رواية حبي الوحيد الفصل الثالث عشر 13 - بقلم جنى

"في المحل" البنت: ازي حضرتك يا استاذ رامي. رامي: خدي ندي وشوفيها عايزة ايه. رامي لـ ندي: اختاري اللي انتي عايزاه. ندي: مااشي. ودخلت وانبهرت بالفساتين الموجودة. عملت نفسها انها بتقيس كذا فستان وهي مش مهتمة لحد ما وقفت عند فستان معين ولفت نظرها وقاسته وكانت حلوة فيه اوي. الفستان كان أبيض واسع ومنفوش ومقفول وكان بيلمع على ندي. ندي بضيق: استغفر الله لازم اروح اخد راي البش مهندس اللي برا ده. وبالفعل طلعت خدت رأيه.

رامي بإنبهار: ايه الجمااال ده شكلك حلو فيه. ندي: حلو؟ رامي: حلو وانتي احلى. ندي في سرها: مع أن الكلام حلو بس معاك رخم. ندي بضيق: شكرا هاخده ده. البنت: شكله حلو اوي يا انسة ندي عليكي. ندي: شكرا. البنت دخلت تجيب حاجة عشان تحط الفستان فيه. ندي: مش هجيب البدلة. رامي: ما أنا جبتهالك. ندي: ومقولتليش ليه؟ رامي: وانتي كمان مقولتليش لما روحتي مع مراد. ندي بتوتر: مـ مر راد مالها.

رامي وهو بيجز على سنانه: ندي بلاش تستغفليني، انتي قابلتي مراد ليه انهاردة. ندي: وانت مالك، قصدي عرفت منين. رامي: مش أنا قلتلك يا قطة اني براقبك في كل مكان. ندي بشجاعة: اه قابلته. رامي: هو مش أنا قلت متقابليش مراد وقابلتيه ليه؟ ندي: انت قلتلي اقطعي علاقتك بمراد كعلاقة حب بس مقلتش اني اقطع علاقتي بيه كعلاقة علاج. رامي: طيب ولما انا سألت طنط نادية عليكي ليه قالتلي انك بتشتري حاجات. ندي: لاني لو كنت قلتلها مكانتش هترضي.

رامي: هعتبر نفسي مصدقك، وحتي لو كنتوا بتتكلموا في موضوع لعلاج المفروض تتقابلوا في المستشفي. ندي: وانت شايفني في المستشفي، انا واخدة اجازة عشان فرحي. رامي: باباكي موجود. ندي: بس دي مش حالة بابا دي حالتي انا، معني كدا اني اخلي بابا ياخد كل حالاتي. البنت: انسة ندي الفستان اهوا اتفضلي. رامي راح اخده منها: شكرا. البنت: الف مبروك ليكوا. ندي في سرها: بس انا ومراد مش هنتم الفرح ده.

ورامي اخد الفستان وراح ركب عربيته واتجهوا الي فيلا الاسيوطي. رامي: من هنا ورايح متقابليش مراد ولا حتي جلساته. ندي في سرها: هنشوف الفرح ده هيتم ولا لا. ندي: ماشي. "في فيلا الجرحي" مراد: فرييييييدة. فريدة بخوف: في ايه يا مراد. مراد: مش انا قلت ميت مرة متدخليش اوضتي وتلعبي في اللابتوب بتاعي. فريدة: ياعم خضتني. مراد: متغيريش الموضوع، دخلتي اوضتي ليه وبعدين لما طلعتي مش تطفي النور. فريدة: خلاص يا مورو.

مراد: لما تنادي عليا تقوليلي مراد، بلاش مورو دي. فريدة بزعيق: طيب ما انت بتقولي فيرا وتفضل تقولي صابون فيرا وتقول فريدة زي معطر جو فريدة جت عليا لما اعدلكم. مراد بزعيق: انتي بتزعقي لييييه، كلمني زي ما بكلمك. فريدة بزعيق: طيب ما انت بتزعقلي اهوا. ثريا: في ايه يا ولاد صوتكوا واصل لتحت، بطلوا خناق بقى. فريدة: شوفي ابنك. مراد: والله لا شوفي بنتك.

ثريا بضحك: يابني انت 22 سنة وهي 20، يعني انتوا خلاص كبرتوا، بطلوا شغل العيال ده. فريدة: انا كل اللي عملته اني خدت اللابتوب بتاعه. ثريا: يابنتي ما انتي عندك لابتوب، ما تستخدمي بتاعك وسيبيله بتاعه. فريدة: انت بحب استخدم بتاعه عشان اغيظه. مراد: شايفة البرود يا ماما، ولما اجي اجيبها من شعرها بقا. فريدة: مش هتعرف عشان عاملاه كحكة. مراد: عادي نفكها. ثريا بضحك: انا تعبت منكم، ورايحة عشان ننزل.

فريدة: يا مااماا انتي هتسيبيني مع مراد، تعالي خديني. ثريا: خليكي مع اخوكي. مراد: سيبينا لوحدنا يا ماما عشان بنصفي حساباتنا. فريدة: يا ماما متسبنيش. ثريا: انا نازلة. مراد: كنتي بتقولي حاجة يا فريدة. فريدة بضحك: انت هتاخد على كلامي ده، انا بهزر معاك، انت الكبير يا مراد. مراد: ما عشان أنا الكبير يبقي ليا احترامي. فريدة: خلاص بقى، ما كانتش كلمة اتقالت، والله وعد مني ليك اني مش هستخدم اللابتوب بتاعك تاني.

مراد: سماح المرادي. فريدة: اخويا حبيبي. مراد: دلوقتي بقيت حبيبك. فريدة: طبعا مش اخويا. وفي رسالة جت لـ مراد على الفون. (ندي: مراد انا ورامي رحنا نجيب فستان الفرح انهاردة وقدرت اني استفزه واسجله تسجيل يثبت كلامنا) مراد: كويس كدا بقينا معانا بدل الدليل اتنين. وقفل تليفونه. "في الشركة" سليم: مازن هات ورق الحسابات من مكتبك. مازن بتعب: تعبان همووووت وانام. سليم: يلا يا مازن بلاش كسل. ليل وهو قاصد يغيظ مازن: تعبان من ايه.

والد سليم: على الاقل الوالدة بتقوم وتتمشي. ليل: حلوة. وفضلوا يضحكوا. مازن بغيظ: بقا كدا. ليل: متبقاش قفوش. سليم: الحمدلله خلصنا شغل. ليل: يلا نمشي. مازن: يلا. وكل واحد راح ركب عربيته واتجه إلى بيته. "في فيلا الاسيوطي" نادية: ندوش وريني الفستان. ندي: نو نو مش هتشوفيه غير يوم الفرح. نادية: لا لازم اشوفه يا ندي عشان لو فيه اي حاجة مش واخدة بالك منها. ندي: لا ما انا وريته لرامي وعجبه ومافيهوش اي حاجة. نادية: امممم ماشية.

ندي: اومال فين بابا. نادية سمعت صوت الباب وهو بيتقفل: اهوا جه. ندي: طيب هغير هدومي وننزل نتعشى مع بعض. نادية: ماشي يا حبيبتي. وندي غيّرت هدومها ونزلت تتعشى. "في فيلا الجرحي" ليل وسليم وصلوا الفيلا. سليم: السلام عليكم. الكل في صوت واحد: وعليكم السلام. ليل غمز لـ مراد ومراد فهم قصده وطلعوا على أوضة مراد. ليل: تخيل خبطت بالعربية مع مين انهاردة. مراد: مين. ليل: غزل السيوفي. مراد: وعملت ايه انت كويس.

ليل: ما انا قدامك اهوا. مراد: اه صح ايه الغباء ده، طب وهي كويسة. ليل: اه هي كويسة بس لسانها طلع طويل اوى. مراد بضحك: حظك بقى. ليل: ده انا اعتذرتلها وقلتلها تصليح العربية كله على حسابي، وهي فضلت تتكلم وتبرطم غريبة. مراد: طيب وتصليح العربية كلفك كام. ليل: لسة منعرفش لما يصلحوها بقى. مراد: اممم. ليل: انا اصلا اديتها رقمي عشان لو حصل اي حاجة اعرفها. مراد بخبث: كل العلاقات بتبدأ كدا. ليل: ايه يا عم دي زي اختي.

مراد بفضول: هي عندها كام سنة. ليل: انا ايش عرفني وبعدين أنا مالي، قلي انت عملت ايه في موضوع ندي. مراد: وافقت على الخطة. ليل: الحمدلله، هو الفرح امتى. مراد: كمان يومين. ليل: معانا وقت واحنا هناخد اجازة اليوم ده وهنيجي معاكم. مراد: ماشي. بعد يومين. "في فيلا الاسيوطي" كانوا مشغولين بتجهيزات الفرح. نادية: انهاردة فرح ندوش. علي بدموع: كبرتي يا ندي وهتتجوزي.

ندي في سرها: اسفة يا بابا بس الفرح ده مش هيكمل، مش عايزاكوا تفرحوا كده. ندي وهي بتغير الموضوع: خلاص بقى بطلوا نكد ويلا اجهزوا. نادية: ماشي يا حبيبتي، وبعدين واقفة ليه، في واحدة فرحها كمان ساعات وتفضل واقفة كده، يلا روحي جهزي نفسك. ندي: بس. علي وهو بيزقها لفوق: مبصش اطلعي. ندي: ماما. نادية: اطلعي يا ندي. وطلعت ندي لاوضتها.

ندي: بجد اسفة ليكوا بس مش عايزاكوا تفرحوا لأنكوا لو عرفتوا حقيقة رامي هتزعلوا اوي، وبالذات بابا لأنه عارف رامي كويس. وجاء موعد الفرح الذي ينتظره الجميع. كانت ندي لابسة فستان الفرح وحاطة ميكب فرح سيمبل. وكذلك رامي اللي كان لابس بدلته وكان شكله حلو اوي (بس منتخدعوش من المظاهر) نادية بدموع: شكلك حلو اوي يا ندى، الله واكبر عليكي، كبرتي وهتتجوزي يا ندي. علي بدموع: ربنا يبارك فيكي يا ندي وتبقي سعيدة في جوازك.

ندي في سرها: الفرح مش هيتكمل، اسفة على فرحتكم اللي هتروح. نادية: هتسيبيني لوحدي يا ندي. علي: ما انا معاكي. نادية: بس بردوا مش هقدر اعيش من غير صوتها العالي وضحكتها وخناقها، هتوحشيني يا ندي. ندي بضحك: يا جماعة انا مش هموت، انا هتجوز بس. نادية: بعد الشر عليكي، ده انتي تعيشي لحد ما تشوفي احفادك. ندي بضحك: اشوف عيالي الاول بس. الباب خبط. نادية: عريسك وصل.

ندي الضحكة اختفت من على وشها وحست أن نفسها اتكتم وضربات قلبها زادت. رامي: ادخل. علي: ادخل يا ابني. ورامي دخل وندي كانت عطياله ضهرها. رامي: لفي يا ندي. ندي لفت وشها ورامي انبهر بجمالها وجمال الفستان عليها. رامي: هي دي مراتي يا ناس. نادية: أيوة اكيد مبدلناهاش. علي: ربنا يخليكوا لـ بعض. ورامي مسك ايد ندي ونزل تحت عند المأذون. ندي بهمس: انت عارف اني مش موافقة على الجوازة دي. رامي: مش بمزاجك بمزاجي انا.

ندي: صدقني يا رامي هتتدمر. رامي: حبيبتي محدش هيندم لو في حد هيندم هتكوني انتي. ندي: هنشوف العبرة بالنهاية. عند ليل ومراد. مراد: سرّع السرعة يا ليل كدا مش هنوصل. ليل: اسرّع اكتر من كدا ايه. مراد: بسرعة يا ليل. سليم: براحة يا مراد لسة فاضل نص ساعة على الفرح. مراد: ما احنا لسة موصلناش. ليل: ممكن تهدى هنوصل في المعاد متخافش. مراد: اه يا خوفي منك، زود السرعة. ليل: خلاص قربنا نوصل. في فيلا الاسيوطي.

المأذون لرامي: توقيعك هنا يا استاذ رامي. ورامي وقع على الورق. المأذون لندي: توقيعك هنا يا استاذة ندي. وندي فضلت ماسكة القلم وبتبص للورق ورامي. نادية: ايه يا ندي وقعي على الورق. رامي: ندي وقعي على الورقة. ندي في سرها: تعالي بقا يا مراد لو اتأخرت مستقبلي هيضيع. علي: ندى حبيبتي وقعي على الورق، في ايه مالكم. مراد بصوت عالي: مش عيب حضرتك لما تجوز واحدة لواحد هي مش بتحبه. رامي بصدمة: انت. ندي بفرحة: مرااااد.

علي ونادية كانوا في صدمة تااامة.