنا شخصية كاريزما خالص. ندي بضحك: طيب يا كاريزما، الإسبوع الجاي عندنا معاد مع الدكتور. مراد: عارف يا روحي. ندي: طيب تعالي عشان نتعشى عشان هموت من الجوع. مراد بصدمة: إنتي مش لسه متعشية؟ ندي: أيوة اتعشيت وهتعشى تاني. بس ثواني كده عرفت منين إني اتعشيت؟

مراد: يابنتي كل الأخبار عندي، أنا كلمت صفيا وقالتلي إنك اتعشيتي وخدتي علاجك. ندي: طيب كويس، أنا اتعشيت بس ابنك متعشاش، تعالي عشان تأكل لإنه جعان. مراد بضحك: لا والله، يعني الأكل اللي بتاكليه مش بيوصله؟ وفي أكل مخصص ليكي وأكل مخصص له؟ ندي بضحك: طبعاً، إنت متعرفش ولا إيه؟ مراد بضحك جامد: لسه عارف منك دلوقتي. ندي: شفت بقى معلوماتي العالية دي، أقل حاجة عندي. مراد: طيب تعالي يلا عشان نتعشى. وبدأوا يتعشوا.

"في فيلا ليل الجرحي" ليل: غزولة حبيبتي أنا جيت. غزل بتعب: حمدلله على السلامة يا ليو. ليل بإستغراب: مالك؟ في إيه وشك مصفر وبهتان كده ليه؟ وفين سهر؟ غزل بتعب باين في وشها: سهر عطيتها أجازة، مش عارفة مالي بقالي يومين تعبانة وبرجع، مش عارفة الروايح معايا اسمها وحشة. ليل وهو حاطط وشها بين إيده: طيب كنتي قلتيلي عشان أجيب دكتور يفحصك. غزل وهي بتحضن ليل ومغمضة عينها: بس أنا كده خفيت.

ليل بضحك: لا والله، يعني حضني أنا اللي هخففك؟ ده إحنا نقفل كل المستشفيات والصيدليات كلها عشان حضن مني بيشفي. لكن مسمعش صوت لغزل. ليل: غزل، غزولة أنا بكلمك. وفجأة حس بتقل في إيده وبص عليها لاقاها مغمي عليها. ليل بلهفة بيضرب بخفة على خدها عشان يفوقها: غزل غزل ردي عليا، غززززل. وكلم دكتور عشان ييجي يفحصها. يتبع.........