رواية حبي الوحيد الفصل السادس والعشرون 26 - بقلم جنى

مراد: أنا كنت عايز أشتغل في الشركة معاكم، يعني مافيش أي مانع، أنا خلاص خفيت تماماً وعايز أشتغل في الشركة، وأظن دي شركتك. سليم بفرحة وهو بيبص لـليل: طبعاً موافق، لو عايز تشتغل دلوقتي حالاً موافق، بس المفروض إنك تعرف نظام الشغل الأول والورق والصفقات وأحوال الشركة والكلام ده. ليل بفرحة: من النهارده نجهزلك مكتب في الشركة وهعرفك كل حاجة بخصوص الشغل.

سليم: مراد، بس الأول لازم تعرف إن ده مش أي شغل، ده تعامل مع الأجانب، يعني أي غلطة تقدر توقع كل أسهم الشركة. مراد: أيوه، كل ده عارفه يا بابا، وعارف إن مافيش هزار في الشغل ده. ليل بفرحة: هكلم واحد في الشركة كده يجهزلك مكتب يليق بمراد الجرحي.

مراد فرح جداً إنه خلاص بقى إنسان طبيعي ويقدر يشتغل مع باباه في الشركة، وندي حامل ويقدر يكون عيلة، وإن حياته هتتغير 180 درجة، وخد عهد على نفسه إنه يشتغل جامد عشان يؤدي شغل كويس ويعتمد على نفسه. مراد بفرحة: بجد شكراً ليكم أوي، أنا فرحت لما لقيتكم مرحبين بالموضوع. ليل بحماس: طيب تعالي أعرفك نظام الشغل والصفقات وكل حاجة والتعامل مع الأجانب في أوضتي فوق. مراد بضحك: مالك داخل سخن ليه كده، طيب استنى بكرة حتى عشان أظبط نفسي.

سليم بحماس: لا ده إحنا هنبدأ شغل حالاً، أه في شغلنا مافيش تأخير ولا كسل. ليل بحماس: وأنا هكلم يونس يجهزلك مكتب ومن أول الأسبوع تروح الشركة تكون اتعلمت كام حاجة، وأنا طبعاً طول ما أنا في الشركة مش هسيبك. سليم: هنبدأ في أول شهرين يكون الشغل بسيط تكون اتعودت على نظام الشغل، وبعد كده نبدأ في التقيل. مراد بحماس: عظيم. ليل بضحك: لا بص من أولها كده هتفضل تقلد كلامي، لأ الكلمة دي بتاعتي.

سليم بحدة: مش عايز هزار في الشغل من أولها. ليل ومراد بضحك في صوت واحد: هو فين الشغل؟ سليم: تعالي على أوضتك يا ليل، فهم مراد كل تفصيلة في شغلنا وعرفه كل حاجة. ليل: ماشي، بس الأول أكلم يونس عشان يلحق يجهز المكتب. وكل ده وثريا كانت واقفة مبسوطة إن مراد خف وهيشتغل في الشركة معاهم، وإن كلهم اتجوزوا معاد فريدة هتتجوز بعد ما تتخرج، وعيلتها كلها سعيدة، وندي حامل وهتشوف أحفادها. *** عند غزل وندي وفريدة

فريدة: ندي أنا عايزاكي تجيبي تؤام. غزل: لا لا هاتي بنت تكون قمر زيك كده. ندي بضحك: حيلك حيلك، تؤام إيه يا فريدة، أنا شايلة مسؤليتي أنا وشعري وبشرتي وضوافري بالعافية، تقوليلي تؤام، هو طفل واحد وبس، مش فرح هو. غزل: هاتي بنت، أنا بحب البنات أوي، عشان خاطري. ندي بضحك: هو أنا اللي بختار ولد ولا بنت، ده بإيد ربنا. فريدة: ولد ولا بنت، كل حلو، أهم حاجة يكونوا شبهك. غزل: إن شاء الله كله حلو.

فريدة بحزن مصطنع: المشكلة إني هبقى عمتو مش خالتو. ندي بضحك: هو انتي بتدوري على أي حاجة عشان تزعلي ولا إيه. فريدة بضحك: بهزر والله. ونـزلت عند بطنها وقالت: هو أنا مش سامعة صوت ليه. غزل بضحك: تلاقيه نايم، أصله بينام بدري. ندي: نتكلم بجد يا جماعة، أنا لازم بكرة أروح لدكتور. فريدة: طبعاً ده لازم تروحي. ندي: هروح بكرة أنا ومراد إن شاء الله. غزل وفريدة في صوت واحد: إن شاء الله. *** عند ليل ومراد

ليل وهو بيتكلم في الفون: تمام يا يونس، المكتب يكون جاهز على أول الأسبوع، يكون فيه كل حاجة، وأهم حاجة اللابتوب. يونس: ماشي يا مستر ليل، كل حاجة هتكون جاهزة على أول الأسبوع. ليل: تمام يا يونس، يلا سلام. وقفلوا مع بعض. مراد: ليل، ليه المكتب هيكون فيه لابتوب، طيب ما أنا عندي لابتوب. ليل: ده لابتوب الشغل، هتبقى فيه كل شغلك، ولو حبيت تأجز يوم في البيت هتشتغل من عليه في البيت، فاهم. مراد: أه أيوه فاهمك.

ليل: نبدأ بقا شغلنا، تعالي أعرفك كل حاجة بخصوص الشغل. وفتح اللابتوب بتاعه وفضل يفهمه كل حاجة بخصوص الشغل، ومراد كان ذكي جداً وبيفهم بسرعة. ليل: هنا الصفقات وكل حاجة متعلقة، والصفقات هتدوس هنا عشان تعرضها. مراد وهو بيبص على اللابتوب: أيوه عرفت. ليل: دي أول حاجة في شغلنا. واداله اللابتوب وقاله: ها اعتبر إن ده شغلك، هتعمل إيه. مراد: ..................

ليل: عظيم أوي، كده أنت فهمت أول حاجة في شغلنا، تعالي ننزل تحت بقا، مش هنفضل اليوم كله هنا، نبقى نكمل بكرة. مراد: ماشي، تعالي ننزل. ونزلوا. *** كل واحد كان قاعد مع مراته، ليل وغزل، ومراد وندي، وسليم وثريا. ثريا: أنا خليت سميحة تعمل عصائر وحلويات عشان الخبر العسل اللي سمعناه النهارده، أظن كلها حاجات في البيت، مافيش حاجة مصنعة عشان ندوش. ندي بإبتسامة: شكراً يا ماما. ليل بإبتسامة: يتربى في عزكم إن شاء الله.

سليم بضحك: وعقبال ما نشوف عيالك انت كمان يا ليل. ليل بإبتسامة: إن شاء الله قريب. ثريا بضحك عالي: مش فاهمة يعني حددتوا معاد الحمل يعني. سليم بضحك: بيحددوا لسه. وغزل بصت لـليل بنظرة خجل، وليل ضحك على خجلها. ندي بهمس: مراد، على فكرة إحنا لازم نروح لدكتور بكرة. مراد: أيوه يا حبيبتي عارف، هنروح بكرة إن شاء الله. ندي: أنا بس كنت بعرفك عشان نروح بكرة. مراد: عارف يا روحي، هنروح بكرة إن شاء الله.

واليوم عدى بسعادة، وكل واحد راح فيلته، وطبعاً مراد كان عرف ندى بموضوع الشركة ده. *** في صباح فيلا مراد الجرحي مراد: ندوش ندوش، قومي يلا، الساعة بقت 10 الصبح. ندي بنوم: سيبني شوية يا مراد، عايزة أنام. مراد وهو بيلعب في شعرها عشان يضايقها: لا قومي يلا. ندي بإنزعاج: بس يا مراد. أوووف خلاص خلاص هقوم. مراد بضحك: لازم أعمل كده عشان تقومي. ندي: أديني قمت أهوا. مراد بحب: لا بس إيه القمر والحلاوة دي على الصبح.

ندي بخجل: شكراً والله، وسع كده عشان أقوم آخد شاور. مراد: أهوا قومي. على فكرة معادنا مع الدكتور النهارده الساعة 5. ندي: حاضر. *** في فيلا ليل الجرحي ليل: غزولة، أنا هفطر وهروح الشركة، ماشي. غزل: ماشي يا ليو، بس ثواني وصفية تكون خلصت الفطار. ليل: ماشي، أنا كده كده مش مستعجل يعني. غزل: وموضوع مكتب مراد خلص ولا لسه. ليل بضحك: هو الراجل لحق يعمل حاجة، المكتب جاهز بس عايز يتظبط ويتحطله شوية حاجات كده. غزل: امممم فهمت.

صفية: الفطار جهز يا ست هانم وحطيته على السفرة. غزل: طيب يا صفية تقدري تمشي. ليل: يلا نفطر عشان هموت من الجوع. غزل بضحك: انت على طول هتموت من الجوع. ليل بضحك: ما بلاش انتي يا غزل. غزل بضحك: بس اسكت هنفضح نفسنا. ليل: اهااا سكتنا. وفطر ليل وركب عربيته واتجه إلى الشركة. *** في الشركة ليل: المكتب اللي قلتلك عليه يا يونس فاضله قد إيه ويخلص. يونس: المكتب هيكون جاهز قبل بداية الأسبوع الجاي إن شاء الله يا مستر ليل.

ليل: عظيم. أنا واثق إنك هتعمل شغل كويس في المكتب. يونس: إن شاء الله. مازن وهو بيجري: ليل ليل، عامل إيه. ليل بفزع: في إيه، فجعتني، اللي يشوفك يقول في مصيبة. مازن: يعم وحشتني، فيها إيه. ليل: يا سيدي كتر خيرك شكراً، جهز نفسك بقا عشان الشغل جامد النهارده. مازن بفضول: ماشي، إلا صحيح مكتب إيه اللي عمال تتكلم عليه من الصبح ده. ليل بإبتسامة: هتعرف بعدين يا مازن. مازن بضحك: ده الموضوع شكله مهم بقاله. ليل: اصبر وهتعرف قريب.

*** في المساء في فيلا مراد الجرحي مراد: خلصتي لبس يا ندى ولا لسه. ندي: أيوة خلصت لبس يا مراد، يلا نمشي. مراد وهو ماسك إيدها: يلا يا روحي. وركبوا عربيتهم واتجهوا إلى المستشفى. *** في المستشفى دخل مراد وندي وكتبوا معلومات في الـCV والدكتور رحب بيهم.

الدكتور: مدام ندي حامل في الشهر الأول. طبعاً في الشهور الأولى دي لازم راحة تامة لأنه الجنين عبارة عن ماء ودم دلوقتي، وطبعاً يا عريس لازم متقربش منها لمدة 3 شهور عشان نثبت الجنين. مراد: طيب هل في أدوية لازم تأخدها. الدكتور: طبعاً في أدوية لازم تأخدها، أنا هكتبلها على أدوية. والدكتور كتب الأدوية اللي ندي هتاخدها. الدكتور: هي دي الأدوية اللي المفروض تاخدها، وطبعاً الراحة التامة مهمة جداً. مراد: شكراً يا دكتور.

ومراد وندي مشوا وراحوا ركبوا العربية واتجهوا إلى الصيدلية عشان يجيبوا الدوا واتجهوا على الفيلا. *** فيلا مراد الجرحي ندي بتعب: أوووف أنا تعبت. هتعمل إيه دلوقتي. مراد: مش هعمل حاجة، هعمل شوية حاجات كده على اللابتوب ليل كان قايل لي عليها. ندي: أنا جعانة على فكرة. مراد بصدمة: جعانة يابنتي، إنتي لسه آكلة سندوتشين شاورما، لحقتي تجوعي. ندي بدموع: لا أنا جعانة. مراد: خلاص خلاص متعيطيش، هتأكلي إيه طيب.

ندي بدموع: أي حاجة يا ميرو. مراد بسرحان: والله إحنا هنضيع ميرو وشكلنا هننسى كلام الدكتور. ندي: مراد احترم نفسك. مراد بنفخ: يعني أنا مطلوب مني كده عشان الباشا ولا الست هانم اللي جاي/ة. ندي بإبتسامة: أه يا روحي، معلش كل حاجة وليها ضريبتها. مراد: مااااشي. كله عشان حبيبي ولا حبيبتي. ندي: طيب أنا جعانة دلوقتي. مراد: طيب هخلي صفية تعملك أكل، وعقبال ما تغيري هدومك. ندي: ماشي يا ميرو.

ومراد قال لصفية تعمل أكل وندي غيرت هدومها وبدأت تأكل. ندي: إنت مش هتأكل ليه، من ساعة ما نزلنا وانت مأكلتش. مراد: لا مش جعان، هخلص بس الحاجات اللي ليل قال عليها، بعدين تبقي أكل. ندي: طيب عشان خاطري كُل الحتة دي. مراد: والله مش جعان، بس هاكلها عشان خاطرك. ونـدي كانت فرحانة عشان شايفة مراد فرحان وحياته بدأت تتحسن. *** بعد مرور أسبوعين طبعاً مكتب مراد كان جهز بكل الحاجات من حيث ديكور أو لابتوب وسكرتارية وكل حاجة.

دخل مراد بكل كاريزما طبعاً ببدلته الجذابة وشعره الطويل المتسرح وسط نظرات الموظفين وهمساتهم، ومازن بص لمراد وفتح بقه وفضل متنح. ليل: مازن أقدم لك مراد الجرحي أخويا، أظن باين من الاسم. ومازن فضل متنح وهو بيكح: أحم أحم، مازن إنت معانا على الكوكب ولا إيه، مالك يابني متنح كده ليه. مازن بصدمة: هو ده اللي كنت بتقول عليه وجهزت المكتب له. ليل بإبتسامة: الله يفتح عليك، أيوه، بس إيه رأيك في المفاجأة.

مازن وهو قاصد يغيظ ليل: لا بس أخوك عنده كاريزما أكتر منك. ليل بضحك: شفت يا مراد، جبتلنا الكلام من اللي يسوي واللي يسوى. مازن: بحسب. مراد مد إيده لمازن: أنا مراد الجرحي. ومازن مد إيده لمراد: وأنا مازن الألفي، شكلنا هنكون صحاب أوي. ليل: يلا بقا على الشغل، أنتوا هتقضوا كلام. سليم بحماس: مراد، ليل، مازن، انتوا النهارده شغل مع بعض. مراد في سره: طيب أشوف مكتبي الأول.

سليم: مراد، طبعاً ليل عرفك معظم شغلنا زي ما قلنا، هنبدأ بشغل بسيط بعد كده ندخل في التقيل. مراد بحماس: حاضر يا بابا. سليم بحماس: طيب يلا تعالي نبدأ شغلنا. وبدأوا شغلهم وشغلوا التايم لاين عشان يشوفوا كمية الشغل مع كمية الوقت، وسليم لاحظ تركيز مراد وحماسه في الشغل وابتسم ابتسامة واضحة. سليم: أووه، ده انت داخل سخن بقا، عديتني في الشغل. مراد بتكبر مصطنع: مجتهد بقا، نعمل إيه. سليم بضحك: طيب كمل شغلك بقا. *** عند ليل ومازن

مازن: ليل بصراحة أخوك مراد عنده كاريزما عنك. ليل بضحك: ما خلاص يا مازن، انت علقت ولا إيه، من ساعة ما جيت وانت مبطلتش تقول إن مراد عنده كاريزما. مازن: ياااه، ده فيه منافسة جامدة في الشركة. ليل بضحك: منافسة إيه يا مازن، هو دوري، تعالي بس نركز في الشغل. مازن: طيب تعالي نركز في الشغل، الورق ده. *** عند سليم ومراد سليم: كده خلصنا شغل هنا، تقدر تكمل في مكتبك. مراد بحماس: حاضر، أنا رايح مكتبي.

وراح مراد مكتبه وسليم فضل مبتسم لأنه شاف تغير مراد من حالة لأخرى، ومراد راح مكتبه ودخل بحماس عشان يشوف مكتبه وفرح جداً لأنه شاف صورة ليهم هما الأربعة، سليم وليل ومراد وفريدة على مكتبه. مراد: تحفة، ديكور وكل حاجة في المكتب تحفة. وهنا دخل عليه ليل. ليل: إيه رأيك في المكتب والديكور. مراد بإبتسامة: تحفهه بجد. ليل بفرحة: طيب كويس إنه عجبك. وسلموا على بعض. مراد بتكبر مصطنع: يلا سيبني عشان عندي شغل. ليل: حاضر يا خوي هسيبك.

*** بعد مرور 4 شهور ندي ومراد كانوا رايحين عند الدكتور عشان يعرفوا نوع المولود. ندي: مراد هو انت نفسك في ولد ولا بنت. مراد وهو بيبوس إيدها: كل اللي يجيبه ربنا حلو، لو ولد يكون شبهك، ولو بنت تكون زيك. ندي: طيب لو بنت هتسميها إيه. مراد بحب: هسميها ندي، ولو ولد لا حقيقي معرفش. يلا بقا عشان منتأخرش على الدكتور. وركبوا عربيتهم واتجهوا إلى المستشفى. *** في المستشفى الدكتور وهو بيعمل السونار: الرؤية من الزاوية دي أوضح.

ندي بفضول: ولد ولا بنت. الدكتور: .......... ندي بفرحة: ....